مواضيع..

[محمد الجبريني]

المشاركة الأصلية كتبت بواسطة علي بن مديبغ

السلام عليكم


اقدم لكم مقتطفات من إنشائي واتمنى انه تعجبكم



( 1 )

لا هب نسناس الشمال اخليت من راسي الشماغ...وسندت خدي لليمين وعودت طاقيتي

حسبي على همي مع الظيقات ما منها مراغ....تجبرني اجدد بشركات الحزن عظويتي

افكر بأمسي وبكره لين اتعبت الدماغ...إلين عفت النوم واصبح ذ السهر ماريتي

متى يُـغيَّـر ذ الزمن واخذ من همومي فراغ...واكنسل اوقات الشقى واتمتع بحريتي


==================== ==================== ==================== ==================== =

( 2 )

دمعة شرف ولا فرح فيه ذلي...وطيحة شموخ ولا وقوف الإهانه

ياللي نبشت الجرح بالله قلي...هاذي قساوة قلب ولا ميانه

إن كان جرحي في همومك يسلي...اعرف ترى شرع الزمن بالخيانه


==================== ==================== ==================== ===================

( 3 )

من طين مخلوقين وآخرنا لحد...ليه المراوغ دام آخرنا معروف

اللي فعل سيه وبالآخر جحد...لاتصبح اعذاره بوقته والضروف

سوا خلقنا ما لأحد فضل(ن) لأحد...وفعل اليمين يرتبك حسب الصفوف


==================== ==================== ==================== ==============

( 4 )


هزيت عثق الشعر ثم طاح منه...احلا معاني الشعر بأسلوب راقي

لا يا قصيدي كان مافيه منه...بقطف من اعنابك جميل المذاقي

وسطك انا يا شعر كني بجنه...عطني مدام العمر والوقت باقي

شاعر وله فكره ونظره وظنه...ارقى سنود إن كنت بالنفس هاقي

شاعر وتعبير الشعر صار فنه...رقى بأحاسيسه لأعلى المارقي

الشعر انا لو كان صديت عنه...ماعاد باقي من حياتي بواقي

مانيب بكتب لجل معجب لأنه...له منطقه وانا بعد لي نطاقي

الشعر ما قصر بضيقي كأنه...رفيق يرفق في اعز الرفاقي


==================== ==================== ==================== =========


( 5 )


اصخر القيفان واخزمها خزم...مدامها قد اينعت حان القطاف

من تاق للعليا يلحقها عزم...ما ياخذ الا هو في اخر مطاف

عيوبنا بهروجنا مابه جزم...سوالف اول ليل وقلوبٍ نظاف

على القدم يصعب ترا اصغر حزم...لا راحت الهمه ووكب الحيل طاف

العين تدمع لا طلع فيها هزم...وما يبرد اللي بخاطره منهو يخاف

وقتٍ يذل رجال ويعزز قزم...نبغيه يرقى للعلا يرجع خلاف




وسلامتكم

الشاعر \ علي ا بن مديبغ

كل هذا ومقتطفاااااااات اجل وش لون القصايد لله درك

هذى يخوي تعتبر قصايد وخير الكلام ماقل ودل لا بل معلقاااات صدقني

اخوي لي طلب منك على حسب فضوتك ابيك تلبيه ان امكن واكيد امكن واحسن
لديك حلاوت القصايد طلبها


ابيك تكتب او تطلعنا على احسن واقرب واجزل واعنف قصيده من قصائدك اللي قلتها الختيار عايد لك
وهل لديك ديوان اذ الاجابه نعم اين وفي اي موقع ممكن تزودنا بالمنتدى اللي هو فيه

وتقبل تحياتي
اخوك حاكم