ردّيـــة بين الشاعر سلطان العميم والشاعر ابراهيم الزعبي والشاعر ابن عرفج

[الفياض]

بسم الله الرحمن الرحيم

السلام عليكم ورحمة الله وبركاته

أعضاء ومشرفي هذا الصرح الكريم ..

أضع بين أيديكم هذه القصائد المتبادلة بين الشاعر سلطان بن عبد الله العميم
والشاعر إبراهيم بن فراج الزعبي والشاعر سامي بن صالح العرفج ..

آملاً بأن تحوز على شيٍ من رضاكم واستحسانكم

:: القصيدة الأولى ::

سندها الشاعر سلطان بن عبدالله العميم على الشاعر إبراهيم بن فراج الزعبي

قال فيها :

[poem font="Simplified Arabic,5,darkblue,bo ld,normal" bkcolor="transparent " bkimage="" border="none,4,gray" type=2 line=0 align=center use=ex num="0,black"]
خلاص أبضحك وفلّ حجاج = والبس على الرّاس طاقيّه
من عقب ما هو بدا بي خلاج = والوقت ما فيه ماويّه
ستة شهورٍ وانا منعاج = شفت النّجوم الضحاويّه
أربع مصايب غدن منهاج = وقلبي توطّاه حاميّه
الأوله سبته بطناج = أخذت حقي على الميّه
والي شكوني عقول نعاج = أخطوا عليك انت يا بيّه
كل شي ولا هرجة الهرّاج = الي يتدسّس كما الحيّه
خوفي من السجن والمزلاج = لا جت على الباب دوريّه
والثّانية نجحد المسهاج = خلّه ترى ذيك مخفيّه
لا تنشدن ترى فيه احراج = عفنا البشوت الحساويّه
والثّالثة رحت أنا دوّاج = وحصاني إدعس وش زيّه
والي صدم يارفيقي داج = والورع بانعاش طاريّه
عقب الغرامة من الحرّاج = زرعي سقى وامتلا ريّه
والرّابعة جاء لها مخراج = أبشّرك فزت بالهيّه
أيام عشته وأنا محتاج = والبير عطشا سوانيّه
النوم قد طاب للهلباج = إلا عيوني الشقاويّه
ناس طلبت لي كثير علاج = تقول ذا فيه نفسيّه
وناسٍ تقول حده النخّاج = وناسٍ تقول فيه جنيّه
وناسٍ تقول صابه الوهّاج = قد جاه ما جاء الهواويّه
وناسٍ تحسبن مثل سوراج = مدمن وأروّج لبو حيّه
هم ما دروا وش دها الأبراج = حتى يعذرون شاكيّه
قطعت بالنّاس حظي هاج = حتّى المسايير مكفيّه
حتّى أنت والله يابن فرّاج = قصّرت معكم وأنا السيّه
مثلك نعزّه وأنا لك حاج = خابرك تشفق على الجيّه
يالحرّ يالزّير يالحجّاج = يالبرد يالشّمس يالفيّه
يالطّيب يالدّاب يالدّيباج = يا سيد كل الزكرتيّه
يالغيث يالجمّ يا ثجّاج = محبوب ياصافي النيّه
يا مارد القوم يا هدّاج = ياولد عفراء سبيعيّه
تستاهل السّيف هو و التّاج = وتستاهل اعلوم سريّه
يانور عيني يانور سراج = يالّي وطيتوا على الحيّه
يالرّمح يالسّوط يالكرباج = أدعي لكم كل صبحيّه
أبطلب الواحد الفرّاج = يرزقك ريمٍ .......
بنت عروبٍ وفيها غناج = والعين هي حدّ شبريّه
الله يهنّيك يالفراج = أرسلت بالفون برقيّه
كنّي مقعد بحامي الصّاج = شفقٍ على بيوت زعبيّه
ياليلة الإسراء والمعراج = ردّي على القلب حنيّه
لا صرت أبضحك وأفلّ حجاج = باقي على الرّاس طاقيّه[/poem]

الشاعر سلطان بن عبدالله العميم

:::::::::::::::::::: ::::::::::

:: القصيدة الثانية ::

رد الشاعر إبراهيم بن فرّاج الزعبي على الشاعر سلطان بن عبد الله العميم بهذه القصيدة

يقول فيها :

[poem font="Simplified Arabic,5,darkblue,bo ld,normal" bkcolor="transparent " bkimage="" border="none,4,gray" type=2 line=0 align=center use=ex num="0,black"]
هبّ الهوى والهوى وهّاج = قريحة الشّاعر الحيّه
يالع ويضفي عليه انتاج = من مركز اللاّ إراديّه
ياكن جوّه عليه اعجاج = من كاسة الخمر مثنيّه
أو كنّه الّي سرى بفجاج = من وارد البهبهانيّه
أو كنّه الّي بحام الصّاج = يكْوَى على الوجه ويديّه
مدري ولكن هنّ افواج = من ريحة العود مطليّه
جتني تلبّي على هدّاج = بآ عدّها بإرتجاليّه
يامزيّن القاف .. ما يحتاج = وزنه ورنه موسيقيّه
ثنتين والثّالثه يا حاج = جزلا معانيه مبنيه
اليا قريته وأنا مرتاج = أسجّ بجْواء خياليّه
كنّي على ساحلك يالعاج = وأقرأ علوم الهلاليّه
سلطان يوم اللجاج الجاج = عزّي لسمران و وخيّه
اوضحتها والعرب تتفاج = يوم الوزاء جاب دوريّه
يا سبيع يا مزبّنين الهاج = لحم النّشاما ترى نيّه
صبرك وأبا صفّف الأدراج = واردّ هذي على ذيّه
الأوله خلّك المدباج = اليا وصلت للكراميّه
اسقه هماجٍ وراه اهماج = واتبع له الكيّ بالكيّه
الحرّ له مخلبٍ شجّاج = وإن بان ما طرّوا الهيّه
والثّانيه دوّر المخراج = كلٍ شكا من عوانيّه
لو إنْ ما بيّنت منهاج = والعلم قد قيل ماريّه
والثّالثه لا يجيك ازعاج = جاك العوض بالعمانيّه
طبّ وتخيّر بدون اسياج = الذود ملكك وراعيّه
والرّابعه خاوت المدراج = ياموافق الشنّ طبقيّه
لكنّ أبرفع عليك احجاج = خوّتك ما هيب عاريّه
والعذر لو جبت له منتاج = ما نقبل العذر موليّه
لي طبع من مدرسة فرّاج = على المواجب حجازيّه
هيّضتني والحظوظ هجاج = يا معين .. وأثر العنا فيّه
يا كم موجٍ يموج وماج = يصفق على مركبي ميّه
يبغى تقاسمني الأمواج = ياكارثه شبْه رسميّه
والكبتن الي نكبها ناج = عبّارة البحر مصريّه
مثلي تراها ومثل اللاج = يا غدر سعدى الزناتيّه
هي هكذا ياحمام الزّاج = يبدا فرحنا بمرثيّه
بغيت أخمّ الخيال وراج = سراب والّياس طاويّه
والحظّ دايم معايه داج = هذا زمانٍ ماهو ليّه
( فَلْ يَعْلَمُونا بِأَنِّي ضَاجْ = فِيهِ وَمَا عُذْرُهُ فِيَّهْ )
كن بي ثلاث سنين خلاج = ووّن صوب البجاديّه
وإليا طرقني عليه اسهاج = أجاوب النّوح قمريّه
وأسهر بليلي ودمعي باج = على هنوفٍ حياويّه
حبّ الشّرف ما طواه احراج = على النقى والنقى هيّه
وأدرا وأداري من الهرّاج = لا يقذف بكلمتن سيّه
وأكتم ليا قيل فيه ازواج = أخاف خلي خفا ضيّه
ليت المشايخ تجيب علاج = من مطلبٍ حف رجليّه[/poem]

الشاعر إبراهيم بن فراج الزعبي

:::::::::::::::::::: :::::::::

:: القصيدة الثالثة ::

جاراهما الشاعر سامي بن صالح العرفج بهذه القصيدة

يقول فيها :

[poem font="Simplified Arabic,5,darkblue,bo ld,normal" bkcolor="transparent " bkimage="" border="none,4,gray" type=2 line=0 align=center use=ex num="0,black"]
هبّ الشّمالي عليّا وهاج = وأنا نجوع الشماليّه
حي الهوى حيّه الخنّاج = حي الهبايب وأبو فيّه
كم لي وانا خايل الدّيباج = واليوم جاء لعنبو حيّه
أزعج نسيمه أبو فرّاج = يارحم جدّه على بيّه
عبر الوسايط فالأبراج = من فوق جتنا هجينيّه
أهلا هلا عدّ ما الأبلاج = شقّ المهبّات في ضيّه
وعداد ما غرّدت بسواج = فوق الطّليحات قمريّه
بالّي لهم عندنا مخراج = أهل الطّويلات والهيّه
قصيدتينٍ قفاهن آج = والعجز مقفول بالأيّه
الأوله غلبــة الإخراج = والثّانية جات زعبيّه
جزايلٍ ما بهنّ عواج = وأبصم على الحبك بيديّه
ولا هيب لحية شعر وهراج = لا والّذي خالقن ذيّه
لو هي على رجّة المطناج = ما صار في نجد ربيّه
هالوقت ما يمّنا هدّاج = يبكي ولا يمّنا زيّه
ما حولنا ألاّ ابو لجْ لاج = الهمّلا يالهملاليّه
دوّاج يلفي على دوّاج = ومرّي يبا شوف مريّه
اليا نوينا على قرْطاج = بتنا القوى فالبجاديّه
وإليا سرينا نبا الأفلاج = زرّت علانا الرميكيّه
يالحّول يا با عيون دعاج = بيني وبينك ثمان اميّه
يهبّ يامدرمحات التّاج = ما عاد فيها شقرديّه
الله على وقتنا يا سراج = وأوّه على أيّامنا ذيّه
مبطي ليا من بغيت خلاج = لقيتهنّ فالربيعيّه
العنق - هه - والنحور فجاج = وضح ومجاهيم وبليّه
واليوم ما يمّك ألا عواج = فالسدّ ولاّ العواجيّه
لا والله إلا يابن عرفاج = راحت علاك السنافيّه
الربع صكوا عليك سياج = وأنتا تمذرح على النيّه
الدّرب يبغى شريط وتاج = وأنتا تخيط الزّبيريّه
العلم ما هو قطا ونْعاج = ولا هوب في حدّ شبريّه
السّالفه كلّها بحْجاج = مفْلول ما فيه ماويّه
تشكي ويشكي أبو فرّاج = وسلطان مليون فالميّه
ياوينها الّي بها الخدّاج = الّي علاها هبيريّه
عزّيه يالّي بهنّ علاج = حنّا نبا الشّوف لو كيّه
لا شيش فيها ولا به صاج = ولا عاد فيها ملوخيّه
يا صاحبي وإن لقيت العاج = قلّي ووافيك بالجيّه
نبا معك مهرتين إنتاج = ونبا وراهنّ تركيـّه
أبراي لله من الدّولاج = ما عاد تنفع سوانيّه
البير لو رسَّسُوه خواج = يفرق عنا الإرتوازيّه
قد قالها ناصر المجْماج = الوقت يا لعنبو حيّه
وقد قيل لا من لفاك ازعاج = شف لك خوي يحسن النيّه[/poem]

الشــاعر سامي بن صالح العرفج

:::::::::::::::::

وسلامة الجميــع

دمتم بود

[العز]

قصائد شعراء مبدعين صح لسانهم

[الفياض]

نتمنى أن تحوز على رضاكم