الكرم والعز عند إخوان نوره !!

[محمد فهد الوافي]

السلام عليكم ورحمة الله وبركاته ,,,


صبحكم الله بالخير


قصيدة تعبر عن نفسها وأتمنى أن تحوز على رضاكم


-----------------------------------------------------------------------------




[poem font="Simplified Arabic,6,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
يا بو متعب ليت والله ما نوينا = للسفر وديارنا ماهي مهجوره
ليت والله عن هوى السفره سلينا = وعن مصر ما حدنا حادي نزوره
وش مصر يا لعنبوها لو سرينا = ديرة ٍ ماهي طرب وأن جاك دوره
ديرة ٍ قد قيل فيها من سنينا = قالها بن العاص يوم الشور شوره
قالها فيها النسا تمشي الهوينا = والرجل فيها مع الغالب يبوره
وقالها يجمعهم الدف ودرينا = والعصا لامن حضر فرق نشوره
والله أنه جابها حق ٍ مبينا = شفتها بالعين مرسومه بصوره
شفت ناس ٍ مالها بالطيب بينا = مالها غير الحكي فعل ومشوره
ناس لا شرهه ولا مدهال زينا = طيبهم وياك محدود ٍ دبوره
طيبهم وياك مع مد الثمينا = وان قصر مدك ترى ماهي صبوره
ولا أقول الكل منهم ضايعينا = بس أقول الكل بقلوب معصوره
جل من قال أدخلوها أمنينا = في عصر مصر العرب دار معموره
مومنين بحكمته دنيا ودينا = ولا نعارض حكمة الله بعصوره
وأحمد الله وأشكره فضله علينا = مرهي النعمه وواجبنا شكوره
الله اللي عزنا ومعه إغتنينا = جود مده عم في بر وبحوره
وإن بغيت العز لو تنشد حكينا = الكرم والعز عند إخوان نوره
يمشي الطرقي من أقصى حد لينا = للكويت وللحسا وياصل شروره
ما حمل بندق ولا سيف ٍ سنينا = ممن ٍ في ديار ماهي بمحظوره
في حما شيوخ العرب والمسلمينا = وفي ذرى منهم يحدون الخطوره
مكرمين الضيف مع مد السمينا = ومزبن ٍ للي شكى همه وجوره
والعرب فيها بدو والضاعنينا = ما عليهم زود بالطيب مغموره
سلمهم سلم الرجال الطيبينا = وبيتهم مفتوح والطيب يزوره
مرحبا للضيف والقاسي يلينا = وخص منهم طيب الساس بحضوره
وعم كل اللي ذكرناه ونسينا = من بدو والا حضر يسكن قصوره
وعقب كل اللي ذكرنا وإحتوينا = في ديار ٍ تفقد الصاحي شعوره
يا سعد طالبك بالله لا تجينا = في علوم البيه وإبن أم البزوره
وخلنا في دارنا ومعززينا = ومشيمين نفوسنا عن كل عوره
والختم صلو على راع المدينا = عد ما بان الصباح وشع نوره[/poem]




وسلامتكم ,,,