ترى غيري كثير اخيار.....

[علي بن مديبغ]

السلام عليكم ورحمة الله وبركاته


نقدم لكم هذه الابيات



ونود ان تنال إعجابكم


يجور الوقت في حالي واقول الله مع الصبار...عطيب الجرح لو ينزف لجى لله شاكيله

الا يا الله انا عبدك بعدل الوقت او إن جار....فلا غيرك عليم الحال ولا غيرك من الجي له

الا يا حر مافي الصدر والا يا شين صلو النار.....إلامن صار مالك ذنب ولا في يدينك الحيله

خطت رجلي وانا ابن آدم ولا لقيتلي معبار....بوادي الحب تاه العقل واسجد لله ادعيله

الا يا بنت يوم انك سحرتي نظرة النظار...ترى قلبي ترك صدري ويبغي الزين ياوي له

ابي انطق ابي احكي عن اللي في غيابك صار...وترى قلبي من الفرقى يجر احزن مواويله

تعالي قربي صوبي وخلي عنك الاعذار....كلامك لا نطقتي به احس إن فيه ترتيله

علي رفقه إلا منك نويتي في فراق الدار...أحس إن الزمن يقسى وبي تكثر بهاذيله

بعد بُـعدك إلا مني شربت الشهد كالامرار...يجي طعمه واقول الله يستر من مقابيله

اشيل الهم فوقه هم ولكن ذ الزمن جبار...الا يا كيف انطاحلي دهر ماني بقاوي له

الا يا ذ الزمن تجعل بصير الراي كالمحتار...والا يا ذ الزمن مكثر تنوخ من رياجيله

حلمت انك معي دايم ولكن كيف شلي دار....اثاري هالزمن يلعب ومتني قام يرخيله

الا يا متن شيل الحمل واكفخ كفخة الاحرار...ترا ماهي بكل مره تجيلك في تساهيله

اذا المهره تبي تبعد فلاهي طافيه الانوار...ترى برق الوله لايح وتكفيني مخاييله

واذا هي عزمت تجفى فلاهي قاصره الاعمار....محدد موتت ابن آدم رفيع الشان في الليله

واذا هي هاويه غيري ترا غيري كثير اخيار...وهاذا الحض انا اعرفه وانا اللي باخص بميله

ابي ربي يعوضني بشوف النور دون ستار...وعمري لا فنى كله يجيني من محاصيله



وسلامتكم