رديــــــّـــه بين محمد فهد الوافي ومحمد مبارك الوافي

[محمد فهد الوافي]

السلام عليكم ورحمة الله وبركاته ,,,,,
مساكم الله بالخير جميعا واتمنى لكم التوفيق ومنتدى عامر ان شالله
جهود جباره منك يا بو هلا وعساك على القوة ومشكور على زود الترحيب وان شالله راح اكون متواصل معاكم على طول 0
الشكر كل الشكر لمن عقب على القصائد 0
ارسل لكم قصيدة موجهه للشاعر / محمد مبارك الوافي وردها واتمنى ان تنول على اعجابكم 0

القصيده واقول فيها ,,,,,,,,,,,

سلام يا صاحب من لسان صاحــــــب @@ ومن قلب والله والسلام محسوبـــــي

سلامٍ احلى من غدير الحيا العــــــذب @@ واحلى بعد من كل صافي محلوبــي

واحلى من الشهد المصفــّـا ليا شرب @@ والذ من ذوق العسل والشروبــــــي

سلام ما خصص لغيرك ولا كتـــــــب @@ لك يا ولد عمي جديد السلوبـــــــــي

يا صلب ابوي وعزوتي يا ولد زعــب @@ يا سلالة اللي للمراجل كسوبـــــــي

يا طيب مذهبهم مع كل مذهــــــــــب @@ زعب هل الطولات وقت الحروبـــــي

شجعان والله للمنايا تزهـــــــــــــب @@ لا جا نهار فيه عمس الدروبــــــــــي

يشهد لهم تاريخهم مع ولد حـــــــرب @@ مع جارهم وقت احتكام الكروبـــــي

ردو عليه ابله وما كان يطلــــــــــــب @@ وما حسبو للي غزوهم حسوبـــــي

حموه من طلابة السلب والنهـــــــب @@ تشتتوا مابين موت وهروبـــــــــي

ومن بعد ذا يا معرب الجــــــــد والاب @@ اسمع كلامي وانتبه يا محبوبــــي

احذر تماشي كل من هـــــــب او دب @@ واعرف محاسن صاحبك والعيوبــي

ولا تقعد الا مع رجال تناســـــــــــب @@ واترك مجالس كل نجس لعوبـــــــي

وخلك مع اللي لا بدا لازمك هــــــــب @@ هذاك يا قفلك بوقت الصعوبــــــي

وصلاة ربي عد ما وابل صـــــــــــب @@ على نبينا كل صبح وغروبــــــــي



ورد الشاعر / محمد مبارك الوافي


يا مرحبا من قلب يدريبه الـــــــــــرب @@ علام ما تخفى عليه الغيوبــــــــي

حييت ما جاني من الشرق والغــــرب @@ وشعاد اخوي وعزوتي ومحبوبي

يعقال راسي يالعريب المعــــــــــرب @@ يا ذيب يا مشاي عسر الدروبــــي

ماكر حرار ومعتلي راس مرقـــــــــــب @@ حرٍ ومخلابه عطيب الضروبــــــــي

قرم لصكات الليالي مـــــــــــــــدرب @@ للضيف مرحب والوقايد شبوبـــــي

الا يا ذا اللي تحسب الجمع والضــرب @@ مليون مع مليون كم محسوبــــــي

رده على اللي بالتحيات رحــــــــــب @@ واطلب من التقصير دمح الذنوبـــي

حنا هل الحيزا سيوف تشــــــــــــذب @@ ارقاب من تغضب عليه الزعوبـــي

حنا هل الحيزا ليا قامت الحـــــــــرب @@ نسوان عدوانا تشق الجيوبــــــي

صويبنا وان طاح ما عاد به طــــــــب @@ يا كود من يرحمه مجري الهبوبي

والحين ذا الدنيا بالادم تقلـــــــــــــب @@ من ما تشوف العين دمعي صبوبي

يا حيف يا وقت تزعمبه الضـــــــــــب @@ والذيب من خوفه مسيره دبوبـــي

شانت على الاجواد والنار تشتــــــب @@ في جاش من شاف الحسن والعيوبي

ويا ليت رزق العبد بالسيف الأحدب @@ لا شك بامر اللي لوجهه نتوبــــي

وختامها صلوا عدد طاير طـــــــــــب @@ على النبي وعداد غرس الحبوبـي


وسلامتكم ,,,,,,,,,,,,

[العبيدي]

صح لسانك يا محمد فهد


قصيدة جزلة

وصح لسان الشاعر

محمد مبارك

والنعم فيكم

[راعي الصهبا]

السلام عليكم







قصيده في منتهى الجمال





ورد ولا اروع منه




ومنها للاجمل





سلاااااااااااااااااا اااااااااااااام

[عبدالعزيز]

صح السانك يا محمد فهد وصح السان محمد مبارك ..


واشكركم على تواجدكم الجديد الرائع وعلى مشاركاتكم التي تزيد المنتدى روعه ..

واتمنى لكم التوفيق دوماً فيما تنطق به احرفكم من قصائد جزله ..



لكم التحيه .




.

[مبارك الزعبي]

صح لسانك يابو فهد ... قصيده جزله .

وصح لسان ابو مبارك ... قصيده وافيه ...


ولاهنتووووا .. تقبلوا احترامي ...



مبـــــــــــاركــــ ــــ

[ابوطلال الحليو]

صح للسانكم ياشباب وبارك الله فيكم ---

تقبلوا تحياتي