رد الشيخ جابر الاحمد على قصيدة مرشد البذال

[ابن عسكر]

السلام عليكم ورحمة الله وبركاته

هذه القصيدة لمرشد البذال الرشيدي ::--

لا والله الا ذعذعن الصفاري,,,,,هب البراد وقربت نقلة الطير

ذكر الحباري له نخزر الحداري,,,,اول عوانيها لقوها المداوير

كل اشقر في تلك السبق ضاري,,,,متكسر قلبه ع الطلع تكسير

ذكرتهم مسري بهاك الغداري,,,,مع جابر الاحمد طويل الاشابير

يابو مبارك ماطرى لك طواري,,,,تحيي الرسوم الاوله بالمظاهير

ياشيخ لاتنسى هذيك المساري,,,,يومك تصلي الصبح فوق من الصير

تشوف فيه من العواين مواري,,,,تلقى جرايدهن بروس العثامير

كل ورا جابر بسيره يداري,,,,اهل الطيور للشيخ جابر مناظير

ماحلا مغداهم بعشب وخباري,,,,باول طلوع النبت عشبه دواوير

وماحلا معاياهم بصوت جهاري,,,,الشيخ نشمي والجماعة مناعير

هذي طراة العمر قبل العزاري,,,,دنياك من غير الطرب مابها خير

==================== ==
وهذا رد الشيخ جابر الاحمد الصباح حفظه الله

قولك تراه اليوم صاير وجاري .....الله يجزي ذيك الايام بالخير

ياما سرينا يم ذكر الخباري,,,,مجهامنا كل يوم مثل النواطير

مانعرف التنتات هي واللواري...لهن دوي يشبهن الزنابير

نمر يالريضان خضر فقاري.. زاه عشبها مع فياضن مزاهير

لامن طلع مختار عقب المساري,,,في موقع مافيه جرة مظاهير

اوهد صوب الروض وسط النهاري....غمر وصفف ياحسين التصاوير

واليا نزل عينه تشعشع بناري....نشوفهم جنب الذواري مخامير

مثل الملك جالس وحوله جواري...والله ما اصخي به بخيشه دنانير

ماهمنا برد ولاهوب ذاري....يوم ان للمقناص بالنفس تأثير

واليوم كل واحد يصيد العفاري....وصارو جميع الناس كلهم صقاقير

اصبر تشوف الطير فوق القواري....مطلعه راعية مع سكة الجير




وتقبلو تحياتي