ابن جدلان ومجارات غازي وعبدالله بن عون ومطلق بن شنار الزعبي

[العز]

اخترت لكم زهره من بستان الشاعر الكبير سعد بن جدلان الأكلبي وهي من خيره قصائده ولقد لاقت هذه القصيده مجارات لعدد من الشعراء الكبار:


ومن ضمن الذين جاروا الشاعر سعد الأكلبي:
1- الشاعر الكبير غازي بن عون
2- الشاعر الكبير عبدالله بن عون
3- الشاعر الكبير مطلق بن شنار الزعبي

[poet font="Arabic Transparent,4,blue,b old,italic" bkcolor="transparent " bkimage="backgrounds/21.gif" border="double,4,gra y" type=0 line=200% align=center use=ex length=0 char="" num="0,black" filter=""]
الشاعر/ سعد الأكلبي

الا يالهبوب الباردة عجلي هبي "=" على جاش من قامت هواجيسه تلوبه

أنا مرةٍ اصحى ومرن يغيبي "=" أسرح مع كثر الطواري بغيبوبه

ألا يادهر ماهوب حق تلاعبي "=" رماني الزمان لمقرد الخلق لعبوبه

عباد مغفلها الزمان وتعجبي "=" يحسبون قل المال في الرجل عذروبه

وأنا قانع بللي علي كاتبٍ ربي "=" ومومن بمقدوره وقانع بمكتوبه

ولا أبغى عمى الأريا برايه يجربي "=" وهو ماعرف ماجوب ربي وما جوبه

هذور المجالس راعي المدح والسبي "=" وهو في الخلا لو جاه بنت خذت ثوبه

يقولون لي جز من تصرفك وتحبي "=" وانا توبتي من مجتمعهم هي التوبه

ديار الوبا من طبها راح متوبي "=" وقرابة الجربا على الحول مجروبه

وانا عارف منصاي لمن بدا نبي "=" واعرف طريقي اللي بتجه صوبه

وانا أعرف من أعادي ومن أحبي "=" وبه ناس لاتبغض ولاهي بمحبوبه



[/poet]






[poet font="MS Sans Serif,4,blue,bold,no rmal" bkcolor="transparent " bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""]
مجاراة الشاعر/غازي بن عون

انا للكلام الزين يابداح يا حبي "=" راع القصيدة داعب القلب باسلوبه

تشوقت فيها يوم لقيتها لبي "=" تشوق محب شايف زول محبوبه

على شان في موضوعها ماحرش ضبي "=" وخلاني أمشي مع مماشيه وادروبه

هجوس تكبر مع معانيه وتلبي "=" وهو يشتكي من قسوة الوقت وخطوبه

ويلوم الهذور اللي على الهذر متربي "=" مشاهد عيوب الناس ماشاهد اعيوبه

بخيل ذليل علته مالها طبي "=" شذب القفى غاية مرامه ومطلوبه

ولا لوم من جاشه من الغيض متعبي "=" على من تناجوا بالمقفى ونموبه

عسى ساق من لامه بما قال ينجبي "=" نتيجة قذيفة بندق وجهت صوبه

ليا ضبه الجبار ماعاد ينضبي "=" وصوابه من الركبه ليا حد عرقوبه

أصارع هموم عن يمومي تجنبي "=" وتكشفلي آفات عن الخلق محجوبه

وأحول بسوق عن هل الكون متخبي "=" تجيني به أنواع الغرابيل مجلوبه

وانا أرجي الفرج من وامر الوبل ينصبي "=" مدبر ابن آدم خالقه غافر ذنوبه



[/poet]



[poet font="Times New Roman,4,firebrick,bo ld,normal" bkcolor="transparent " bkimage="backgrounds/11.gif" border="none,4,gray" type=0 line=200% align=center use=ex length=0 char="" num="0,black" filter=""]
مجاراة الشاعر /عبدالله بن عون:


انا يوم غازي جاب تقريره الطبي "="عن الأكلبي درته وفوجيت باعجوبه

وتواشى بجاشي واهج الشوق واشتبي "="على مشرع حلو على الكبد مشروبه

ورمع للجنوبي رامع الشوق واجنبي "="وعلى شوق ابن جدلان خاويت مندوبه

ولو ماجذبني لا عزيمه ولانبي "="جذبني حديثه مع ثنينٍ تناجوبه

ولا لوم ابن جدلان ولو عاش متخبي "="وهجر ساحةٍ فيها الموازين مقلوبه

احد صاير قاضي واحد صار متنبي "="واحد صاير عوني على حسب مطلوبه

واهو لو يرد بحر المواهب على غبي "=" يصدر حصيله مايجي ربع انبوبه



[/poet]




[poet font="MS Sans Serif,4,blue,bold,no rmal" bkcolor="transparent " bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
مجاراة الشاعر / مطلق بن شنار الزعبي

الا يالذلول الداربه عجلي خبي "=" خبيب الظليم اللي من الصوت مرعوبه

با خاوي عليك الأكلبي ان كان رحبي "=" على منهج بعض الشواعير غنوبه

والا ياملكة الشعر جاك الطلب لبي "=" لبي رغبتي برضاك منتي بمغصوبه

ابيها تجي مصبوبة بالمثل صبي "=" مثل مايصبون الذهب لستوى ذوبه

انا أطرب لجزلات القوافي وتطربي "=" ولي ساحة بين الشواعير مهيوبه

جذبني ثمين القول وأشمل وغربي "=" أبيات لبن يكلب يقولون منسوبه

شعاني واشوف الشوق قام يتلهبي "=" تلهاب نارٍ في دجى الليل مشبوبه

هيضني وانا أخفي عن الناس واغبي "=" مراهيش مزن داعب البرق دالوبه

خطير علي لو افتح الباب تلعبي "=" كما يلعب البركان بكلاه وجنوبه

سمعت الكلام ولبن جدلان قربي "=" وسمعوا به افحول الشعر قبلي وهلوبه

وقام البيت الأول بالخيال يتقلبي "=" ومابين الثريا والثري صرت مندوبه

هذا الشعر ماهو شعر بعطيك واكتبي "=" وانشر صورتي في صفحة الشعر لو نوبه

ولاهو شعر ابو من هب يهديه من دبي "=" ويسمى حداثه واكثر الناس هبوبه

منهم يستغيث الشعر ويصيح ويهبي "=" يصرخ ويتعوذ ماسكينه بلغبوبه

لو ان الهبايب ياسعد تقضي النبي "=" شفت الناس كل من هواها قضى نوبه

مرات الهواء يسكن ومرات ينكبي "=" وهذي سنة الايام غالب ومغلوبه

ولاتسمع الواشي ترى ماله ملبي "=" خله مع فريق ابليس يلعب معه طوبه

ولاتقوله يافلان وشفيك تشذبي "=" ترى عادة النمام تحصيله الكوبه

وترى الناس مجبوله على الكره والحبي "=" وترى اللي تحسه غيرك رجال حسوبه

وترى الأدمي مخلوق لعبادة الربي "=" وترى كل مافي الكون لعبات واكذوبه


[/poet]





--------------------------------------------------------------------------------------------------------------------

وسلامتك وسمحولي ياجماعة اذا كان فيها اخطاء او ماذكرت مجاراة
اخرى غير هذي المجارات لان هذا الموجود عندي****

منقول من الأخ :
راعي البلها