|
23rd April 2003, 12:09
|
#1 |
|
عضــــو فعــال
تاريخ التسجيل: Mar 2003
المشاركات: 579
|
من مواقف الخطوبة والزواج...(موضوع يستاهل)
بسم الله الرحمن الرحيم السلام عليكم ورحمة الله وبركاته بصراحة الموضوع هذا يستاهل لأنه مجموعة مواقف حقيقية حدثت لبعض الأشخاص أثناء أحتفالهم بليلة العمر..........:conf used:  واللي صار له مثل هالمواقف من المتزوجين يعلمنا فيها عشان حنا يالعزابية مانطيح فيها 
----------------------------------- من مواقف الخطبة والزواج واحد طلب يد اخت صديقه ولما جا يبي يشوفها قاله صديقه خلاص انا بقولها تجيبلي كاس ماي وانت تعال غرفتي انخش وشوفها ( لان البنت خجوله كلش) المهم جا الموعد وجا الرجال ونادى اخته.. وجات الاخت وهي تفحط... ( ماسكة الصينيه على شكل دركسون وهي ماخذته سياره وتفحط) هههههههه المهم يوم تزوجها قال لها القصه وماتت من القهر وكانت راح تذبح اخوها . _____ وحده جاب زوجها تمر وجلس يأكلها واستحت من رجلها تطلع النواه قدامه .. قامت تبلع فيها وهو يعطيها تمر وهي تبلع (خبله) وبعدين ودوها المستشفى _____ وحده جا خطيبها يشوفها وطبعا هي بتموت من الحيا . المهم دخلت عليه وابوها كان موجود الا شويه ودخل خالها وبعدين عمها وبعد شوي يدخلون اخوانها كلهم وصار المجلس مليان ناس( وطبعا كلهم عيونهم عليها) ومن يوم شافتهم كان بيغمى عليها . فكرت تطلع. راحت للباب ولقته مقفل ( مقفلته امها علشان ماتطلع) طبعا البنت طاح وجهها خصوصا لما شافت الموجودين في المجلس وهم يحاولون يكتمون الضحك ( والله فشيله) المهم ظلت واقفه شوي لما استوعبت انه في باب ثاني راحت تركض له تبي تطلع وبعد كم خطوه الا هيلا هوب وتطيح طبعا هذي اللحظه البنت كان بيغمى عليها من الحيا وبس وصلت للباب واخيرا طلعت وهي تسمع ضحكات الشباب في المجلس عليها _____ الخطوبه وحده جات بتخطب صدقتها لاخوها . عزمتها في بيتهم وقال لاخوها طل عليها من النافذه وشفها اذا عجبتك نخطبها لك . وافق الولد ولما جات البنت قدمت الاخت لصديقتها شكولاته . والبنت معيا تاخذ وذيك تلزم عليها. والبنت مصره ماتاخذ . ولما طلعت علشان تسأل اخوها عن رايها في البنت . الاخو شاف البنت وهي تاخذ من الشكولاته وتخش في شنطتها ولما سألته اخته عن رايه قال موافق على طول . وتم الزواج وفي ليلة العرس يسأل الزوج البنت : وين الشكولاته اللي خذيتيها من بيتنا؟؟ ( مايرضى احد ياخذ من بيتهم شي بدون مايستاذن .. حمش) _____ واحد في ليلة عرسه جالس في زاويه وزوجته في زاويه , يكلمها مستحيه وتطالع الأرض .. يذب نكته يستهبل عليها ماش البنت تطالع في الأرض ومشكلته ولا كأن فيه أحد جالس جنبها .. الرجال من كثر مايكلم نفسه وبنت الناس ساكته قال خلني بسكت وأشوف وش تاليتها معها .. يعني ثنيناتهم سكتوا .. شوي يوم جو أخويا الزوج وقالوا بنستهبل عليه .. المهم ويقوم واحد منهم ويآخذ حصاة ويرجمها في النافذة .. عاد تخيلوا سكوووون صوت صقعه فجأه .. البنت يوم سمعت الصوت طمرت وضمت زوجها من الخوف .. الرجال اعجبته الحركه .. ترك حرمته على جنب وطلع من النافذة وصاح لأخوياه " ثانيه شباب ثانيه " !! _____ هذا واحد أخوياه ماينلعب معهم .. يوم عرسه مروه ربعه وقالوا يالله مشينا الحلاق نسمكر وجهك .. يوم ودوه للحلاق ( وكانوا متفقين مع الحلاق من قبل ) وينقز واحد منهم ويتل راسه ويقول للحلاق يالله أدهر وأبو الشباب ماعاقت معه وجز راس المعرس .. مووووووووووس .. المهم أنهم حلقوه موس والمعرس قفلت معه ولا قدر يسوي شي .. يوم جا العرس طق الطاقيه والغتره ومشى كل شي سليم .. عاد يوم جا في البيت لازم يشيل الغتره موب على طول بتبتل كذا .. يوم فصخ الغتره وطلعت الصلعه البنت قالت ذا مهبول ولا فيه بلا .. ولا أحد يحلق مووس يوم زواجه .. اللي زاد الطين بله أن المعرس شاف البنت خايفه وفاهمه غلط قال خلني بطينها وقعد يخوفها ويقرب راسه يمها كنه بينطحها ويسوي حركات كنه مهبول .. يوم طلعت الشمس قالت البنت : ودني لأهلي .. ( قالت في نفسها أبوي ذابني على واحدن مامنه رجا !! ) عاد المعرس دق على أبوها وقال له تعال يوم جا فهمه أن أخوياه سوو كذا وكذا وأنه شافها خايفه قال خلني أستهبل عليها .. والأبو فهم البنت وعدى هاك اليوم على خير .. _____ ثنين توهم متزوجين .. أول ما رجعوا لبيتهم الا زوجها مجهز لهم عشاء .. أختنا في الله الدنيا مسودّة قدامها من الجوع .. ما ذاقت الاكل من أصبحت من زود ماهي مشتطة .. ورجلها يناديها يبيها تاكل .. البنت مستحية وما تبي تاكل قدام رجلها .. بس انها جوعاااااانة .. قالت له لا تسلم أنا شبعانة .. يقول لها يا بنت الحلال تعالي كلي لتس لقمة ولا لقمتين .. والبنت تقول أبدا الله مير ينعم به ماله محل .. ويحاول فيها من هنا من هناك وهي ميبسة دمجتها .. مع انها كانت تتعبر مع كل لقمة يبلعها وتقول في نفسها اخلص عاد يبو الشباب علينا تراك مصختها .. خلص زوجها من العشا وقال لها يلا ننام ترانا ورانا قومة بدري بكرة ( الضيفة عند أهله ) .. قالت لها خلاص انت رح نام أنا بضف الأكل أول .. الرجل ابتسم ابتسامة صفرا وقال على راحتك .. ما صدقت المرة رجلها يدخل الحجرة الا طيرااااااااان على الأكل .. لقمة في فمها ولقمة في يدها وعينها على الثالثة .. وهي في قمة الانسجام ما درت الا ذا الي يمد لها كاس الموية يقول لها سمي خليه ينزل الاكل في بطنك وهي الي تتروع ----------------------------------------------------------------------------------------------------------------- وختامها لكم أصدق تحياتي وأن كان الموضوع قديم سامحوني لأني تو ماقريته 
أخو وضحى
|
|
|
|
23rd April 2003, 13:25
|
#2 |
|
عضــــو نشيــط
تاريخ التسجيل: Feb 2003
المشاركات: 233
|
حلوه يا خو وضحى
مواقف طريفة ياخو وضحى
وعقبال ما نشوف موقف ليلتك ترى بسوي فيك مقلب من الحين أعلمك تسلم يا محمد على الموضوع الراوي
__________________
[ لا يكفي أن تكون في النور لترى .. بل ينبغي أن يكون في النور ما تراه ..!! FLASH=http://shabeeb3.jeeran.com/a2.swf]WIDTH=450 HEIGHT=250[/FLASH] |
|
|
|
|
24th April 2003, 00:56
|
#3 |
|
مشرف مجلس الضيافه
تاريخ التسجيل: Feb 2003
المشاركات: 762
|
اخو وضحى
السلام عليك ما عليك وانا اخوك ترى بعض الربع يبالغ وانت اذا اعرست بتشوف ان كلامـهم مو صحيح . توكل على الله ولا تسمع من الكلام هذا شئ . وانا اخوك ،،،،،،،
__________________
العميـــــــد ، ، ،
|
|
|
|
|
24th April 2003, 01:54
|
#4 |
|
عضو مهم
تاريخ التسجيل: Jan 2003
المشاركات: 2,030
|
تعلّم من غيرك ياخو وضحى
وجات الاخت وهي تفحط... ( ماسكة الصينيه على شكل دركسون وهي ماخذته سياره وتفحط) هههههههه المهم يوم تزوجها قال لها القصه وماتت من القهر وكانت راح تذبح اخوها .
هذى والله الخبله ما صدقت المرة رجلها يدخل الحجرة الا طيرااااااااان على الأكل .. لقمة في فمها ولقمة في يدها وعينها على الثالثة .. وهي في قمة الانسجام ما درت الا ذا الي يمد لها كاس الموية يقول لها سمي خليه ينزل الاكل في بطنك وهي الي تتروع لعنبوها قارشه الله يعطيك العافيه ياخو وضحى عزالله انها مواقف طريفه وجعلك ما اطيح فيها تقبل تحياتي
__________________
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"] قد قالوا اصحاب الحكم وانا بردد ذالمقال = تصرفات اهل الجهل يشقى بها اهل العقول شنار[/poem] |
|
|
|
|
24th April 2003, 13:25
|
#5 |
|
عضــــو فعــال
تاريخ التسجيل: Mar 2003
المشاركات: 579
|
الله يكفينا شرك يالراوي
مشكوووور يالراوي على المرور
وأن كانك تجهز لي مقلب من الحين احسب ثمان سنين لين يجي العرس .................... .................... ... أخوك راعي طويلة بس تذكر في عرسك ماسك الصفوف ماسويت لك شي .................... ........((واحد خايف) ههههههههه تحياتي لك .................... .................... ..........أخو وضحى |
|
|
|
|
24th April 2003, 13:29
|
#6 |
|
عضــــو فعــال
تاريخ التسجيل: Mar 2003
المشاركات: 579
|
عليك السلام يالعميد
حياك الله يالعميد وشاكر لك المرور والتشجيع
بس ياخوك ماحولي عرس أنتم لا تحسبوني كاتبه وانا على طرف عرس والمبالغة موجودة بس لاتنسى فيه أشياء صارت أكبر من كذا بس محد درى عنها................ ................ماقو ل غير الله يستر وتحياتي لك .................... .................... .................... ....أخو وضحى |
|
|
|
|
24th April 2003, 13:37
|
#7 |
|
عضــــو فعــال
تاريخ التسجيل: Mar 2003
المشاركات: 579
|
الله يعافيك يابوهلا
مشكور على المرور يابوهلا
بس العرس يجفل الواحد أنا صراحة ماقدر أتخيل موقفي بالعرس الواحد أول ماينزل من الموتر ألا ميتين واحد قدامه ويخاف يقط بدلية وهو مايدري أنا أقول لازم كل واحد يسوي بروفات قبل العرس .................... ............سبحان الله وتقبل خالص التحية .................... .................... .................... ....أخو وضحى |
|
|
|
|
26th December 2003, 00:35
|
#8 |
|
عضو مهم
تاريخ التسجيل: Feb 2003
المشاركات: 1,501
|
السلام عليكم ورحمة الله وبركاته
الله يوفقك ياخو وضحى ، مشاركة طريفه افتقدناك ، وينك
__________________
اصبر لدهر نال منك ـ ـ ـ ـ ـ فهــكذا مضـــت الدهـور
فـرح وحـزن مـــــرة ـ ـ ـ ـ ـ لا الحزن دام ولا السرور F1F@gawab.com |
|
|
|
|
26th December 2003, 02:23
|
#9 |
|
عضــــو فعــال
تاريخ التسجيل: Mar 2003
المشاركات: 349
|
مشكوووور يا اخو وضحى ..
اما بخصوص البروفات انصحك لا اتسويها .. عندي خوي سوا هالبروفات ويقول يوم العرس قاعد اتذكر البروفات الي سويتها علشان اطبقها على الواقع وكل من سلم علي عطيته بدليه لان تفكيري مع البروفات احاول التذكرها ونسيت اني على الهوى مباشره .. تحياتي لك ,, |
|
|
|
|
26th December 2003, 17:40
|
#10 |
|
عضــــو مميــز
تاريخ التسجيل: Mar 2003
المشاركات: 715
|
بسم الله الرحمن الرحيم
السلام عليكم ورحمة الله وبركاته شكرا اخي اخوي وضحي على نقلك هذه المواقف الطريفه عن الزواج ومواقفه واذكر انا ليلة عرسي يوم نزلت من السيارة كنت مليان عرق من الموقف هذا , والطريق كان طويل شوي لان الصالة كانت بعيدة عن المنطقة الي ساكنين فيها , ووقتها كان ما في حجز بكل الصالات الا هذي , المهم نزلت وكان الجو بارد وانا معرق , حاشني برد والموقف نفسه جديد علي والارتباك مبين حيل على اخوك , بس الشباب ما قصروا صراحة , وعدت الليله على خير . تقبل تحياتي |
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
العرض العادي
