حب الدجيما

[العبيدي]

الروقي الذي مات من العشق

يقول عنه الشاعرالمشهور / ابن سبيل

اخاف من موت بليا حقيقه = مثل الدجيما لاطرد به ولا سيق

الدجيما هو/

دخيل الله بن مرضي الروقي العتيبي وقد احب معشوقته حبا بلغ الوصف ولم يستطيع ان يتزوجها
لرفض ابناء عمومتها لهذا الزواج كما هي عادة ابناء العم في حجر بنات اعمامهم سابقا وقد زاده
ذلك حبا وعشقا في محبوبته وبدا يصف مايعنيه من تجاهلها له حتى انه وصف بالجنون كما وصف بذلك قبله قيس ابن الملوح مجنون ليلى وله قصيده مشهوره جدا واصبحت من التراث
القيم وهي /


[poem font="Simplified Arabic,4,white,norma l,normal" bkcolor="sienna" bkimage="" border="ridge,4,dark red" type=1 line=0 align=center use=sp num="0,black"]
ياجر قلبي جـر لـدن الغصونـي *** وغصون سدر جرها السيل جـرا
واهله من اول بالـورق يورقونـي *** على غديـر تحتـه المـاء يقـرا
على الـذي مشيـه تخـطٍ بهونـي *** والعصر من بيـن الفريقيـن مـرا
لا والله الا بالهـوى هوجـرونـي *** هجر به الحيـلات عيـت تسـرا
لا مبعـدٍ عنـهـم ولا قربـونـي *** ولا عايـف منهـم ولانـي مـورا
واكثر عذاب القلب يوم اسنحونـي*** بيح بصبـري لـو بغيـت اتـدرا
لاضاق صدري قمت ابار الضعوني *** كنـي غريـر بالدلوهـه مضـرا
وقلبي عليه اشفق وتبكـي عيونـي *** والحـال مـن ود الحبيـب تبـرا
ياعزتا لى مـن تفـرق شطونـي *** عزالي ارمـي بالسلـب واتعـرا
ان مت فـي خـدٍ بعيـد انقلونـي *** على دروب الزمل مشيـه ممـرا
ان مت في (دافي )حشاه ادفنونـي *** في مستكن الـروح ماهـوب بـرا
بين النهود وقـدٍرووس القرونـي *** عـن الهبايـب مستكـنٍ مــذرا
ياليتـهـم بالـحـب ماولعـونـي *** كان ابعـدوا عنـي بخيـرٍ وشـرا
والا انهـم يـوم انهـم قربـونـي *** خلوني اقضـي حاجتـي واتـدرا
وياليتهم في الـدرب ماواجهونـي *** وياليتهـم مـازادوا الحـر حـرا
وياليتهم عـن حاجتـي سايلونـي *** يوم انـي اقعـد عندهـم واتحـرا
وياليتهـم مـن زادهـم اطعمونـي *** وانـا علـى زاد اليتيـم اتـجـرا
لا قربـوا مـنـي ولا بعـدونـي *** ولا ميـسٍ منهـم ولانـي مـورا
الخد برقـا فـي علـوا المزونـي *** تقول بـراق مـن الصيـف سـرا
وقفـت عنـده شايحاتـن عيونـي *** كنـي غريـر باللهاوي مـضـرا
[/poem]00000000000000000000 00000000000000000000
منقول

[ابوهلا]

رحم الله الشـــــاعر العذب والعذري الدجيمـــا ونسئل الله له الغفران


قصيده من قصائد التوجّد والغزل المشهــوره و الرائـــــعه جدا


وقد تغنى بهــا اهل السامري وتعتبر من التراث الجميــل


اختياراتك فريده يا ابراهيـــم


لاعدمتك ولاعدمت تواجدك





.

[العبيدي]

الاخ العزيز ابو هــــلا

اشكرك على مرورك وتعليقك على هذه العذريه

حقاً انها في غاية الروعة

لاعدمت تواجدك يابو مطلق