السموحه عن الانقطاع ونقدم لكم الجديد

[علي بن مديبغ]

السلام عليكم ورحمة الله

اسف عن الانقطاع لفتره عنكم

ونقدم لكم الجديد عساه ينال اعجابكم


يا ليتني في يوم الاثنين ماجيت...كـذا فـراغـة وقـت مـريـت بـابـــــه

عينت زين الوصف ظاهر من البيت...يـاويـن نـاوي الله اللـي درابـــــه

كم في خفوقي من عبر لكن ازريت...اشـوفـها مرت مرور الـسـحـابـه

من شحها عشب الغلاا عاديٍ ميت...ما اروت ديار العشق واسقت ترابه

نصيتها واصد.. عزمت.. واقفيت...اخاف جفن العين يــطلـق ركــابـــه

يا حرق جوفي لامشت ويت بالويت...توه صغير ملبســينه حــجــابـه

كل ما مشت من حر صدري تعزويت...كن الجسم يمزعنه ذيـــابـــــه

عنتر يوم ان القوم جمعا وتشتيت...من دون عبله غارقـــاتٍ حرابـــه

كم يوم من شانه بذلت وتعنيت...وكم يوم يقطع ما يجينـي جـوابـــه

من صدته في غفوتي ما استلذيت...كل ما غفت عيني طرالي سرابه

الناس قالولي عسى ما استجنيت...قلت الزمن كشر عليه بنــابــــه

وش فايدة عمري اذا ما تهنيت...وكم شايبٍ قبلي بغى من شـــبابه



وسلامتكم

اخوكم : علي غنيم بن مديبغ