|
21st January 2003, 16:34
|
#1 |
|
مشرف مجلس الشعر
تاريخ التسجيل: Jan 2003
المشاركات: 826
|
قصـــــــــــــة و قصيـــــــــــدة
بـــــــسم الله الرحــــــمن الرحــــــــيم
الشاعر راشد بن حسن الجمعه الملقب ( ابن خر الذيب) كان يشتغل سوّاق في ارامكو وكانت انظمة ارامكو تمنع السائقين ان يشيلو الطرقيه اللي يوقفون السواقين ويطلبونهم توصيلهم على طريقهم .. والشاعر راشد الله يرحمه كان يخالف التعليمات وكل هذا حيا فيه ومرجله يوم من الايام أشرت له عجوز ومعها حمار (عزكم الله )قالت وصلني يا الأجودي قدام شوي قال ابشيلك بس الحمار .لا قالت له خلاص روح الله يستر عليك بيجي ابن خر الذيب ويشيلني انشاْ الله تقصد راشد العجمي .. قال لها يا خاله انا راشد ابن خر الذيب .. اركبي وابشري بالخير .. وقيل انه توفي عام 1986م وهو في نجران وكان شايل معه شخص موصله الى قرية في نجران وحصل عليهم حادث رحمه الله .. وله في ذلك ابيات جميلة منها: لا لقيت اللي على السكه لحاله .. يلتفت ويقول وين الطيبيني اوقف الموتر حيا وابغي الجماله .. يوم ولد اللاش وجهه مايليني حالف ماخذ على الرجالي رياله .. بالثلاث محرم انها ماتجيني والولد لاطاب طيبه من خواله .. وان تردى فعرف انه من الخايبيني وسمع هذي الابيات رجل دوسري من وادي الدواسر .. فرد عليه ممتدح جاره ابن حسين الزعبي وقال : يابن خر الذيب عندي لك مساله .. عندنا مثلك ربوع(ن) طيبيني عندنا ابن حسين يفعل ماطراله .. يكعم العايل وهيف(ن) للسميني كم جماعة(ن) شلهم من حر ماله .. لا لقــاهم بالـبلد متعـطــليـني ضوهم ضوه ودلـــتهم دلالــــه .. شوف عيني واشهدوا يالحاضريني وسلامتكم.. واللي اعرفه عن ابن حسين انه غانمي لكن ماعرف اسمه واللي يعرف يفيدنا...  واتمنى ان القصه اعجبتكممبـــارك بن وشــــمي الزعـــــبي |
|
|
|
21st January 2003, 17:49
|
#2 |
|
عضــــو
تاريخ التسجيل: Jan 2003
المشاركات: 20
|
يعطيك العافية ... القصة ممتعة جداً ولا النخوة غريبة على عموم العرب :)
|
|
|
|
|
21st January 2003, 21:16
|
#3 |
|
عضــــو نشيــط
تاريخ التسجيل: Jan 2003
المشاركات: 155
|
اخوي مبارك ..
مااعرف زعوب في وادي الدواسر .. فربما يكون من الافلاج وهم هناك غوانم .. |
|
|
|
|
21st January 2003, 21:55
|
#4 |
|
عضــــو
تاريخ التسجيل: Jan 2003
المشاركات: 211
|
[بسم الله الرحمن الرحيم
اخوي مبارك السلام عليكم ورحمة الله وبركاته واسعد الله اوقاتكم بكل خير وبيض الله وجهك على هالقصة والقصيده. ونعم في الطيبين، لكن اللي يخدم الناس على سيارته الخاصة غير.والنعم في كل أهل الطيب. يتواجد من الزعوب في محافظة الافلاج. حسب ما نعلم من معلومات متواضعه..اسر من ال عسل من البشرا الاجاوده وينقسمون إلى قسمين قسم في مدينة ليلى عاصمة الافلاج (جنوب الرياض ، على طريق الجنوب) ويعرفون بال عبد الله ومنهم الشاعر الاستاذ عبد الله بن مسفر بن عبد الله العسل الزعبي ويكتب بالفصحى . اما القسم الثاني ما يعرفون بال حسين العسل ويقيمون في مدينة الهدار بالافلاج.. ومن هم الشاعر المذكور اعلاه، وان شاء الله سوف ابحث عن اسمه. |
|
|
|
|
22nd January 2003, 01:33
|
#5 |
|
مشرف مجلس الشعر
تاريخ التسجيل: Jan 2003
المشاركات: 826
|
حياكم الله
حياكم الله ويامرحبا ومسهلا باخواني الجار وراعي العوجا والزعبيه
ولاهنتوا على الطلة الجميله اللي تسعدني .. واتمنى لكم التوفيق وللجميع |
|
|
|
|
22nd January 2003, 01:54
|
#6 |
|
مراقب عام
تاريخ التسجيل: Jan 2003
المشاركات: 426
|
يا سلامي عليييك
الاخ مبارك الزعبي
صبحك الله بالخير فعلا هذي القصيده اللي سمعته وادورها والحمدلله انك جبتها تسلم الله لايهيينك واضيف بيت لبن خر الذيب وهو : اشرب الفنجال واكب البياله ******************** *طيب(ن) واحب سلم الطيبيني اما بالنسبة لقصيدة الدوسري للزعبي انا سمعة ان الزعبي اسمه عبدالله بن حسين والله اعلم وتسلم على نقلك لهذه القصيده النادره مع تحيات اخوك ابو تركي التعديل الأخير تم بواسطة ابو تركي ; 23rd January 2003 الساعة 22:01 |
|
|
|
|
22nd January 2003, 01:59
|
#7 |
|
مشرف مجلس الشعر
تاريخ التسجيل: Jan 2003
المشاركات: 826
|
حياك الله
ولا يهينك .. يامرحبا بأبو تركي
انورت واسفرت بطلتك علينا وحياك الله .. وبالتوفيق |
|
|
|
|
24th January 2003, 00:57
|
#8 |
|
عضــــو
تاريخ التسجيل: Jan 2003
المشاركات: 60
|
السلام عليكم
مساكم الله بالخير ..
ما قصرت يا مبارك علومك غانمة .. القصيدة ذي قد سمعتها من شايبي .. ولو ان فيها اختلاف بسيط في الابيات بس تقريبا نفس المعنى .. انا بذكرها للمعلوميه فقط .. يابن خرالذيب عندي لك رساله && عندنا مثـلك ربـوع(ن) طـيـبـيـني عندنا ابن حسين يفعل ماطراله && يركب العبري وهيف(ن) للسميني كم نقله خبرة(ن) من حر ماله && لا لــقــاهم بـــالبــلــد متـعطـلـيـني نجـرهـم نـجـره و دلـتـه دلالـه && شوف عيني واشهدوا ياحاضريني خبرة: جماعة من الناس هذي قصيدة الدوسري لاعبها بجاره ابن حسين الزعبي .. بعد ان ذاع صيت راشد خر الذيب .. وذاعت قصيدته المشهورة والي عارضه اغلب الشعار عليها وخصوصا في البيت الاخير .. قالها الدوسري لما شاف راشد يتفاخر بأنه يفعل الطيب ويذكره بأشعاره .. حب يبلغه ان الطيب ماهوب مقصور على احد .. وفيه ناس اطيب منه .. وواضح الفرق بين ابن حسين وراشد ان راشد ينقل على سيارة الشركه اما ابن حسين كان ينقل على سيارته الخاصه مثل ما قال الشاعر ( كم نقله خبرة(ن) من حر ماله ) .. اتمنى اني اكون زدت معلوماتكم ولو بشيء بسيط .. والله يقدرنا على خدمه هالموقع الي يشرفنا ويكون مكان نلتقى فيه مع عيال العم .. لاهنتوا يا القروم .. المتروكي ..
__________________
الطيب فينا يا صديقي طبيعه .. .. .. فطره خلقها الله في كل زعبي !! ابو فهد |
|
|
|
|
24th January 2003, 02:31
|
#9 |
|
عضــــو نشيــط
تاريخ التسجيل: Jan 2003
المشاركات: 155
|
المتروكي ..
زدنا من سوالف شايبك الله يطول في عمره :):) |
|
|
|
|
24th January 2003, 18:14
|
#10 |
|
عضــــو
تاريخ التسجيل: Jan 2003
المشاركات: 60
|
ابشروا
ابشر يا راعي العوجا ..
وابشروا يا باقي الاخوان .. انشاءالله تقرون الي يرضيكم في الايام الجاية ..
__________________
الطيب فينا يا صديقي طبيعه .. .. .. فطره خلقها الله في كل زعبي !! ابو فهد |
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
العرض العادي
