مــــالـــهـــا داعـــــــــي

[سيف القبيله]

حبيبي اللي علـى كيفـك تخاصمنـي***** بعض الحركـات والله مالهـا داعـي

احيـان تجلـس بقربـي ماتكلمـنـي ***** وانا يناجيك قلبي من وراء اضلاعـي

واحيان من شوفتك تبخـل وتحرمنـي ***** واهيـم بالكـون لانايـم ولا واعـي

كنت احسبك بالحياه اللـي تقاسمنـي ***** تفرح معي وان حزنت تخفف اوجاعي

وان غبت الاقيك بالغربـه ملازمنـي ***** وتصير وياي عايش مجمل اوضاعـي

وإن جيتلك بالوله والشـوق تعزمنـي***** وبعذب كلام الغرام تلطـف اسماعـي

وإذا حصـل غلطـةٍ منـي تفهمنـي ***** وإن ماأقتنعت بخطاي تحاول إقناعـي

لاكن اضنك حبيبـي منـت فاهمنـي ***** أو إن للحب عنـدك عـدة أنواعـي

أما إذا شفت نفسك مانـت هاضمنـي ***** قلها وأفارقك وفجـوج الله أوساعـي

مافيه داعـي علـى حبـك تندمنـي ***** وتصير أناني مع احبابـك وطماعـي

حاسب ضميرك حبيبي قبل ترغمنـي ***** أقسى معك وأختلف وأغير أطباعـي

إن كنت في لعبة الشطرنـج تهزمنـي ***** أنا الذي لجل فوزك ساحب إدفاعـي

يعنـي لاتنغـر يافتـان ورحمـنـي ***** بطل حراكاتـك اللـي مالهـا داعـي


الشاعر/ عبدالله بن عتقان السلمي( نجم الحرة)