حبّه يخج القلب ما يوجع اوجـاع ** لكن قلبي مودعه بيـت نملـه

[ابوهلا]

فهيد المجماج اسم والده عبدالله ويلقب بعويد
والشاعر اشتهر باسمه ولقب أبيه
(عويد)
أحب ابنة عمته حسن الباهلي ولم يظفر بالزواج منها لأن ابن عمها الشاعر المعروف عبدالله بن عويويد الباهلي كان يتيما فكفله والد حسن ورفض أن تتزوج ابنه حسن (بكسر الحاء)من غير ابن عمها عبد الله بن عويويد
وهو الذي قال السامرية المشهورة

غزال نطحني شقة النور سراحي ___ يقود الجوازي وأول الصيد يتلنه


وبعد أن تزوج عبدالله بن عويويد الباهلي بمعشوقة فهيد قال فهيد قصيدته المشهورة

التي منها البيت الذي يقول فيه

عز الله إنه من عربنا الموالين ___ لاشك عداني صليب الجدودي





يقول الشاعر :فهيد بن عويد المجماج






[poem font="Simplified Arabic,4,black,norma l,normal" bkcolor="transparent " bkimage="backgrounds/17.gif" border="none,4,gray" type=0 line=0 align=center use=ex num="0,black"]
لا والله الا شـدو البـدو نجـاع = كلً هـدم مبنـاه وارتـد زملـه

شد الشديد وقوضوا عقب مجمـاع = وراعي الموده فـرّق الله شملـه

شدوا ودنوّا للحني كـل مطـواع = كل أشقحً يعجبك لا شـال حملـه

غدا لهـم دون الرفيعـه تمـزاع = كلً بغى دربً عزل وانقسـم لـه

اقفوا كما نوًّ نثـر مـاه وانـزاع = برقه يرفرف والسدا يرتـدم لـه

يا بكرتاه اللي غدت بين الاقطـاع = ويابعد دورتها على اللي جهم لـه

الهقوه انه يـم دخنـه بالاوقـاع = والا مع اللـي سنـدوا مستهملـه

ماهيب لاحاشي ولاهيب مرجـاع = عفرا فتاة وراعيـه ماوسـم لـه

يا غصن موزً ناعمً لـه تمريـاع = إمنين ماهب الهـوا مـال حملـه

راعي هدب عينً مضاليل ووساع = خرسً عيونه والمحاجيـر جملـه

عليه ماوقفت عيونـي بالادمـاع = هجسً يلاحقني على طول سملـه

أعوي عوا ذيبً ورا النزل لا جاع = يقنب إلين الله يجيـب اللحـم لـه

يامل قلبً من هوا الزين ينصـاع = كما يصوع الصيد رامً خطم لـه
.
.

حبّه يخج القلب ما يوجع اوجـاع = لكن قلبي مودعه بيـت نملـه

حبّه يخج القلب ما يوجع اوجـاع = لكن قلبي مودعه بيـت نملـه [/poem]












هذا والله اعلم



منقول

[مبارك الزعبي]

حياك الله يابو هلا


اختيار رائع

والاروع من نقله






لاهنت يا مشرفنا
.

[ابوهلا]

لاهنت يامبارك علي مرورك الكريم

[العبيدي]

[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
أعوي عوا ذيبً ورا النزل لا جاع = يقنب إلين الله يجيـب اللحـم لـه

يامل قلبً من هوا الزين ينصـاع = كما يصوع الصيد رامً خطم لـه[/poem]

ابو هــــــــــــــــــل ا

والله ياعليك ذوق

يطربني

علومك غانمه

لاعدمتك

[ابوهلا]

لاهنت يالعبيدي


مرورك له طابع خاااص