الثقل هيبه

[أبن شهلان]

السلام عليكم ورحمة الله وبركاته

اشكر جميع القائمين على هذا الموقع وكذلك المشاركين ارجوا من الجميع ابداء رايهم في هذه القصيده


قالو ثقيل وقلت للثقل هيبــــــه __ عند الرجال اللي تدرا من الــعيـــــب
لاني كثير الهرج والكذب خيـبه __ لامن هرجت افعل واعرف المواجيـــب
اللي نقل هرج البشر وش تبيبه__ ينقل كــلامك للبشر مثل مايجــــــــيب
انا تعلمت الامور الصـــــعيبـــــه __ من حكة الدنيــا وكثر التجـــــــــاريب
ترى الرجل صندوق مايندريبـــه __ مايندرى وش داخـــله من عــــذاريـــب
هو طيب والا الردى فوق طيبــه __ وخاوي الذي رابي على العز والطيب
لاخير في صاحب يبور بصحيـبه __ لضاقت الدنيا تبان الاصــــــاحيــــــب
والا الرخاء كل خويه قريبـــــــه__ ولاشانت الدنيا غدوله محـــــــاريـــب
اما صحيبي عنه ماهي غريبـــه __ في شدة والا رخـــاء فعله مصـــــيب
لاضاقت الدنيا على انتخيبـــــــه __ هو نخوتي هو عزوتي والمطـــاليــب
دربي ليا منى مشيته مشيبــــــــه __ لوهو ظلام ونابح الكلب والذيـــــــــــب