يازمان صار لفروخ الدجاج

[سلمي من الحجاز]

أخواني أعضاء المنتدى أتمنى أن أسمع أرائكم في هذه القصيدة

[poem font="Simplified Arabic,5,black,norma l,normal" bkcolor="transparent " bkimage="backgrounds/1.gif" border="none,4,gray" type=0 line=0 align=center use=ex num="0,black"]
يازمان صار لفـروخ الدجـاج = والمغنـي والممثـل والعميـل
صارت الدنيا مثل سوق الحراج = اختلط فيها الكديش مع الاصيـل
حتى من جانا قبل عامين حـاج = قام يظهر له مع العالم صهيـل
انحسب من عندنا لو كـان داج = في المحافل اطلق لسانـه يعيـل
لا بغا حاجه يشاور (ام سراج ) = لو يخالف تغسل شراعه غسيـل
والاجانب جوك من كل الفجـاج = شئ مكفولٍ وشـئ بـلا كفيـل
يتعلـم فيـك طبـه والعـلاج = إن نجح ولا عسى عمرك طويل
في بلدنا صارت العيشه همـاج = وش تمشي وش تخلي بالصميل
وين ما حطيت رجلي به سيـاج = لا اراضي ولا بيوت ولا نخيل
ماني طالب عيشةٍ في قصر عاج = ولا ابي نهرٍ تحت بيتي يسيـل
ودي لو اعيش وافـل الحجـاج = ودي اظهر شئ في قلبي نزيـل
ديرتي بصبر ولو فيها عجـاج = في ثراها اموت ما اشد الرحيـل
ما تجي الدنيا على كيف ومزاج = اتعـدل يـوم وبعشـرة تميـل [/poem]

[ابو تركي]

الاخ الغالي سلمي من الحجاز


اسعدالله مساءك بكل خير وموده



قصيده رائعه


تعبر عن جزء من الواقع الذي نعيشه


صح الله لسااانك ياارائع


وتقبل تحيات اخوك
ابو تركي

[ماجد السلمي]

اخي العزيز/ سلمي من الحجاز

اولاً قصيده تعبر عن الواقع

الذي لا يختلف عليه اثنان

بس ودي ذكر المصدر لو تكرمت .

ثانياً / اسمحلي ان اطلق عليك اسم واتمني ان يكون الزعل مرفوض

الحجازي العجيب

لانه بصراحه كل قصائدك ومقالاتك عجيبه

وبعدين ترا العجيب اسم لموقع من افضل المواقع العربيه

يعني لا تزعل


الف شكر علي رحابة صدرك.

[سلمي من الحجاز]

الاخ أبو تركي

مساء الخير

شرفني مرورك ياأخي الكريم

ورأيك يهمني في مشاركاتي

لك تحياتي ،،، ]

[سلمي من الحجاز]

الاخ ماجد السلمي

المصدر هو ( منتدى قبيلة عتيبة الهيلا )

وإذا زعلت ترى مايرضيني إلا ذبيحة مفطحة هههههههه

الزعل مرفوع بيننا

أخوك
سلمي

[العبيدي]

مرحبا بك يالسلمي

حياك الله

مشاركاتك جزله لاعدمتك

ورايي في القصيده مثل رايي في الزمن

لاهنت