الفتى ولــد الزعوب

[العبيدي]

[poem font="Simplified Arabic,4,black,norma l,normal" bkcolor="transparent " bkimage="backgrounds/4.gif" border="none,4,gray" type=0 line=0 align=center use=ex num="0,black"]
جيت للصحراء واخايل للغروب = من رجال طبعها مثل الغراب
با لمظاهر زيف وبهرجه كذوب = لعنبوهم والحياء فالوجه ذاب
مايميز بين طيبه والعيوب = عيبهم حاضر وعنه الطيب غاب
حتى من مولاه علام الغيوب= لايحــــس ولا يـــــذل ولايهــاب
ياسعيد النار تقدح من شبوب = لايغرك كون سني من شباب
والله اني كل ماهبت هبوب = نسنس الهاجوس وجاب الهم جاب
ثم تجيني في طوابير ودروب = وانتقل معها على متن السحاب
قلت اسج القاف والعمر امحسوب =قبل لايطوي علي طي الكتاب
باتسلى مير زادت بي كروب = كن قلبي ينهشه أنياب داب
يازمان اسقيتني بالمر كوب = طالبك عني تكف من العذاب
القياده ماتبي شخص لعوب = ولو تنوب لغيرها راحت خراب
ليت من نبغى نعيده بالجيوب = كان عدنا جدنا غانم ذيـــــــــاب
حيث له شلفا على الطاغي عطوب = قبلها من هيبته تُخضع رقاب
وش تفيد العين لا ماتت قلوب = يابصيره يابصر وين الصواب
البصيره ترتقي باهل الشعوب = والبصر للعنز ترتع بالشعاب
ياسعيد الطب انته للمصوب = مرهمٍ ينحط في جرح المصاب
انت لك نفس على العليا طلوب = والعيون من الوجيه تاخذ جواب
هاك قيفان الفتى ولد الزعوب = والعذر ياسعيد من قبل العتاب
والختام اقول ياربي ذنوب = فوق كتفي اتعبتني كالهضاب
أجلها يالله جيتك لجل أتوب = والعفو ثم العفو قبل الحساب[/poem]
إبراهيم فراج الزعبي