يــــــــــــــمــــ ــه

[راعـي الـدهـمـا]

بسم الله الرحمن الرحيم

أقرب كلمة وأعمق معنى وأجمل اسم - يمه - أن هذا الاسم بمفرده هو أعظم

قصيدة وأروع شعر ؛ على عبدالله .. يبدأ قصيدته بـ يمه ،


[poet font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=350% align=center use=ex length=0 char="" num="0,black" filter=""]
يمه .. أنا مالي في هالزرع مقيال ... يمــــه ربيع الكون ماهو بعيني

ماشاقني طفلٍ وأنا صرت رجال ... وأطلقت بـــــــالأيام مهرة سنيني

يمه رضيت بكل مايرضي الحال ... بس الزمــن بــالحيل يلوي يميني

نوّخت فكري لــلتواضع ولا زال ... وجعلت فـــــي وكر الكرامه جبيني

ومديت كفينـــي عطا تشعل اشعال ... أصابعي شمـــــع لمن هو يبيني

وجعلت فــي قلبي للأحباب منزال ... وسكنتهم رغــــــم علي عاذليني

طبعي كذا ، ماخالطه خبث واهبال ... أشـري الذي في خاطره يشتريني

يمه ، أنا في عالم الحب مرسال ... تكـــــفيني من نار العذاب ادركيني

كنت أذكر البسمـه على شفاة الأطفال ... كانت تحرك كل الأفراح فيني

صمتي قتـــــل في داخلي كل الآمال ... وتبـــــــخرت أحلام أول تجيني

كنت أحسب الـــــدنيا قصيدة وموال ... موالها فــرح ، وفرحها هجيني

لكن نـغمها ماطرالــــي على البال ... ان اللـــــــــيالي بطبعها تكتفيني

يمه ، جهلت اسنين ، وسنين أطوال ... أمشي وتصفق في هواها يديني

أطرد سراب وداخل الأرض زلزال ... آه الـــــــظما يقتل سنابل حنيني

يمه كفوف البرد ماتدفي الشال ... أرمـــي الزمان وبالحنان احضنيني

يمه شكيت ومابغيت أشكي الحال ... صوت انهتف في داخلي سامحيني
[/poet]