" مرحلة قصيدة "

[فهد بن رمضان]

السلام عليكم ورحمة الله وبركاته

اسمحوا لي أن أن أضع بين أيديكم قصيدة متواضعة

وآمل أن تنال إعجابكم

....









[poem font="Arabic Transparent,6,black, normal,normal" bkcolor="white" bkimage="" border="double,4,gra y" type=1 line=1 align=center use=ex num="0,black"]
يالله إليك ولا إلى غيرك خضعت ولا رجيت=ياللي ليا كبرت مصايب ذا الزمان تهينها

كلما ثقل حمل السنين وزادت حمولي قسيت=لأن الوناسة من سنه ما غازلتني عينها

وكلما بغيت أكتب من أوجاعي قصيدة ما قويت=لأن الليال أقسى من طعوني ومن سكينها

لايا وجودي كلما نادتني هجوسي وجيت=ولبيت في دمعة عيون ٍ ما أرخصت غالينها

وأجحد وأكابر ضيقة الخاطر ليامني سريت=في ليلةٍ كل العباد اللي إهتنوا ممسينها

وأنا أدري إني بواقع الدنيا رضيت أو مارضيت=مثل العطايا لو نرجعها على معطينها

أعطتني الدنيا سهر وأخذت من عيوني مبيت=وأنا أتحرى للمنام يزورني من حينها

أغفا وأفز إن غارت هجوسي وماكني غفيت=مثلي مثل من ضيع الحاجة مايدري وينها

أنا أشهد إنها كايدة ثورة قصيدي لابغيت=أكتب قصيدة وأنهدم في منتصف تكوينها[/poem]