يا نـــوف

[العبيدي]

[poem font="Simplified Arabic,5,black,norma l,normal" bkcolor="transparent " bkimage="backgrounds/5.gif" border="none,4,gray" type=1 line=0 align=center use=ex num="0,black"]
شبيت ضوي ونار القلب مشبوبه = وصليت انا دلتي والهم يصلاني
وعدلت مركاي والافكار مقلوبه = اضحك بطاري وطاري عقبه ابكاني
ياعبرتَ ماتجيني كود بعقوبه = لجتاحت القلب هلت مدمع اعياني
احاول اكنها بالصبر وأسلوبه = لوكان في كنها إحراق وجداني
وان طاولتني ونفسي منها منكوبه = حاولت ابا هدها في عذب الالحاني
قد قالوا ان القصيد اعوذبه اكذوبه = وانا اصرح ترى ذا القول غلطاني
يمكن يكون القصيد اعيوبه اعذوبه = لنه مترجم خفي لااحساس الانساني
اليا قريته دريت الرجل وشهوبه = ويبين وش علته وش فيه حيراني
تلقاه حزت غروب الشمس مطلوبه = يسهر مع الليل في بيداه وحداني
يزبن على راس رجمَ ماحدن صوبه = في معزلن عن جميع الناس هيماني
فكرة مشتت بعلمن ضاع منسوبه = قلبه يوسوس بوسط القلب شيطاني
متاهته طولت وخطاه محسوبه = لاداس قدمن ولاافهقها على داني
متلطمن والهواءيلعب على ثوبه = جافي من الناس مثل المجرم الجاني
كنه مهرب فشق ومهرب احبوبه = سبعين شدن على مركوب ياباني
دعامته امتلت ومعبي اجيوبه = ومفلل التانكي لول مع الثاني
شاص جديد من الهيبه تعزوبه = صفيرته كنها ابريق فيحاني
من هو ركب به يشوف الناس لعبوبه = صابه غرورن واخذ عزه بعصياني
اليا عطا نمرتن ثم شفت ماجوبه = ماكنه الا شرب مشروب (بباني)
واليا تلوى بوسط النفد وادروبه = ماكنه الا معلم سرك فناني
واليا اقبل بسرعته قرو على التوبه = تؤمن بأن الرعى طالت بعمراني
واليا تقفى تشوف الجافل العوبه = لامن نوى قنصها افلان وفلاني
والا خطوطه تزيد ابشكله اعجوبه = ماكنه الا وسم في نوق جداني
اليا وصل سايقه ثم راح مندوبه = اعطاء يمينن وعقّب خط نجراني
جوه مغيم تقول ابحال غيبوبه = وعيونه امفتحه والشكل نعساني
دليليتن مير جند الامن دريوبه = مطلوبهم ذا الخطر من عدة ازماني
طفا المسجل وذب اشماغه وكوبه = ثم قال انا يالحرس شوماخر الثاني
لعطاء يشرق الدير عود على اغروبه = موجن صفق موج والي فيه غرقاني
ماهو بسيطن ليا اعطب شل معطوبه = مير البلاء في دهاه يضر الاوطاني
هو يحسب الوضع مثل العام مسيوبه = يوم انتبه منحصر جوي وميداني
حاول يقاوم ولكن غصب جابوبه = امكلبشن في يديه امذل ومهاني
خايف من الموت وزود خوفه ذنوبه = وش حيلته لاحضر منكر ونكراني
شبهت حالي بحاله يوم حكموبه = الحظ مثله ردي والوقت خواني
لاجيت ابا نول شيء للقلب محبوبه = عود سرابن وانا للسرب ضمياني
وياطارد السرب جاك الليل وغروبه = عزي لحالك ومن محصولك الفاني
ماكنت احسب الهوى صايب ومصيوبه = لين ان سم الهوى وقع بشرياني
لاعاده الله ليال الحب وكــــــــروبه = ان كان خلت رفيع الشان منهاني
من يوم شدوا هله بعيد واقفوبه = الشده الي تفارق فيه خلاني
كنه بعينه يقول اشقوبه ..اشقوبه = ومن وحي الاعيان زود فيني احزاني
وقفت تايه بعد مقفوا وساروبه = قمت انتخي يابني عمي وعماني
ان وصلت لزعب باذن الله مجلوبه = حيث ان ربعي بوقت الضيق شجعاني
من جالهم في طلب بيجيه مطلوبه = ماقد سمعتوا بهيه زعب والعاني
بس ادري ان زادت الطوبه على الطوبه = صارت بها قومنا الصدقان عدواني
لولا الدراسه بعلم النفس وصعوبه = وعودن تسند علي وانا اكبر اخواني
ان كان علمتكي للدرب واهروبه = ونعيش انا وانتي لو مع شعب نصراني
يانوف من حبكي شبت به اشبوبه = ياغايتة بالنقاء والا بغــــــــدراني
قمت اطرق القاف بهجيني ومسحوبه = ولولاك يانوف ويش ابغى بقيفاني
واجاوب الورق لاغنت بنبنوبه = ولولاك يانوف ماراقبت الاغصاني
واسج لاهبت الغربي لي اهبوبه = و لولاك يانوف ماهاضت له اشجاني
وان بان لي راس حيدا رحت انا اعلوبه = ولولاك يانوف مالديت الاعياني
والله واللي فرق فالارض وشعوبه = غيرك من البيض ماوالله تعناني
فيك الوفاء والحلا والعشق وادروبه = وفيك الشرف والترف يالقاصي الداني
وفيك الفناء والهناء من نوبه ال نوبه = افناء بغيبتك وان جيتي انا الهاني
القاف شيب وفكري دوبه ودوبه = من وين انا اسننك ياريشة الواني
لكن في خاتمت قولي ومكتوبه = مؤمن انا بالقدر من وين ماجاني
واليا ادمعت عينها بالدم مصحوبه = قولوا لها ان الهوى ..داين..ودياني [/poem]ابراهيم فراج الزعبي