إليكم هذه ...

[ابو فهد]

السلام عليكم

الأخوان الكرام أقدم لكم هذه القصيده للشاعر : فهد بن غنيم المديبغ الزعبي
ومجاراتها للشاعر : خزام بن سحمان بن فاهده الشهراني
وأتمنى أن تحوز على أعجابكم

اللة واكبر كني اليوم منجـــــــــــــوم *** يالله تسهلي طريق السلامـــــــــه
لاوالله الا فارق عيوني النــــــــــــوم *** من سبة اللي وسط خده علامـــــه
من سبة اللي شفتها في ضحى اليوم *** تغضي وتشر لي بنص ابتسامــــه
من صدمتي بقوم وازريت لا قــــــــوم *** يا شين رجل ما تشيله اعظامـــــه
بغيت اكلمها لكن نفسي تشـــــــــوم *** والرجل يدري شيمته مع مقامــــه
معها عجوز لاحقه قيصر الــــــــــروم *** اعيونها كنها عيون النعامـــــــــه
كن العرب بعيونها كلهم قـــــــــــوم *** ومعهم هنيدي ما اعرف وش كلامه
منهو معزب؟ قال مافيه معلـــــــــوم *** جديد يعرف بس بابا ومامــــــــــه
قلت اذلف وجعلك من الخير محــــروم *** والا فدى اللي لابسات اللثامــــــه
اثر الهوى كيكة حلى بس ملغـــــــوم *** واللي كلى الكيكة يروح عدامـــه
نشدت قالوا دونها فركت خشــــــوم *** هذا خواله يالمنيفي عمامــــــــــه
من ضيقتي لولا الحيا والله علـــــــوم *** خطرن علي اصيح وارمي العمامه
كنه بقلبي راكز عشرة سهــــــــــوم *** عمري غدا مستقبلي واهدامــــــه
لو السلامه تنشري كان بســــــــــوم *** نبي السلامه ميرما من سلامـــــــه

فهد بن غنيم المديبغ

وقد سمع بها الشاعر : خزام بن سحمان بن فاهده الشهراني واعجب بها وجاراها بهذه الابيات

الله اكبر تسجد الخلق وتصــــــــــوم *** لرضاك يا منشي مزون الغمامــــــــــه
حبي امجــــــارات المنيفي على اوم *** والشطر الاخر في القصيده علامـــــــه
هذا فهد شاعر مقدر ومحشـــــــــوم *** يا اللة عسى ربي يحقق مرامـــــــــــه
هذا فهد وان حب مهو بمليـــــــــــوم *** مدري حلال الحب ولا حرامـــــــــــــــه
يا طير ياللي في السما تكسر الحوم *** صقر تعلى والحمامه حمامـــــــــــــــه
يا صقر لك مخلاب وزنود وعـــــــزوم *** تقدر تحلق في سواحل تهامـــــــــــه
الناس تمسكهم قوانين وسلـــــــــوم *** حتيش لولا السحى والكرامـــــــــــــ ـه
كان اعتزيت وصحت في ربع قــروم *** نذر علي لا اجيبها بالشهامـــــــــــــ ه
مجنون ليلى مات بالحب مهمــــــــوم *** وسجل عبر كل العصور انهزامــــــــه
يبات ليله في هواجيس وحلــــــــــوم *** طيلة حياته ما اهتنا في منامــــــــــه
يقولها اللي بحسن الهرج ملـــــــزوم *** ما يشتكي من جور شهره وعامــــــه
خزام لعدوا الرجاجيل زيـــــــــــــزوم *** يفرض على كل الرجال احترامـــــــــه
صدر السما يا صاحبي يلمع نجـــــوم *** هذا كلام مختصر في ختامــــــــــــــه
ولا يشل الحمل ويفز ويقــــــــــــــوم *** الا البعير اللي طويل سنامــــــــــــــه


وعليكم بالعافيه ,,,,,,,


وسامحونا

[مبارك الزعبي]

صح لسان الشاعر فهد بن غنيم والشاعر خزام بن سحمان .. ولاهنت يا ابو فهد ...
وتسلم يمينك على نقل القصايد لنا .


اخوك : مبارك بن وشمي الزعبي

[الزناد]

صح لسان الشاعر / فهد بن غنيم والشاعر ابن سحمان

قصيده رائعه ومشاركه جميله يا بو فهد

لاهنت طال عمرك وفي انتظار إشراقة جديدة
:)

[راعي العوجا]

[poet font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=200% align=center use=ex length=0 char="" num="0,black" filter=""]
بغيت اكلمها لكن نفسي تشـــــــــوم = والرجل يدري شيمته مع مقامــــه

،

اثر الهوى كيكة حلى بس ملغـــــــوم = واللي كلى الكيكة يروح عدامـــه

[/poet]

صح لسانك ولسانه ولسان الشهراني

[ابو تركي]

ياسلااااامي عليك


يابو فهد


تسلم يمينك على النقل

فعلاُ قصيده طيبه من الشاعر فهد بن غنيم المديبغ ومجاره طيبه



الله لايهيينك يابوفهد



اخوك ابو تركي

[ابوهلا]

لاهنت يابوفهد




قصيدة رائعه من الشاعر فهد غنيم ومجاراة جميله من الشهراني




ياسلام عليك يافهد بس الضاهر ان الهنيدى ملكع هههههههههههههههه



صح لسان الشعراء وماقصرت يابو فهد



تقبل تحياتي
ابوهلااااااااااااااا ااا