|
16th August 2005, 21:43
|
#1 |
|
مشرف مجالس الطرائف والمسابقات
تاريخ التسجيل: Jul 2005
المشاركات: 443
|
اكتب اقوى موقف محرج او طريف مر عليك بحياتك
السلام عليكم ورحمة الله وبركاته
لستة الاعضاء تقريبا وصلت 800 الا شي بسيط ومانشوف الا 8 تقريبا يشاركون وماراح اغفر لأي شخص مايشارك :) حاول تفضي نفسك خمس دقايق بس وتكتب اقوى موقف محرج او طريف صار معاك بحياتك. للمره الثانيه , رجاءا لحد ينحرج , حاول تكتب موقف صار معاك ------ بالنسبه لي موقف ماراح انساه طول عمري بسنة 94 رايحين بر النعيريه , انا ومجموعة شباب ولما صار الوقت ليل راحو الربع يصيدون جرابيع قالولي تعال معانا , قلت لهم انا تعبان وبنام , ( وانا مبيّت النيه وبخاطري شي ثاني ) المهم راحو الربع رحت للسياره ولبست قناع وجه عجوز وشعر ابيض , القناع يروع , وجبت عبايه كانت معاي بالسياره ولبستها مو لابس غير هاف نص اسود او تقدرون تسمونه ( ستريتج ) ورحت انطرهم ولما شفت سيارتهم جايه , جيت عند شمعه ( شجره ) وانخشيت عندها قريب من الدبايه او ( السكه الرميله ) اول ماقربو واطلع لهم واوقف قدامهم مااشوف الا بريك وراعي السياره ولع الليت العالي واسمعهم يقولون جني؟؟ واللي يقول شيطان؟؟ واللي يقول هذي حديده بنت ماويه؟؟ ( اسم جنيه كانو يسولفون فيها اهل النعيريه) انا اتسمع الاصوات والا الصوت مو صوت ربعي اللي انا اعرفهم ماخذيت دقيقه الا اسمع واحد يقول ادعمها تكفى , والثاني يقول خلونا نرميها , واسمع صوت السياره داس على البانزين ووجه الموتر علي اقول في خاطري ( ياليل الليل ) طحت بناس ثانيين واحط رجلي ركض والددسن وراي مسرعه واركض والعبايه ترفرف وراي وسيقاني تقول سيقان حاشي جافل مافكني منهم الا ضلع . او طعس , كله تغاريس ومرتفع قريب من السكه واروح وراه وكل مااسمع صوت سيارتهم انخش بالجهه الثانيه نص ساعه عشتها كلها رعب لين راحو والله اني بغيت ابكي جعل امحق موقف وارجع أمشي للخيمه والاقي ربعي جاين على الطريق تحسبون الخبل تاب عقب هالموقف؟؟ عاد في راسي نعره , رحت اركض بلحق عليهم عشان اروعهم , اركض جمب السياره محد شافني هاهاهاهاها وتعدوني بعدها جيتهم بالخيمه وقلتلهم السالفه ماتو ضحك نمت ذاك اليوم متكسر وماني بطيب ---------------------------- انا قلت هالموقف بس عشان محد ينحرج من اي موقف بيكتبه :) تقبلو تحياتي
__________________
|
|
|
|
16th August 2005, 21:53
|
#2 |
|
شاعر
تاريخ التسجيل: Aug 2005
المشاركات: 214
|
الله مايطق بعصا يانايف
لأن نيتك بطاله شوف ربي شسوى فيك :) |
|
|
|
|
16th August 2005, 22:27
|
#3 |
|
مشرف مجالس الطرائف والمسابقات
تاريخ التسجيل: Jul 2005
المشاركات: 443
|
حياز
روح ياشيخ منك لله وهالمره بعديها لك لأنك عضو جديد والا المفروض الزمك تكتب موقف صار بحياتك :) تقبل تحياتي
__________________
|
|
|
|
|
17th August 2005, 23:12
|
#4 |
|
عضو مهم
تاريخ التسجيل: Jan 2003
المشاركات: 2,030
|
حسبي الله علي ابليسك يانايف اما سالفتك سالفه هههههههههههههههههههه وبالنسبه للجنيه حديده بنت ماويه اللي في بر النعيريه تراها علي قول الرواه انها حقيقه فعلا صراحه تبي الجد انا شفتها كذا مره ؟ مافيه فرق بينك وبينها معذورين ربعك هههههههههههههههه عموما المواقف والله واجد يالقرم والله اني ناسي لاكن بقولك موقف هو اللي يحضرني حاليا مره رحت بشتري ربيان من نوعيه اسمها شحامي وتعرف اخوك مايعرف الا الخريفات ماعنده خبره بالاسماك والربيان لو السالفه سالفة ربيان وبس مو مشكله بس المشكله النوع اسمه شحامي اطيب شي المهم قلت انا ان بينت لهالعجم اني ما اعرف بينصبون علي المهم ماطول عليك قبل لا ادخل المسمكه لقيت شايب كبير بالسن حاط رجل علي رجل ولابس نظارات شمسيه قلت هذا شكله راعي بحر وخبره بخليه يختارلي قلت شلونك ياعم قال بخير قلت ولاعليك امر ماتختارلي ربيان شحامي قال ايه افا عليك ودني له وانا بوك ومسكني اياه وانا اعلمك ان كان شحامي ولا لا الشايب طلع عمى  هههههههولاهنت يابو عثمان يافاكهة المنتدى بعدين اللي مايشارك علمني عليه بس اشيل نجوم عضويته واحطله بدالهن مغطاة ببسي .
__________________
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"] قد قالوا اصحاب الحكم وانا بردد ذالمقال = تصرفات اهل الجهل يشقى بها اهل العقول شنار[/poem] |
|
|
|
|
18th August 2005, 00:15
|
#5 |
|
مشرف مجالس الطرائف والمسابقات
تاريخ التسجيل: Jul 2005
المشاركات: 443
|
هاهاهاهاهاهاهاهاهاها هاهاهاهاهاهاهاهاهاها هاهاهاهاهاهاهاهاها
ابو هلا اعنبو دار عدوك وين جيت هالشايب العمى لا وماعنده مانع بعد يقول ودني له وانا ابوك اللي يشوفه يقول الحين من يدش من باب المسمكه بيحط رجله الربيان ركض منه طلع بالاخير ماعنده ماعند جدي مصطفى :) الله لايهينك يابو هلا وتسلم على المشاركه
__________________
|
|
|
|
|
18th August 2005, 03:23
|
#6 |
|
شاعر
تاريخ التسجيل: Aug 2005
المشاركات: 214
|
 اخوي راعي الصفرا أبلشتنا بموضوعك هذا لاكن بقولك مدام ابوهلا قالكرحت عمره ويا أهلي ومن زود الايمان ولأني كنت أدور الطهاره الزايده شريت وزار:) أيه وزار أمحق وزار وأنا ساكن في فندق مدخله ومخرجه سوق تعرفونه (هلتون مكه) المهم لبسته:)0000000حسبي الله عليك يانايف فضحتنا ورحت وصليت وعينت خير وأنا راد معاي أهلي 0000000000000(المشبا ك انكسر)00000000000000 00 أمحق سنه0000(لحضه بمسح العرق)حسبي الله عليك يانايف وغز بطني وأنعوج( وخرب) ومن الحره قطيته المهم سيئ الذكر الوزااااااار قعد يتدلى من تحت ولحد يقولي أربطه ماتقدر زححححححححححححححححمه وحريم ومافيه زاويه ولاداعوس تاخذ راحتك المهم العرق لحضتها شلالات (نياجرا) مدري شسمها اللي جاها ابو فواز الله يذكره بالخير حسبي الله عليك يانايف مسكته بيديني أقصد ماسك الدشداشه وهو من تحتها وجيت عند (الأصنصيل)المصعد الكهربائي 00000ولا زحمه امت لاألاه الا الله وأهلي ماشوف عيونهم من دموع الضحك حسبي الله عليك يانايف ركبت المصعد مستعجل أدز الناس وركب معاي على حظي عايلتين غير أهلي ومعاهم ولد مقرووووووووووووووووو وووووود جداوي من السعوديه وانا الدور 19 والمصعد بطيئ وقعد ينشد أمه (ما ما أيش هاذا ) ويشر على أمحق لبسه الوزار وهي بصوت خفيف تقوله أششششششششش وهو يعيد السؤال وأنا أخزه اطبخ من الخيسه والفشيله وماسك الوزار وقام ملعون الخير يدوس الوزار ويتحرش فيني وأمه تسحبه لاكن ماقدرت عليه فضحني وأسمع ضحك الحريم الاجناب بالمصعد شوي شوي ماتوا ضحك وانا مت خيسه ودبل كبدي الورع الله لايسامحه ويوم وصلت الدور19 طلعت من المصعد كأني طالع من جهنم والعياذ بالله ودشيت الغرفه وطحت على وجهي ثلاث ساعات مارفعت راسي فشيله مغير أقول ياو ياو يافضحي فضحاه يافضحي فضحاه وبعدها قطعت الوزار تقطيع وقعدت اتصدد من الورع بالاسبوع اللي قعدته بالسوق والحرم وكانت قصه وفضيحه بجلاجل وسامحونا على الاطاله وحسبي الله عليك يانايف:) |
|
|
|
|
18th August 2005, 05:03
|
#7 |
|
مشرف مجالس الطرائف والمسابقات
تاريخ التسجيل: Jul 2005
المشاركات: 443
|
هاهاهاهاه حياز
لو اشوف هالولد راح اعطيه 500 ريال على اللي سواه :) انت سويت مثل واحد من الربع بالسلّم المتحرك بسيتي سنتر بدبي اعتقد طاح وزاره وخلاه وراه طايح ماالتفت من الفشيله والي وراه ميتين ضحك هاهاهاهاها لاهنت حياز على المشاركه
__________________
|
|
|
|
|
19th August 2005, 02:26
|
#8 |
|
مشرف مجالس الطرائف والمسابقات
تاريخ التسجيل: Jul 2005
المشاركات: 443
|
وين باقي الأعضاء
ترى اللي مايشارك راح نسحب جنسيته ونعطيه تذكره لولاية قصوان قد اعذر من انذر :)
__________________
|
|
|
|
|
19th August 2005, 05:15
|
#9 |
|
مراقب عام
تاريخ التسجيل: Jan 2003
المشاركات: 426
|
 الاخ الغالي راعي الصفراء هاهاهاههاهاهاهاهاه موقف لايحسد عليه والله اللي ستر عليك لاعااااااااااد اتعودها  والاخ حياااااز لو اصيد الولد اعيطه 1000 ريال اضحك الله سنكم يالربع ******************** **************** ودام تطرقتوا للمواقف المحرجه وفرضتوا علينا سحب الجنسيه استلموا هذا الموقف طبعا المواقف واجد بس هذا اللي جاء على البال لما كنت في البحرين اول سنه لي رحت الى الجامعه الصبح وانا راد منها بنشر احد تواير السياره وصفطت لكي اصلح التاير ولما بطلت الدبه لم اجد العده موجوده وقعدت نص ساعه وانا ادور واتعرفون البحرين مايحتاج رطوبتها على كيف كيفكم وقفت سياره عندي وفيها بنتين قالت الي اتسوق (عيندوك كنكس) وارد عليها بسرعه مطلقه I don"t speak english وقعدوا يضحكون ضحك سنه بيوم فردت مره اخرى علي التي تسوق السياره وقالت انا اقول طبعا كررت الجمله بالبطيء (عندك كلينكس) وهنا الصاعقه ومن الربكه سكت وعطوني كلينكس وسفن طبعا عادي انا قبلت كل شي بدون شعور واشروا على بيتهم اذا احتجت لأي خدمه وانا لم اتكلم حرف واحد وهم محركين والضحكات اسمعها طبعا البحرين على صغرها ولكن كل منطقه من مناطقها ولها لهجتها الخاصه وانا كان إلمامي خفيف بلهجتهم وهذا اللي سبب لي هذا الاحراج وكذلك سؤالها غريب عند كلينكس؟؟؟ الظاهر كسرت خاطرها بالرطوبه تقبلوا تحياتي واحترامي اخوكم ابو تركي |
|
|
|
|
19th August 2005, 08:46
|
#10 |
|
مشرف مجالس الطرائف والمسابقات
تاريخ التسجيل: Jul 2005
المشاركات: 443
|
هاهاهاهاهاهاهاهاهاها ابو تركي
انت سويت مثل اللي يتمشى بمجمع السيف بالبحرين وداس طرف عباية بنت بحرينيه وقال (pardon) بالعربي يعني العفو او المعذره قالت بردون!! تلحف :) وانت ماشاء الله على طول كسرت فيهم تحياتي يابو تركي وتعيش وتاكل غيرها :)
__________________
|
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
العرض العادي
