شلون تعرف انك بدولة من دول الخليج العربي

[العميد]

شلون تعرف انك بدولة من دول الخليج العربي ؟؟؟!!!



1- لما تشوف طفل عمره ما يتعدى 10سنين و بإيده موبايل بو كاميرا .


2- إذا كنت بالشارع و شفت واحد حاط أغاني انجليزية و مطول عليها و مو فاهم شي من الاغنيه .


3- لما تشوف واحد عنده سيارة كشخه وما عنده حق البنزين .


4- لما تمشي بالشارع وتشوف المقيمين اكثر من المواطنين .


5- لما تروح المجمعات التجارية وتشوف تجمع شباب ولا فيه واحد منهم بإيده حتى لو كيس خبز .


6- لما تروح اي مكان ترفيهي وتلقى لافته على البوابه و مكتوب عليها بالخط العريض ( للعائلات فقط ) .


7- لما تشوف نص الناس يعتقدون ان كلمه الانترنت يعني اشياء محرمه والنص الثاني يعتقدون انها شات .


8- لما تشوف أغلب الموظفين يداومون يوميا على شرب القهوة والشاي و قرايه الجرايد .


9- لما تشوف أغلب الموظفات يداومون على عرض الازياء وبيع الخلاجين بالدوامات .


10- لما تشوف المدرسه او بالعاميه ( الأبلة ) بالمدرسة تقوم بدورها على أكمل وجه أما بالبيت تحتاج منو يربيها .


11- لما تروح الملاعب وتشوف ثلاث انواع من الجماهير : النوع الأول رايحين حق الجوائز و السيارات .... والثاني حق السب و الشتم ترويحا للنفس .... والثالث رايح حق المسيرة اللي بعد المباراه أما المشجع الأصلي قاعد في بيتهم وما يروح الملعب عشان ما يشوف هالأنواع الثلاثه .


12- لما تروح لمدارس الاطفال وتشوف ان الخدامات و السواق هم اللي يوصلون الاطفال لمدارسهم وهم من يحضر لقاءات اولياء الامور .


13- لما تروح المدرسه وتشوف ان الطلاب اللي بالكرااسي الاخيره من كل صف نايميين.


14- لما تروح الجامعات وتشوف الغايبين اكثر من الحاضرين والحاضرين نصهم نايمين .


15- لما تروح المسجد و تسمع ان الصلاة تقيم على أنغام رنات الموبايلات .


16- اذا مشيت على البحر بجو رومانسي وشفت شلة يخزوونك تقل ذابح واحد منهم.


17- اذا شفت صراصير كبار يتمشون على الأرض ترى هذولا بنات متحجبات ومطلعين قذلهم مثل قرون الاستشعار .


18- اذا شفت مراهق بإيده زقارة وعلى ملامحه علامات الافتخار .


19- اذا شفت شباب وكل واحد صابغ خصلة من شعره ..بتقليد اعمى لشباب الغرب .


20- اذا شفت وحوش تتمشى لا تستغرب تراهم مجرد شوية بنات بس حاطين مكياج .


21- اذا كنت تتمشى و مرت جمبك ذبانه كبيرة لا تخاف ترى هذي وحده جيكرة وحاطه عدسات .


22- لما تشوف الزحمه على مكائن السحب الألي في البنوك اخر الشهر فقط .

23 - لما تحس بالصيف ان رسك بينفجر من الحر وبالشتاء كانك قطعة ثلج في الفريزر .

24- اذا شفت النااس تستخدم شاامبو اثنيين في واحد .

25- لما تحب وحده ويجي اقرب اصدقائك يخرب عليك ههههه .

26-لما تطلع الظهر وتلقا راعي البرد قاعد تحت مضلتكم .

27- لما تشووف جاهل قاعد قبال البقاله وبيده اليمين زقاره باليد الثانيه ببسي الساعه 2 الظهر ولا كل ماتمر ددسن تدق هرن يرفع ايده اللي فيها زقاره.

28- لما تقعد الصبح وتلقا الوالده مجمعه عجايز الشارع كلهم وشاي وحب وحش.





لما تشوف كل هذي الاشياء تأكد ميه با لميه انك بدوله من دول الخليج العربي .


منقووووووووووووووووو وووووووووووووووووووو ول