|
|
|
18th August 2005, 23:22
|
#1 |
|
عضــــو
تاريخ التسجيل: Nov 2004
المشاركات: 80
|
قصيدة لقبيلة زعب بلسان الشاعر _ مطلق النومسي
السلام عليكم ورحمة الله وبركاته
أقدم هذه القصيدة لكم وهي للشاعر / مطلق بن عبيد النومسي العنزي للشعـــر هـــدات ومطيـــر وحومـه * والشاعر الطيب يسد لزومـــــــه ليا وقــف بيــن الرجـــال وغنــــى * لازم يحشم العالم المحشومـــــه أما تجـــي قصيدتــــه ما شااللـــه * وألا تجي قصـيدته مــعدومـــــه وانـــا مـــن الشــعار شـــاعر واثق * والشعر عبد وقدرتي محتومــه ألاعـب الـــقيـــفــان وأخــدرهــــا * تخديرة الليبتون بالقيصومــــــه فــضـل مــن الله والشكر واجب لـه * والناس يا معطاه يا محرومــــــه ومــن بــعــدها ســلام مــا به مـنه * دايم يرومه الطيب قبل يرومـــــه بــالـلابه اللي عــربت عــانــيهـــا * من طيب منسبها وطيب سلومـــه لابــة حــرار وصــيدها من يــدهــا * والحــر يكرم عن مــقام البـــومه يــازعـب يـازعـب الـكرم والرفـعه * ياللـــي على در الظفر مفطومــه عرفــت زعــب بطيــبها من مبطي * وقــريت عــنهــا قــصة معــلومه قــصه تــشــرف كل بــيت زعـبي * يــوم الليالــي بالقــشر مبرومـــه يوم الشريف أنـوى بذود الحربـي * صرتوا سوات الموت في بلعومــه عن جـاركـم بالأحمرين أعــلنــتوا * والحرب ما أنتم جاهلين سلومـــه سيوف حــرب وضربها ما يــرحـم * ماهي سيوف باللقى مثلومـــــــه يشــهد لـهم شــرق بلاد وغــربــه * وتشهد جبال طويق قــبل رجومه ولـيا اجتمـعتوا وانــتخت زعــبـيه * صرتوا كما قوس الفنا وسهومـــه يـــجــي ولــدكــم ســــبعٍ بـاتـع * من جور كــــفه فاسرات كــمومه ولــيا عطــيتوا مـدكــم بالــوافي * لو ما على الزعبي يا كود هدومه والــنعم فيــكم غصــب ولا طـــيب * قبيلــــــةٍ من الردى مـــعصـــومه وأخــتــم كلامــي بالــتحيه مـني * تـــــحيــةٍ عزامـــته ومعـــزومـــه تــحيةٍ مــن وايــلــــيٍ جــــاكـــم * امن الكــويت ولابـــتــه معــــلومه وسلامتكم |
|
|
19th August 2005, 15:38
|
#2 |
|
عضو مهم
تاريخ التسجيل: Jan 2003
المشاركات: 2,030
|
لاهنت يابوعمر وبيض الله وجهك علي هذه القصيده الجزله
مطلق النومسي استطاع مزاحمة كبار الساحه الشعريه وفرض قصائده اللتي تمتعت بفتره قياسيه بجماهيريه عريضه لأنه بأبداعه في حبك القصائد استطاع ان يحبب ويدخل قصائده الي كل قلب دون تكلف ومطلق النومسي رجل يتمتع بأخلاق عاليه جعل له قبول عند من يعرفه ومن يلتقى فيه لأول مره نشكره جزيل الشكر علي هذه القصيده الفاخره والجزله وصح لسانه ويسلم بنانه الف شكر يابو عمر
__________________
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"] قد قالوا اصحاب الحكم وانا بردد ذالمقال = تصرفات اهل الجهل يشقى بها اهل العقول شنار[/poem] |
|
|
|
19th August 2005, 20:48
|
#3 |
|
عضــــو فعــال
تاريخ التسجيل: Mar 2003
المشاركات: 349
|
صح السان الشاعر / مطلق بن عبيد النومسي العنزي وماعليه زود
فعلاً شاعر جزل وله جمهوره ومتابعينه وبيض الله وجهه او وجه ناقلها ماقصرت اخوي ابوعمر *** |
|
|
|
19th August 2005, 21:52
|
#4 |
|
شاعر
تاريخ التسجيل: Aug 2005
المشاركات: 214
|
بيض الله وجهك يابومتعب
ووجهه مطلق النومسي صديق الطفوله بجابر العلي ق3 والمصيبه ماكان بادي عليه محبته للشعر بالفتره اللي خاويته فيها من 92 الى 94 ثم انتقلت من المنطقه وانقطعت اخباره المهم صح لسانه مليون وشكرن لناقل القصيده الاخ ابوعمر |
|
|
|
20th August 2005, 04:26
|
#5 |
|
عضــــو
تاريخ التسجيل: Nov 2004
المشاركات: 80
|
مشكور يا ابوهلا
و عبدالعزيز وحياز على مروركم الكريم على الموضوع ويعطيكم الف الف عافيه على ردودكم الطيبه |
|
|
|
20th August 2005, 10:31
|
#6 |
|
عضو مهم
تاريخ التسجيل: Feb 2003
المشاركات: 1,501
|
صح السان الشاعر مطلق بن عبيد النومسي العنزي
وبيض الله وجهه ووجهك يا ابو عمر
__________________
اصبر لدهر نال منك ـ ـ ـ ـ ـ فهــكذا مضـــت الدهـور
فـرح وحـزن مـــــرة ـ ـ ـ ـ ـ لا الحزن دام ولا السرور F1F@gawab.com |
|
|
|
20th August 2005, 12:00
|
#7 |
|
مشرف مجالس الطرائف والمسابقات
تاريخ التسجيل: Jul 2005
المشاركات: 443
|
قصيده جزله من شاعر مايجيب الا الجزال
بيض الله وجه الشاعر مطلق النومسي وماعليه زود الوايلي وصح لسانه يستاهلون زعب ولاهنت ابو عمر على نقل القصيده
__________________
|
|
|
|
20th August 2005, 19:29
|
#8 |
|
مشرف مجالس الشعر والمحاورات
تاريخ التسجيل: Aug 2004
المشاركات: 842
|
الاخ ابو عمر
بيض الله وجهك على هذا المنقوله الرائعه وصح الله لسان قائلها ويستاهلون المدح زعب فقط للتنويه هذا المشاركه سبق وان نقلها الاخ ابو تركي لذلك سيتم اغلاقها ولتسمح لنا يابو عمر |
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
العرض المتطور
