شعب لبنان

[علي بن مديبغ]

السلام عليكم ورحمة الله وبركاته


نقدم لكم الجديد وعساه ينال الاعجاب

ومظمونها عن المتربيص تحت اسم العروبه والغدر والنزاعات اللي تحدث بين العرب

ومنها نغير بعد عن الغزل ونسمع كلام الاخ ( العميد )


الــطيــر لامــن ظــاق رفــرف بجنحان@@وانــا لــيــامن ظــقت مــالــي جــنــاحيــن

يــا ديــنــةٍ عـشــنـا بـها دون عنوان@@مــتــقـلـبـه فــي وقــتــنــا ذ الــمــوازيــن

مـــن يــفعل الـــجزله يــلاقا بنــكران@@وفيها الــردي يـا خــذّه ( تــيــه ) السـلاطين

حـــــنا عــرب نهج الفظايل والايـــمان@@صرنــا نــردد بــالطرب كل تــلــــــحين ؟؟

حـــنا عـــرب لا شـــافــت الذل الاوطان@@ ماعاد فينا من على الصبر قـــــاوين؟؟

حــنا عــرب اهل الديــانه والاحسان@@ما عاد فــينــا فــبيت ربـــــي مصـــلين؟؟

الــذل مــكــّن فــي هــل العــز نيبان@@وعـندي خبر كل البشر عنّــه داريــــــن

قــبل امـس يـجهش بالبكى شعب لبنان@@من عــقب مـــا اغتـيل الحريري لهلحين

ســـبة غــدر ســبة بلاوي وشيــطان@@ وحنــا نــصفــق مــع هل الغدر بأيدين؟

جــعــل الــفــنا راسٍ مـن الـذل مليــان@@ مـا فــكر بــعــزه ولا نــصـرة الـــــدين

الــخصـــم يــصنــع مــير حــنا هــل الشان@@حنا هــل الــوقفه كــعام الـمعيلين

فــي حـــكمــنا ســاد الامن كل ميدان@@ صار الــطلي يــمرح بـجــنب السراحين

يــا ريــق من صــكات الايام عــطشـان@@ابــتل يا جــعــل الــزمن فــاله يــزين

بــتمــوت وانــته من وفـى الخلق ظميان@@طبع القسى بقلوبــــهم لا يوم الدين

من ســار فــي نور الحقيقه فلا هان@@ومن سار في درب الــدنيــات مســكين

نلـــعب عــلــى ارواحنـــا ومين ربحان ؟@@غير العدو واهل الحسد والملاعين

نسعى مساعي الكره في ثوب الاخوان@@نمشي كذا على عمى وين غادين

يا ظــــــــيقةٍ بالــتصدر والبال طفشان@@ ماهـــي بظيـــــقة افتراق المحبين

ٌإلا هواجـــيسٍ علـــى جــــال بيبــــان@@ صدري وكــــنهم من ربوعٍ وغالين

إليــا افـترقنا صرت انا حيــــل ندمان@@لأنهم حوالي هاجسي دوم ممسين

يا عُــــــرب وإن كان العطايا بصفطان@@نبغي التكاتف والأخوه تحّــت دين



التيه = الكِــــبر والجبروت


وسلامتكم وسامحونا على القصور