قصيدة البراطمي ومجارات فهد بن سلامه وناصر الجعيلان

[ابو تركي]

السلام عليكم ورحمة الله وبركاته



اسعد الله جميع اوقاتكم بكل خير وموده



اقدم لكم هذه القصيده من الشاعر حمد البراطمي المسنده لفهد بن سلامه في مدح زيد بن جعيلان وسعد بن جعيلان ورد الشاعرين فهد سلامه بن رمضان وناصر سعد الجعيلان.

مع العلم انها نشرت بهذا المنتدى العزيز ولكن لم تكن قصيدة بن رمضان متوفرة لدينا فأحببت ان اجمعها جميعا .



يقول الشاعر حمد البراطمي


[poet font="Simplified Arabic,4,black,norma l,normal" bkcolor="transparent " bkimage="" border="solid,4,blac k" type=1 line=200% align=center use=ex length=0 char="" num="0,black" filter=""]
يافهد واعدتني وأرجي الوعيده"="بكشتةٍ لأهل الصخاريف الخلاوي
فوق جمسٍ يافهد يدني بعيده"="منوة اللي لأبرق الكبريت ناوي
سايقه مطنوخ نوهاته بعيده"="ويقضي اللازم ولو دونه بلاوي
والذي بالمرجله نفسه زهيده"="حالفينٍ بالسفر له مانخاوي
لا لفينا زيد بنعد القصيده"="ولا مدحته يافهد ماني بغاوي
المراجل لابغاها ماتكيده"="وجعل يفدونه رديين الهقاوي
نمدح ونزيد المدح بعضيده"="ابو ناصر هيف خرفان الشواوي
معربين الساس من قوم حميده"="من هل الحيزا مزبنت الخلاوي
وأنتهت في ذكر من حنا عبيده"="مشفي المرضان لاكل المداوي

حمد البراطمي
[/poet]




ورد فهد سلامه الزعبي

[poet font="Simplified Arabic,4,black,norma l,normal" bkcolor="transparent " bkimage="" border="solid,4,blac k" type=1 line=200% align=center use=ex length=0 char="" num="0,black" filter=""]
فوق جمسٍ تو لوحاته جديده"="مرحبا باللي على الطرقه يخاوي
ياحمد فيما تقول وماتريده"="نقضي اللازم ورب البيت قاوي
نفعتك من صاحبك ترفع رصيده"="في حدود المقدرة باعة رهاوي
يطلب الله يجعل ايامك مديده"="يسمع الدعوة ويقبل للمناوي
لا لفينا زيد تلقالك وليده"="يرمي الغتره ويومي للنداوي
نيّته سمحه ولا عنده مكيده"="ذاكرٍ ربه ولا تسمع لغاوي
والعضيد اللي على الشدة سنيده"="جعل ربي يمنعه سو البلاوي
لا زهمته جاك لو تطلب حفيده"="في علوم المرجله ماهو يراوي
جاك علمٍ ناقله ساعي بريده"="مثل ماقال المثل يجرح ويداوي

فهد بن سلامه
[/poet]




ورد ناصر سعد الجعيلان الزعبي

[poet font="Simplified Arabic,4,black,norma l,normal" bkcolor="transparent " bkimage="" border="solid,4,blac k" type=1 line=200% align=center use=ex length=0 char="" num="0,black" filter=""]
مرحبا وأهلين ياراعي القصيده"="مرحبا في فهد واللي له مخاوي
مرحبا ترحيبة المسلم بعيده"="الليالي نورت والبدر ضاوي
ويالله المعبود يا رازق عبيده"="تغفر الزله وتهدي كل غاوي
ويالله المعبود عمره لي تزيده"="وياعسى من يبغضك بالنار هاوي
ما بدعنا القاف في مي وفريده"="نبدعه في اللي بعيدين الهقاوي
سعد منهو في اللقا أنتم رصيده"="لا اختلف بالراي وصاحوا بالعزاوي
ولو مدحت العود مدحي مايزيده"="كاسبٍ للطيب من يومه هواوي
ياحمد هذا محلك وانت سيده"="انت راعي البيت وانا لك إفداوي

ناصر الجعيلان
[/poet]