|
|
|
29th August 2005, 21:39
|
#1 |
|
عضــــو
تاريخ التسجيل: Nov 2004
المشاركات: 80
|
قــصــيــدة فــي جــمــيــع قــبــائــل الــســعــوديــة ..!!
السلام عليكم ورحمة الله وبركاته
هذه قــصــيــدة فــي جــمــيــع قــبــائــل الــســعــوديــة ..!! يالله ياخالق اراضين وابحار **** الواحد المعبود رازق عبيده الخالق الغفار علام الاسرار **** وفرق شعوب الارض في كل يده وابدي واسولف من عذيبات الاشعار **** ابيات شعر والمعاني وكيده اشري وابيع واعرف كيف بختار **** واختار من جزل البيوت الفريده وذ كرتراث وعز وامجاد وافخار **** قبائل تومن بدين وعقيده وصلت حضارتنا على سطح الاقمار **** ابنا الجزير والجزيره مجيده في ظل حكام لهم فعل واشوار **** ال السعود اللي تفك الضهيده نسل الزعيم الحاكم العادل البار **** مجدد امجاد الجزيره بجيده حتى اصبحت حره وحنا له انصار **** في ظل اخو نوره هنوف سعيده وصارت لابو تركي بطوله وتذكار **** والفخر والامجاد تبقى شهيده وخلف لنا املوك لهم فعل واخبار **** الشعب واحد والقياده رشيده والامن بانينه على ساس وجدار **** وقرو على العابث عقوبه شديده وحنا حماة الدار من كل غدار **** وما همنا بطشه وخبثه وكيده قبائل مالحقناهم اوعار **** وعشنا بهذي الدار عيشه رغيده والحمد لله نحمده سر واجهار **** شعب تكاتف من سنين مديده ودون الوطن جيش على كل معبار **** لارفرف البيرق ونادى عقيده بشرق البلاد وغربها دوم حضار **** وارض الشمال اللي نفوده مديده وارض الجنوب اللي تخيضر بالاشجار **** جزيرة فيها القبايل عديده ارض بها قحطان وافين الاشبار **** وياعز منهم بالشدايد بسيده واذكر عتيبه يوم للطيب مغوار **** لا ثارت الهيجا وقرب ضديده وشمر هل الطولات والجود مقدار **** اهل الكرم واهل الفعول الحميده وقوم اعنزه مروين الاخصام الامرار **** اولاد وايل من عصور عهيده ومطير قوم تكرم الضيف لا زرار **** وياويل خصم في حراهم وعيده واذكر قبيلة حرب يانعم الاخيار **** وتاريخهم يحكي سطور مجيده وسبيع نعم القوم ووجيه الاسفار **** زبن الدخيل ليا زبن من طريده واذكر قبيلة يام والطيب يندار **** اهل العلوم الوافيه والرشيده ثم الدواسر تجعل الخصم منهار **** عيال زايد عز منهم سنيده ثم السهول اللي لها الطيب مدرار **** وعن منهج العادات ماهي محيده ثم اذكر العجمان حماية الجار **** والمرجله والجاه فيهم عتيده واذكر بني مره طويلين الاعمار **** ما ينقد المري ولا له نقيده ثم الهواجر لابة تقدح النار **** اهل الركاب اللي خطاها بعيده واذكر بني خالد قبيلة وامار **** قوم لهم في المجد قول ورصيده وبني تميم اللي لها الطيب مصدار **** بني تميم وكل فعل تجيده ثم الزعوب اللي بها الخصم يحتار **** شجعان ماترضى سوا ماتريده العازمي وافي وفي الطيب بيطار **** روحه على كل المصاعب صميده ثم الظفيري في المصاعيب جبار **** والطيب والامداح باصله وطيده ثم اذكر الاشراف بجلال واكبار **** اهل الحجاز اللي تفك الزهيده ثم الهذيلي له مواقف ومندار **** راعي الفخر راعي العلوم السديده ثم البقوم اللي لهم جيش وامهار **** ريف الضيوف ليا لفاهم وليده واذكر ثقيف اللي لهم مجد وآثار **** ومهما حسبنا من كلام نعيده وبلحارث اهل العز بشهود واقرار **** ا لحارثي ياطيب فعله وجيده والمالكي معروف لا صار ما صار **** في موقف اهل الطيب يبذل جهيده واثني تحياتي عدد وبل الامطار **** على سليم وكل خصم تكيده واذكر جهينه هل مواقيف وادوار **** تلقى الجهيني راسم الطيب بيده واذكر بلي والمجدله فعل واظهار **** وتاريخهم يحكي فعول فريده وبني عطيه في المواجيب حضار **** قوم بوقت الجد قوم عنيده ثم الحويطي والكرامه له اشعار **** ثم الشراري له فعول مفيده ثم الرشيدي في الصعيبات صبار **** على علوم الطيب فعله يزيده وباقي جنوب الدار والقاف مادار **** باقي على قلبي كلام واشيده زهران نعم القوم في وقت الاضرار **** والخصم عينه من لقاها سهيده والغامدي معروف له عزم واصرار **** راعي المراجل والعلوم المفيده وشمران قوم والجمايل لها اطوار **** وبلقرن سم للقلوب النكيده والاكلبي والمحلفي مابعد بار **** والحارثي طيبه وفعله يشيده وبني شهر وبني عمر سيف بتار **** قوم على الاخصام نار وقيده والاسمري والاحمري صيتهم سار **** بين القبايل والمواقف شهيده واذكر عسير الهول ذربين الاذكار **** وابها احتموها فالسنين الشديده وادهم والصيعر على حد الاقطار **** يحمون حد الدار من اللي يريده وامشي مع الساحل مع جمله افكار **** رسمتها والطير زان اتغريده وانزل على جيزان تاريخ واديار **** ورجال فيفا والقبايل عديده وارجوا العذر واهل المواجيب عذار **** الي نسيته مانذكر في القصيده الواهبي عدد ابيوته بالادوار **** من شاعر ماشل قلبه حقيده شهران ربعي هم هل المدح والكار **** واهل الكند واهل السيوف الجديده يوم البلد مايامن الزند لاثار **** زيزومنا ابن مشيط نعم الوليده فالجهل شجعان وفي السلم تجار **** من بطن بيشه للتهم لارفيده حبيت ابين موقفي بين شعار **** وارجوا سموحتكم على ذا النشيده ماحب انافق واتعنصر تعنصار **** ولا ني باطيع اهل العقول البليده ما كل من طب البحر قيل بحار **** وما كل من شل الفشق جاب صيده فالشعر بستان به ورد وازهار **** واللي تعداها بيوته فقيده واقولها في الشعر تكرار وامرار **** ضرف بلا عنوان يلغى بريده وبعض السوالف له مواقف ومحضار**** وشعر بلا معنى لزوم نبيده وصلوا على المرسول شفاع الابرار**** محمد الهادي وقدوة عبيده منقووووووووووووووووو وووووووووووووووووووو ووول |
|
|
|
29th August 2005, 21:48
|
#2 |
|
شاعر
تاريخ التسجيل: Aug 2005
المشاركات: 214
|
لا هنت يابوعمر
على هاذا النقل ويليت تعرف لنا اسم الشاعر بالكامل فهو واهبي من شهران000000000لاكننا نحرص على الاسم ولاهنت مره اخرى يابوعمر |
|
|
|
|
30th August 2005, 16:31
|
#3 |
|
مشرف مجلس الشعر
تاريخ التسجيل: Jan 2003
المشاركات: 826
|
يا مرحبا اخوي ابو عمر
تسلم على نقل هذه الجزله .. وبناء على طلب اخوي حياز لأسم الشاعر قبل فتره طويله اخوي ابن مدلاج شارك بنفس هذه المشاركه ولا نعلم بأسم الشاعر واخوي ابو هلا طبعا ً مايقصر قال على حسب ظني اسم الشاعر ابن عبّار العنزي وقال الله وعلم. وانا بحثت عن اسم الشاعر تبين لي ان اسمه مفلح بن عمير الواهبي الشهراني واللي أكد لي اكثر حيث ذكر نسبه بهذه البيتين : الـواهبــي عــدد ابيوتــه بالادوار **** من شاعــر ماشــل قلبــه حقيــده شهران ربعي هم هل المدح والكار **** واهل الكند واهل السيوف الجديده (( والله اعلم بالصحيح )) عساني وفقت بما ارفقت . وتقبلوا تقديري واحترامي . |
|
|
|
|
30th August 2005, 22:29
|
#4 |
|
عضو مبـــــدع
تاريخ التسجيل: Mar 2003
المشاركات: 554
|
ابو عمر
لقد سرحت طويلا بين ثنايا هذه السمفونية الرائعة ما أجمل هذا الإختيار الذى تغلغل في شغاف القلب قصيده او بمعنى أصح ملحمة شعريه متكامله دمت بود مع آرق التحايا ابو شبيب |
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
العرض المتطور
