|
|
|||||||
 |
|
|
أدوات الموضوع | انواع عرض الموضوع |
|
|
14th June 2007, 07:44
|
#1 |
|
عضو مهم
تاريخ التسجيل: Feb 2003
المشاركات: 1,501
|
قصيدة للشاعر دخيل الله بن محمد الشكره الدوسري رحمه الله في قبيلة زعب
السلام عليكم ورحمة الله وبركاته
وصلني ايميل من الاخ سلطان بن دخيل الله بن محمد الشكره الدوسري والرسالة هي: اخوي فهد الله يمسيك بالخير ويشرفني ان اعرفك بنفسي اخوك في الله سلطان ابن دخيل الله ابن محمد الشكره الدوسري . بصراحه قبيله زعب ماهي بحاجة لمدح ولا ذكر لا من بعيد ولا قريب قبيلة فعولها تشهد لها وتاريخهم شاهدا لهم لكن انا اذا سمحت لي بمشاركة في موقعكم بقصيده لوالدي اسكنه الله فسيح جناته واموات المسلمين امين في قبيلة زعب ولنا الشرف في ذلك. مناسبة القصيد مذكوره مع القصيده في الملف المرفق فهذه كانت امنية للوالد رحمه الله ان تصل هذه القصيد لابناء هذه القبيله التي يتشرف كل من ينتمي لها بانتمائه نظرا لتاريخهم العظيم الذي يشهد لهم على مر العصور وبيض الله وجهك ورحم الله والدينا والديك واموات المسلمين من عذاب النار امين يارب. ارجو منك اذا تم نشرها بالموقع ان تنشر كامله ويذكر اسمه كامل كماهو مكتوب بالاضافه الى المنطقه التي هو منها وادي برك ولك مني جزيل الشكر والامتنان والسلام اخوك : سلطان بن دخيل الله محمد الشكره ********** مناسبة هذه القصيده كان رحمه الله في طريقه عائد الى الكويت بعد زيارته لاهله في ( وادي برك ) وكان ذلك قبل اكثرمن 38 عام تقريبا ولا يوجد طرق مسفلته ولا مراكز للصيانه الا في المدن الرئيسيه وتعطلت به سيارته في طريق الرجعه في الشمال قبل وصوله لدوله الكويت ومر به بعض الشباب في ذلك الوقت في المكان الذي تعطلت به السياره ونخاهم يساعدونه ويسحبون سيارته حتى بلوغ المدينه ولكن للاسف ماثمنوا نخوته لهم حتى قيض الله له ان يلتقي بـــرجل من قبيلة زعب ويدعى ( ربيــع الزعبي ) ونخاه وانتخى له وهذا يدل على طيب هذا الرجل وقام بالواجب وزاد عليه وقال فيه رحمه الله هذه القصيده : ياحـيسفا يـانخـوتي بعـض الاولاد ***** مـاثـمـنوا لــي قـولـة يـالعـيالـي كسب العلا صعـبا على كـل كـواد***** ولا كـل رجـل للمـراجـل ينـالي المرجله تـبغي لـها عــزم وجــهاد***** وصبرا على ميل الدهر والعدالى ياوالـله اللي صـار للجــمس لـداد ***** مـن عـقب ماويـله يشـق الرمالي شـريـت انـا لـه كـل شـي ولا فاد***** ومن الوكاله جـبت لـه كل غــالي والهقـوة انـه صايبه عـين حـساد***** عسى العمى لصبي عيـنه خلالي امس وقبل امس على العين لاعاد***** وقـبله ثـلاث أيـام واربــع لــيالي بارضا خلا مابه من الـناس رواد***** ارضـا خـلا فيـها وحـيد لـحالـي والصـدر كن به للهواجيس ميعاد ***** وماكان غاب من الهواجيس جالي لكن فزع لى خالقي بابن الاجواد***** لاعـل مـايقـطـع للا جـواد تــالـي بربـيعـا عشـيق مـزمـوم الانــهـاد***** لـعــل عـمــره دايــم مـأيــزالـي وزال الهموم وهان من المر ماكاد***** الله يـجيـره مـن صـدوف الـيالي ثم قــال وشـبك قلـتله يـابن الاجواد***** شـوفـك بعينك كافـيا عـن سؤالي ثـــم قـــال والله لانــوديــه بــغــداد***** وان ما مشى لاياصله لـو يشالي وان كل مايطلب على نقد واقصـاد***** والله وامــانــه مــاتســلم ريــالي تبــناله البيـضاعــلى روس الارجــــاد***** واعداد ماتذري الرياح الرمالي من روس زعب اللي يضدون الاضداد***** زعــبا هـل الردات عند التوالي زعبا عــزاز الجــار بــانــين الامــجاد***** ودونه تبـيع ارواحها والـحلالي هل فــرســة من دور عـــادا وشــــداد***** ويشهد لهم تاريخهم والرجــالي والطيب ماهو مشفــقا عــند الاجـــواد***** لاكن ذكرته يوم جــاله مجــالي وصــلاة ربـي عـــد ذعــذاع الانــواد***** واعــداد ماهبت هبوب الشمالي شاعر الشكره : دخيل الله بن محمد الشكره الدوسري رحمه الله من اهالي وادي بــــــــرك ---------------------------------------------------------------- مرحبا بك ياسلطان ورحم الله الوالد واسكنه فسيح جناته ومليون نعم بكم وقد تم تسجيلك في مجالس قبيلة زعب وتم بعث الاشتراك لك على الايميل ويشرفنا مشاركتك معنا
__________________
اصبر لدهر نال منك ـ ـ ـ ـ ـ فهــكذا مضـــت الدهـور
فـرح وحـزن مـــــرة ـ ـ ـ ـ ـ لا الحزن دام ولا السرور F1F@gawab.com |
|
|
|
16th June 2007, 15:03
|
#2 |
|
عضــــو
تاريخ التسجيل: May 2007
المشاركات: 20
|
صح لسان قايله والله يرحمه واموات المسلمين
ولا هنت أخوي فهد بن سالم على نقلك للقصيدة |
|
|
|
|
16th June 2007, 21:50
|
#3 |
|
عضــــو نشيــط
تاريخ التسجيل: Dec 2004
المشاركات: 150
|
صح لسان الشاعر
شاعر الشكره : دخيل الله بن محمد الشكره الدوسري رحمه الله واسكنه فسيح جناته والله لايهينك يا فهد بن سالم علي النقل وحيا الله بالاخ سلـــــــــــطان في منتدى القبيله ساعدين بانضمامه معنا
__________________
|
|
|
|
|
16th June 2007, 23:14
|
#4 |
|
عضو مهم
تاريخ التسجيل: Feb 2003
المشاركات: 1,501
|
الغريبي
ابو جاسم لاهنتوا على المرور والمشاركة
__________________
اصبر لدهر نال منك ـ ـ ـ ـ ـ فهــكذا مضـــت الدهـور
فـرح وحـزن مـــــرة ـ ـ ـ ـ ـ لا الحزن دام ولا السرور F1F@gawab.com |
|
|
|
|
17th June 2007, 02:02
|
#5 |
|
عضو
تاريخ التسجيل: Jan 2004
المشاركات: 91
|
صـح لسان شـاعـرها وعسى اللـه يرحمـه
ونرحب بالأخ سلطـان الدوسري بين أخوانـه وربـعه ولاهنــت يا فهــد على هذا النقــل الجميـل تقبل تحيـاتـي مــلاوح |
|
|
|
|
17th June 2007, 05:45
|
#6 |
|
عضو مهم
تاريخ التسجيل: Feb 2003
المشاركات: 1,501
|
ملاوح
لاهنت على المرور والمشاركة
__________________
اصبر لدهر نال منك ـ ـ ـ ـ ـ فهــكذا مضـــت الدهـور
فـرح وحـزن مـــــرة ـ ـ ـ ـ ـ لا الحزن دام ولا السرور F1F@gawab.com |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
العرض المتطور
