التسامح مع الجار( اب يسامح قاتل ابنه)

[ماجد السلمي]

هذا ما قاله الشاعر مبارك إبن سعيد إبن مغيثه الهاجري في فلاح بن محمد بن عبيد الهاجري حينما صارت الحادثة بينه وبين جاره الدوسري وقتل ابن الدوسري ولد فلاح وهم صغار السن وحصل ما حصل.... وقد تنازل فلاح عن القضية لوجه الله الذي أمرنا بالإحسان الى الجار ومراعاة حقوقه


[poem font="Simplified Arabic,6,darkred,nor mal,normal" bkcolor="transparent " bkimage="backgrounds/30.gif" border="none,6,gray" type=0 line=0 align=center use=ex num="0,black"]
يالله ياللي للدعاء تستجيبي
يا واحدٍ كل الخلايق تساله
ان تجبر اللي فاقدٍ له حبيبي
يوم انتهى أجله صار له ما جرى له
وصار السبب من جار أبوه القريبي
و الجار يالظفران ترفى خماله
أمراً كتبه الله و مثله يصيبي
و ما يمشي العاقل بفعل الجهاله
و فلاح فعله عند جاره عجيبي
و حقه بياض الوجه لا جا مجاله
منه تنازل جعل حظه يطيبي
وانا اشهد انها لإبن عمي شكاله
و اجرٍ من الوالي وو فعلاً صعيبي
و فلاح هو راعيه يوم ارتكاله
رجلًُ من رجالً و من ساس طيبي
هواجراً كسابة للجماله
هشين للجيران سقم الحريبي
قصيرهم ينزاح ما حس باله
يرقون للعلياء بحبلٍ قطيبي
يوم الهداني قاصراتٍ حباله
ذرى القصير مدلهين الغريبي
معهم عزيزٍ لين ينهج بفاله
و الجار وصى به نبياً حبيبي
ويا كيف نخلف من بُعث بالرساله
وحنا بني هاجر نسبنا عريبي
و المجد حنا من قديمٍ رجاله
قصيرنا دونه انرد الطليبي
و نسوق دونه جاهنا والخياله
دونه نسوق مشعثرات السبيبي
و قولً بلا فعلً ينقد مقاله
لا خان في جاره ردي النصيبي
حنا ذراه و متلبه ما يناله
و من دونه نسوق الأصايل جنيبي
و جاه الأمير اللي تنومس افعاله
ابن عويضه راشدٍ العريبي
عريب جد و كسب الأمجاد ناله
وفلاح فعله عند جاره عجيبي
حقه بياض الوجه لا جا مجاله
الله يثيبه عقب فرقى الحبيبي
و عساه يشفع له و لإمه و خاله[/poem]

صح لسانك يا الشاعر / مبارك إبن سعيد إبن مغيثه الهاجري

علي القصيده الرائعه
بيض الله وجهك وجزاك الله خير الجزاء

يا/ فلاح بن محمد بن عبيد الهاجري

علي ما قمت به من تسامح لوجه الله عز وجل