رضاه يرجعه...؟

[علي بن مديبغ]

السلام عليكم ورحمة الله وبركاته



( بدون مقدمه )


اقدم لكم قصيده جديده عساها تنال اعجابكم




الصحيب اللي تباطا ولا منْـه إتصال...غاليٍ وأقول لامن لفى عذره معه

المفارق راضيٍ به , ولكن به سؤال...وشهو اللي مبعده ، وشهو اللي طمعه

ما ذكرت إني مقصر ولا مني خمال...وكان جاه قصور مني فعذري يتبعه

طول الغيبات وين الغنايم والحلال...لاحلال ولا غنايم , ووصله يقطعه

علموه إن المفارق مع سود الليال...تقتل الشخص المعنى وقلبه تمزعه

الحجر لوه يحس بفؤادي كان قال...انزعه حبٍ يلوعك ويشقيك انزعه

شوق قلبي والمفارق على متني ثقال...في زمانٍ من وفى فيه، وقته ظيعه

المولع لا تظايق وحس الليل طال...جر له صوتٍ عطيب الأذاني يسمعه

كان وصلك يا بعد قلب من حبك محال...لي قلبٍ ويش اسوي ليا جيت اقنعه

كل ما قلنا نوينا على شد الرحال...صحصح الجرح المضمد عليه ولوعه

ويش اسوي دام حملي ثقيل وما يشال...شخص ما همه ولكن زمانه طوعه

كنت ناوي اكتم الجرح ودروبي طوال...مير جرحي ضيّـق الكون كله بأوسعه

كل ما قلت اتناساه يطريلي مقال...( كل شخص يروح راضي رضاه يرجعه )


سلامتكم...