اقوى القصائد بالخيانه

[ابن مدلاج]

لا ردك الله لا ولا اطلب تردين ......ادعي عليك بعثـرة فـي صلاتـي

عثره تشلك ما بعدها تقوميـن ......يـا قاتلتنـي يـوم صرتـي حياتـي

خدان لك بالقلب كانت بساتين ......وريضـان وغصونـا بهـا يانعاتـي

كنتي مناة القلب والروح والعيـن ....واليـوم عينـك يعلهـا مـا تباتـي

كنت أحسبك للعهد والحب توفين ..قلتي الغدر بالحـب ماهـي بسواتـي

وحلفتي يمين الله ما منـك اثنتين.......وانـك مـلاك دون كـل البناتـي

وانك على عهد المودة تسيرين ....ولا تسمعين أهـل الحسـد والوشاتـي

وصار اليمين ستار خلفه توارين .......ورماح غدرك بالخفا مشرعاتـي

وبان الغدر سم جرى بالشرايين ......الله عسـى يسقيـك سـم الفعاتـي

كلي سقيتك حب واليوم تنسين........تقوليـن حلـم ايـام واليـوم فاتـي

خذتي الهوى لعبه على ما تحبين ......لين عصفـت بالهـوى عاصفاتـي

من زينك يا بنت بالشعر تزيين ............ من صورك بابياته الطايلاتـي

انا من غرامي قلت كانك تذكرين ...... قلت الخجل صاب البدر من مناتي