ابن وافي والدراسة

[محمد مبارك الوافي]

السلام عليكم ورحمه الله وبركاته الرجاء السموحه علا عدم المشاركه في موقعنا وهذا لجهلي بلأدوات التكنلوجية وخاصة الكنبيوتر والأن انا أراسلكم من بريطانيا وكتبت قصيدة أشكي علا واحد من الربع اسمه مساعد المطيريب ما جرالي اثناء الدراسة والقصيدة تعبر عن نفسها

[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
العين عيت عن المرقاد يمساعد=والكبد ماتقبل المشروب والزادي
من سبت الي يخلف الوعد لا واعد=وأنا علا شوفتة سرداد مردادي
ابو ثمانن كما البراق والراعد=والخد وردن نبت بقصور بغدادي
وعيون حرن نداوي بسما صاعد=صفت رموشة عساكر جيش ابن هادي
حسبي على الزين يوم اصله ويباعد=متكبرن ماخذا من سلم الأجوادي
يابنت ماني لعينك واقف وقاعد=منتي سميره ولا شحرورة الوادي
انا من الحب يهل الحب متقاعد=ماعاد لي في هوايا شف ومرادي[/poem]

وهذه قصيدة اخرى تصب في نفس الموضوع كتبتها حين تخرج خويلي اسمة فيصل العبيدي القحطاني ومابقى معي ألا الحضران فكزيتلة بيتين وأنا ماخبرته شاعر


قلتلة \\\
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
بعد حدتنا صواديف المقادر=والدراسة جمعت طيب وخايب
ابتلشنا بالبلوش وبالكنادر=ولبتي فرق منازلها الحرايب
يلعبيدي ماهو بحقن تغادر=صاحبك وحدة وتطرقه الهبايب
وانت حرن من سلايل نوع نادر=محتسينك لا غزت عجل الركايب
والمنايا وارده ولامصادر=مايطمن روسنا كود النصايب[/poem]
رد العبيدي يقول
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
آه واويلاه حضن دوم حادر=يجمع الطيب مع شلة زلايب
قيمة الرديان ماتسوا كنادر=وجهها بارد فصل الدم رايب
والجمل يرغي عقب ماكان هادر=عقب فرقانا تلقتة العقايب
وانت شيخن لازهمتك منت خادر=محزمن مليان ملفا ام المصليب
(اشطبوني من عبيدة والجحادر=القبيلة زعب لا يوم النوايب)[/poem]

اود ان انقل سلامي لجماعتي وربعي من خلال هذا المندا الأكثر من رائع واشجع اخواني الشعراء على التواصل والمشاركة [/size]

[ابوهلا]

صح لسانك يابو مبارك وصح لسان فيصل العبيدي القحطاني


رديه رائعه ولاصار اخوياك بالغربه مطيري وقحطاني وشعراء بعد ماعليك خلاف ونعم الرجال


شدوا حيلكم ونسئل الله لكم التوفيق وان ترجعوا لنا سالمين وغانمين



والظاهر ان الغربه بتصير من حسن حظنا بتحرك ساكن وبنستمتع برديات لندنيه فريده من نوعها والجو هناك ترى يشجع علي اطلاق العنان للمشاعر


اشطبوني من عبيدة والجحادر \\\ القبيلة زعب لا يوم النوايب

صح لسانك ليوم الدين يافيصل القحطاني والله ومليون نعم فيك وبعزوتك واللي مثلك بعييون عليه ربعه ماهم شاطبينه الطيب كلن يبيه



سلامي لكم جميعا وشدوا حيلكم ياخواني ولاتتعبكم الغربه لاحطيتوا الغربه والدراسه هم تراكم بتتعبون لاكن اخذوها علي انها تجربه وثقافه واكتشاف شي جديد راح تلقون انها اصبحت دراستكم متعه

[ابن عسكر]

يابنت ماني لعينج واقف وقاعد \\\ منتي سميره ولا شحرورة الوادي
____________________ ____________________ _________
وانت حرن من سلايل نوع نادر \\\ محتسينك لا غزت عجل الركايب
.................... ..............
وانت شيخن لازهمتك منت خادر \\\ محزمن مليان ملفا ام المصايب




صح لساااانك وصح لساان الشاعر فيصل القحطاني ..


لاهنت على هالمشاركه ... ولو انك غايب عن المنتدى دائم

لكن انت الحين بغربه ولا اقدر اقوللك شي :)

الله يوفقك انشالله يابو مبارك.. والله الله بالدراسه .. وعلمنا متى وقت العوده انشالله

عسى قريب .. والا فيها مــغـــطـــه بعد ؟؟ :)

على العموم لاهنت على هالابيات الله يعطيك العافيه والصحه



سلام ياصاحبي

[العبيدي]

الوافي

صح الله لسانك مــــدد

قصائدك غنيه كشخصك عن المدح

والله يوفقك ويردك ســـالم غانم

ولايهون العبيّّّدي

[راعي الصهبا]

بسم الله تبارك الله


اخي الكريم / محمد مبارك


امتعتنا فعلاا بهذه الابيات الاكثر من رائعه

صراحتا الحق يقال انت شاعر والقحطاني اكثر شاعريه

مع اني اعرف القصيده وارد عليها الا ان القحطاني رد بأقل وقت وهذا يدل على تمكنه من عسف القوافي والوزن

كل الشكر للمنتدى والقائمين عليه

دمتم بود

[مبارك الزعبي]

يا مرحبا يا بو مبارك





ننتظر هذا اليوم .. وجيتنا وجبت معك جديدك

صح الله لسانك


وصح لسان القحطاني




والله يوفقك في دراستك ... وترجع بالسلامه