شاعره متمكنه

[راعي الصفرا]

السلام عليكم ورحمة الله وبركاته

لايقل شعر المرأه عن شعر الرجل حين يكون في قمة ابداع الكلمات

وللشاعره عبير احمد السديري تحف وروائع

انقل لكم هذه القصيده متمنيا ان تحوز على اعجابكم


[poem font="Simplified Arabic,4,black,bold, normal" bkcolor="transparent " bkimage="backgrounds/19.gif" border="none,4,gray" type=2 line=0 align=center use=ex num="0,black"]
لا اتّمادى فـ الأمــاني .. والأمـاني مستحيلـه = لا توقّف فالمسافه بين ( احساسي ) و ( ظلّــه)

ايــه ياللي تحسب اني رايقــه ... شفني عليلـه = لا تصـــدّق بإنني لا صــرت أغنّي مسفهلّــه

لي حبيبٍ من فقدته ... صـارت البسمـه دخيلــه = ماخذٍ قلبي وخلاّ الجــرح يدمـي في محــلـّـه

كان لا جـاني عَبـوسٍ .. راااق .. لا فكّ الجديلـه = كيف لو جانـي مروّق .. يــوم كلّي رايقٍ لّــه ؟

شامخــه .. لكن مثلـه يستـحقّ إنـي أجيلـه = ولو بغـى راسـي بكل العزّ .. خلّيتـه يتـلّــه

بس مـدري وش بـلا المحبـوب شوفاتــه قليلــه = وفجــأة ما عـاد له شوفه ومدري وش حصـل لـه !

عـادة الدنيـا على العشـاق فاللقيـا بخيلـه = وإن بغــت تجــزل عطــاها جابت هجــوسٍ مملّــه :

( هو على عهده .. أو إنه لقى له عنّـي بديلـه ؟؟ = أو تناسـاني وأنا اللي ذابحــه نفسـي وفــاً لـّـه ؟ )

منبـري عــودي من الفرقـا ... وأنا أصــلاً نحيلـه = ما درى بأن العطـــر مرهــون به .. يومـه يعلّــه ؟

بـس أقلّـب ذكرياتـه .. ليلـةٍ مـن بعــد ليلـه = والألــم بعضــه تـرى يذبــح .. أجل وشلون كلـّـه !!

يا تـرى وش آخــرة صبــري .. على حمــولٍ ثقيلـه = هو بقــى فالعيـــن دمــعٍ ما نشـف ... حتّى أهلّــه !

و رغــم كل اللّـي حصــل بأقولهـا .. ( يا حبّنيـله ) = و رغــم كل اللّـي يبونـي .. عفتهــم بس فـدوةٍ لــه

آآه يـا ليـت الشعـر .. يجمـع خليــل مع خليلـه = كان ما خلّيــت خلٍّ .. في المـلا من دون خلّــه

وانت ياللـي تحجّــج بالهــوى ... عطنـي دليلـه * ميـر يـا كثـر الهواويّـه .... ويا قـل ّ الأدلــّه

أنت .. قـدّ الحـب . يـوم إنـك تجاهــد في سبيـلـه ؟؟ = والا ظنـّـك كل من جاهـــد يبي قلبي وصل له

جايـز إني شاعـرة وأكتــب أحاسيــس جميلـه = بـس أنا ماني مجــرد شاعــرة ياللّـي ... مولّــه

مـير دامك عاشقٍ ( شعري ) وأنا بنتٍ أصيلـه = دوك شعري ... واتـرك الخافــق تـرى منتبْ هـلٍ لـه

خلنـي عنّــك .. ترانــي واثقـه مالـك وسيلـه = شفْ لــك أيّـة شاعــره تنشـر صورهـا في مجلـه

إعـرف إنك يــوم تحلـم في غـرام المستحيلـه لا تحّــرك لك من احساسي .. ولا حرّكـت ظلّــه[/poem]

قصيدة للشاعرة : عبير بنت أحمد السديري


تحياتي

.

[أبن شهلان]

آآه يا ليت الشعر .. يجمع خليـل مـع خليلـه
كان ما خلّيت خلٍّ .. في الملا مـن دون خلّـه

لاهنت ياراعى الصفرى دايم مبدع

قصيده اكثر من رائعه تسلم يمينك

[راعي الصفرا]

يامرحبا ابن شهلان

هالقصيده ياخوي لعبت في حسبتي

غيرت موازين كل القصايد اللي كتبتها

لما تقرى هالنوع من القصايد تحس ان اللي كاتبها فعلا ينقال عنه شاعر
طبعا من غير قصور بباقي الشعار

مثل ماتفضلت انا احس انها من اروع ماانكتب خصوصا للشاعرات

تسلم على المرور ولاهنت :*

[عبدالعزيز]

أختيار يدل على روعة التذوق

القصيده هي الي لعبت في حسبتك ولا غيرها ياراعي الصفرى ؟ ؟ ؟

مشكور على النقل يابوعثمان

[أبو العز السلمي]

قصيدة رائعة جدا .

عندها شعور لطيف جدا .

الله يرزقك يا راعي الصفرى باللي تقولك هالقصيدة الزينة .

[العبيدي]

راعي الصفرى


مشكور على الاختيار الرائع

والتفاعل الاروع

ويالربع صفوا النية

[مبارك الزعبي]

صح لسان الشاعره



وتسلم ياراعي الصفرى في اختيار المشاركات الرائعه



لاعدمناك

[راعي الصفرا]

لاهان من قال يامبارك وتسلملي على المرورو يالامير

عبد العزيز لا تطلع اشاعات علي انا والشاعره بعدين تصير سالفتنا على كل لسان نفس دودي الفايد وديانا

ورانا عرس ولا توهقنا حسبي الله على عدوك

:)

=======

ابو العز السلمي ياهلا وغلا بأخي الحبيب

لك شوق ووحشه الله لايحرمنا من ردودك

.