|
19th September 2004, 16:26
|
#1 |
|
عضــــو نشيــط
تاريخ التسجيل: Dec 2003
المشاركات: 167
|
بيت شعر مشهور بزعبي يستاهله؟؟
السلام عليكم ورحمة الله وبركاته
في أول الأمر أعتذر عن قلة مشاركاتي في الآونه الأخيره فعلاً بأن الحق علي ولكن كانت الظروف تحكم ؟ والحين بالعاميه بقولكم ان عندي مشاركه شعريه جميله ورائعه قصيده بحثت عنهاودورتها الى ان لقيتها لأنه فيها بيت مشهور كنت اسمعه ودائما ماكان يترددبالدوواين والمجالس وكان ودي اعرف قصة القصيده؟ والبيت هو (المرجله لو هي على ضلع سنجار....منديل جابها فوق متنه يشيله) المهم لقيت القصيده وهي للشاعر ظافر محمد بن شلعان الدوسري ابن الشاعر محمد بن شلعان الدوسري رحمه الله وقيلة القصيده في/ منديل بن محمد بن عجران السحوب ابن الشيخ محمد بن عجران السحوب الله يقومه بالسلامه انشالله .. وقيلة القصيده عندما كان منديل أسير في السجون العراقيه اثناء غزو الكويت في سجن الموصل بالعراق وكان للأسرى بعض الزيارات القليله جدا من اهلهم وربعهم... وكانوا الأسرى يحتاجون المال لتيسير امورهم بزنازين الطاغيه وحتى يقدرون فيها شراء حاجاتهم الضروريه من أكل وغيره وكان لبعض الاسري ناس اتزورهم وتعطيهم من هالمال الوفير لاكن بدون فايده مايجي لربعهم شي منه ومايمدون منه الا القليل وفي منهم من كان يعطي شي بسيط من ماله لاحد من ربعه الخاصين فقط... وفي يوم قدر الله وصارت زياره حق منديل من سعد فهد بن صبيح الزعبي وبعد الزياره قدم سعد لأبن عمه مبلغ من المال لتيسير اموره بالسجن وكان لمنديل مجموعة ربع ماهي قليله ومنهم مجموعة شباب من قبيلة الدواسر الي من ضمنهم شاعر القصيده فبعد الزياره وزع منديل الفلوس كلها بين ربعه وكان لربعه الدواسر حصتهم وعطاها ظافر حتى يوزعها عليهم وكان كرمه سبب القصيده مع العلم ان له مواقف كثيره بالأسر موصوفه بالشجاعه والفطنه والكرم . ... والدخول بتفاصيل هذه القصص راح يطوّل لأن الكثير من الأسري الموجودين وقتها الى الآن تتكلم فيها وهم من كذا قبيله وعائله وأليكم قصيدة ظافر بن شلعان الدوسري في ابو فيصل منديل العجران السحوب : هاض الشجن وافتر دالوب الأفكار ..... وبديت فــي نظـم البيـوت الجزيله خذيت من صافـي جزيلات الأشعـار ..... وغنيـتــهـا باللـي قلــيـل مثـيلـه رجـلٍ ذهـل فكـري وانا منـه محتار ..... رجــلٍ جزمـنا مـانــدوّر بـديـلـــه ريف الرفيـق وغايته مكسـب الكار ..... وأن قصرت ألأيادي يمينه طويله حـرٍ شـهر عيـنـه كمـا شـعلـة النـار ..... صـيده سـمين ولا يجـيب الهـزيله حـرٍ علــى حـر ومـن ماكـر أحــرار ..... حـلحــيل مـاينحــال حــلال حيـله له مجــلسٍ يجـلي عمـيـات الأفكــار ..... ومــن يبـغي الـطولات هـذا دليله الزعبــي اللـي طـال شبره الأشـبار ..... راع الـعلـوم الــغـانمه والجــليله المـرجله لـو هـي على ضلع سنـجار ..... منـديـل جـابها فوق متنه يشيله رجـــلٍ علـى الشـــدات ضارٍ وصـبار ..... له عـــادةٍ شـيل الحمول الثقيله مـن لابـةٍ لامـن عســاهم الكــدر ثـار ..... شـجعـان وقــرومٍ بيوم المهـيله يردّون حـوض المـوت ماقالوا أخطار ..... والكل منهم سـيف عنتر يشـيله فرسان لا ركبـوا على عسـم الأمهار ..... شـجعان لامـن شب راس الفتيله نـعــمٍ بهـــم لاردت عــلــوم وأذكــار ..... ونـعـمٍ بـهم لاقـيل ذيك القبيله وصـلاة ربــي عــد مــاطــايـرٍ طـــار ..... وعداد مـاتمطر أمـزون المخيله عـلى نبـي مـن بـدت الخـلق مـختــار ..... جــاب الرســاله للملا والفضيله الشاعر /ظافر محمد بن شلعان الدوسري ( صح اللسان الشاعر و يستاهل بوفيصل على فعله الغانم)
__________________
عيبك لاقالوا الناس بك عيب ...... للسمن فوق امفطح الحيل صباب |
|
|
|
19th September 2004, 17:51
|
#2 |
|
عضــــو فعــال
تاريخ التسجيل: Mar 2003
المشاركات: 349
|
ريف الرفيـق وغايته مكسـب الكار ـــــــــ وأن قصرت ألأيادي يمينه طويله
حـرٍ شـهر عيـنـه كمـا شـعلـة النـار ــــــــ صـيده سـمين ولا يجـيب الهـزيله صـــح الســـــان الشاعر , ويستاهل ابو فيصل .. ومشكور اخي ابو فواز على هذه المشاركه الرائعه .. تحيتي لك . . |
|
|
|
|
19th September 2004, 21:28
|
#3 |
|
عضــــو نشيــط
تاريخ التسجيل: Apr 2004
المشاركات: 166
|
لا هنت اخوي ابو فواز
صح لسان الشاعر ويستاهل ابو فيصل
والله يقوم ابو عجران بالسلامة وتقبل تحيتي واحترامي
__________________
استخدم زر التحكم لتعديل توقيعك |
|
|
|
|
24th September 2004, 04:44
|
#4 |
|
عضــــو نشيــط
تاريخ التسجيل: Dec 2003
المشاركات: 167
|
السلام عليكم ورحمة الله وبركاته
شكراً للأخ ابوسعود والأخ ساجر على مشاركتهم....... ولاهنتوا على ألأطراء
__________________
عيبك لاقالوا الناس بك عيب ...... للسمن فوق امفطح الحيل صباب |
|
|
|
|
29th September 2004, 14:23
|
#5 |
|
عضو مهم
تاريخ التسجيل: Jan 2003
المشاركات: 2,030
|
السلام عليكم ورحمة الله وبركاته
رجـلٍ ذهـل فكـري وانا منـه محتار ..... رجــلٍ جزمـنا مـانــدوّر بـديـلـــه صح لسان الشاعر /ظافر محمد بن شلعان الدوسري ونعم ونعم ونعم ابو فيصــــــــــل منديل محمد العجران السحوب يستاهل وماهي غريبه منه العلوم الغانمه وفعل الطيب ونتمنى من الله عز وجل الشفاء العاجل لبو عجران لاهنت يابو فواز على اظافة هذه القصيده الرائعه
__________________
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"] قد قالوا اصحاب الحكم وانا بردد ذالمقال = تصرفات اهل الجهل يشقى بها اهل العقول شنار[/poem] |
|
|
|
|
29th September 2004, 17:50
|
#6 |
|
عضــــو نشيــط
تاريخ التسجيل: Oct 2003
المشاركات: 137
|
صح لسان ظافر محمد الدوسري ويستاهل ابو فيصل ونعم الشارب
شكراااااااااااااااا ابو فواااااااااااااااااا از
__________________
ارضاء الناس غايه لاتدرك |
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
العرض العادي
