كبريه.....قصيدة لعبدالرحمن بن مساعد

[أخو وضحى]

السلام عليكم ورحمة الله وبركاته

حبيت أنقل لكم هالقصيدة الرائعة للأمير الشاعر / عبدالرحمن بن مساعد


وأترك لكم الحكم
------------------------------

فرقة موسيقية

كمنجة بثلاث أوتار .. قيتار .. ثلاث طبالين

اورق .. ناي .. شاي

فٌرقة موسيقية

يجون .. كل ليلة يجون .. ومع أول الصبح يسرون

لجل ثاني ليلة يجون

هم يعزفون .. وما يعزفون في مكان تسمع فيه الناي قانون

ازعاج .. صجة .. دجة

ايقاع خليجي غالبا مقلوب

ايقاع خليجي دائما مطلوب

شباب .. بنات ترقص .. والعطر في اول الرقصة حلو ..

وفي آخر الرقصة هبوب

غناء وطرب .. عرض وطلب

واحد يغني .. بدلته تلمع .. يفترض فنان

ياليلة دانة لدان

قرقعت كيسان .. دخان .. ما اسعد الشيطان

ضوء خافت .. كل شي حلو والضوء خافت

كل شي كذب والضوء خافت

وفي اطرف الصالة .. هناك اثنين

- واحد يقول " شفت هاذيك الطويلة اللي ترقص " ؟

- الثاني " وين؟ "

- " هاذيك اللي مع حسين "

" واعدتها البارحة وجتني .. مالومها حبتني ..اعطيتها ألفين "

" مسكينة هي .. ماودها تجلس في ملهى .. بس انها تساعد اهلها "

الثاني قال : " كل البنات اللي هنا تساعد اهلها "

غسان .. غسان .. مدير هالصالة

ركض غسان .. وصل فلان .. وصل المهاب .. معاه عشر اشخاص

ركض غسان " اهلين وسهلين ..شو هالحلو..يخزي العين "

الفرقة تنهي الأغنية .. وتعزف بسرعة ..

" حمد لله ع السلامة .. ياجاي من السفر "

أحلى طاولة للمهاب .. طاولة على البست

لفلان اللي من اسبوع كان لابس البشت ..

اليوم على البست

غسان قلقان .. مضت ساعة .. ومانقّط أحد

نادى " ياجارسون " وحط يده في جيب البنطلون ..

" خذ هالألفين ..على المغني ارميها .. وشاور على فلان "

ادريس قام " فلان ينقّط وانا لا.. ياللإهانة .. والله لنقّط "

- " يادريس لا .. هذي فلوس التذكرة .. وشلون نرجع .. السفر بكرة "

ادريس قال " بكره اروح لفلان احلف له ( انسرقت فلوسي .. الاوتيل غالي .. وانا

معي عيالي ) وارجع انقط "

جارسون هناك يحكي مع زميله

غسان قال " الفواتير ماتنزل الا آخر السهرة "

الحق معه .. بهذا الوقت .. مافيه احد يقرا

جوزيف وين .. اليوم فل .. ودوه للشرطة .. غسان شافه يسرق من النقطة

والكل عارف .. الثلث للفرقة .. والثلث للنمرة .. والثلث للصالة

وكله لغسان

طلعت الشمس .. الساعة ثمان

الكل سكران .. الكل تعبان

ماعدا غسان "قفل الصالة ..الوعد بكرة "



---------------------------------------------------------------------------------
تقبلوا خالص التحية

أخو وضحى

[مبارك الزعبي]

اختيار رائع ...

لاهنت يا اخو وضحى على مشاركاتك الطيبه ..


وبانتظارك .


تحيااااتي لك ..

[النعيرية بوي]

قصيدة جذبني لها عنوانها واعجبتني جدا يوم اني قريتها

وكثر من روائعك في هذا المنتدى

$$$فتـــــــــــــــ ـــــــــــــى النعيـــــــــــــــ ـــرية$$$

[العميد]

اخو وضحى


انت متأكد انه قصيدة ؟؟؟؟؟؟؟؟؟؟؟؟؟!!!!!!! !!!!!!!!!!!!!!!

[أخو وضحى]

أخواني / مبارك الزعبي , النعيرية بوي ,

شاكر لكم المرور.........

أخوي العميد سرني مرورك وهذي يسمونها النثرية (عمودية موزونة) وأنت أدرى....