|
|
|
15th November 2004, 01:10
|
#1 |
|
شاعر
تاريخ التسجيل: Oct 2004
المشاركات: 98
|
ناصر الفراعنة السبيعي ورائعة من روائعه
السلام عليكم ورحمة الله وبركاته....
لا عجب ولا عجاب من المعروف ان الشاعر المعجزة لا يأتي الابالمعجزات وهذا هو ناصر الفراعنه. كـل مـا فاضـت عيونـي نـجـر ابــن حـربـان دنّــا ..........فـي ضلوعـي يسمـع اللـي مــن ورا بـغـداد دنّــه يـوم ابـن مدعـث لنـا سـنّ الـوجـود الـحـقّ سـنّـا ..........وا فــوادي كــنّ دود الارض يـرعـى فــي مسـنّـه وا فـوادي لـو تضنّـى يـابـن مـدعـث مــا تضـنّـى ..........كـنّّـه الـمـجـدور عـقــب الـجــور مـرمــيٍٍّ بـعـنّـه اشـعـل التنـبـاك مــن خلقـتـه مــا شـبّــه و كـنّــا ..........ميـر كنّّـه مــن عـجـاج فــاح مــن صــدره يكـنّّـه وا وجـودي وجـد منـهـو عــضّ بابهـامـه وحـنّّـا ..........واحــدٍٍ شــاف الـثـلاث البـيـض ســودٍ مستـجـنّـه شــاف قـــدّام الـخـيـام خـشـيـف ريـــمٍ مرجـهـنّـا ..........وثـوّر البنـدق يبـي صـيـده وراغ الخـشـف عـنّـه اطلـق اربـع عقبهـا اربـع ثـم سمـع صـوتٍ يونّـا ..........واثرهـا امّـه صابهـا طلـقـه و طــار العـقـل مـنّـه واتهـمـوه بـذبـحـة امّـــه لـيـلـة الـعـيـد و تـجـنّـا ..........اتهمـتـه الـنـاس و صــدوف المـقـاديـر اتهـمـنّـه قـالـوا اخـوانـه تــرى مـنّـا بمـنـك ولا انــت مـنّـا ..........يـفـرق الله بينـنـا و بيـنـك عـسـى مـالـك مـظـنّـه لـك ثـلاث ايـام مـن ذلحيـن و ارحـل مــن وطـنّـا ..........عقبهـا تخـطـر عـلـى راســك مضـاريـب الاسـنّـه ودّع مريـتـه وتـــوْ بـنـتـه صـغـيـره مـــا تـحـنّـى ..........توّهـا ام اربــع شـهـور و فــي لحَمـهـا زود لـنّـه ركْــب غـوجـه و انقـلـب قبـلـه بلـيـلٍ مــا تـونّـى ..........والحمـايـا مــن خـلافـه ارخـــوا حْـبــال الاعـنّــه الـمـطـايـا و الـسـبـايـا مــــن خــلافـــه عـمــدنّــا ..........والـمـنـاي ــا ســجّـــدٍ قـــــدّام عـيــنــه يـحـتــرنّــه كــل مــا عـنّـز عـلـى قــومٍ وطــنّ الــراس طـنّــا ..........قـالـوا اذلــف ذابــح امّـــه لعنـبـونـا لـــو نـحـنّـه ذابـــح امّـــه لـــو زبـنّــا عـــدّه انّـــه مـــا زبـنّــا ..........لعـنـبـوك بْــيــوت قــــومٍ ذابــــح امّــــه زبـنـنّــه الجـمـالـة مـــا تـجـمّـل فـــي ولـــد حـــرٍّ تــدنّــى ..........مـيــر دوّرغـيـرنــا وانــحــش بـقـلـبـك لا نــدنّــه وانقلـب مــن عنـدهـم كـنّـه عـلـى محـمـاس بـنّـا ..........يـمّـة اهــل الـغـوص عـجـلات الركـايـب وجّهـنّـه ركْــب بـابـور البـحـر و دمـــوع عـيـنـه يـذرفـنّـا ..........فــــوق خــــدّه كـنّــهــنّ اذواد بـــــدوٍ مـرثـعـنّــه يـــوم حـــلّ الـلـيـل اشـرعــة السفـيـنـه دودلـنّــا ..........و الهـبـايـب مـــا يـخـلّـنْ مـحـبـلٍ مـــا دودلــنّــه قــام ربّــان السفيـنـه قـــال يـــا نـــاس امتـحـنّـا ..........قـومـوا ادعــوا ربّـكـم عــلاّم مــا وســط الاجـنّـه قــال شـيــخٍ مـنـهـم الا عـنــدي الـــراي المـطـنّـا ..........ضـحّـوا بـواحـد عـسـى الله ينـقـذ ايـديـنٍ رجـنّــه و طاحت القرعه علـى اللـي ذابـح امّـه مـا تتنّـى ..........ثـم رمــوا بــه فــي ظلـمـات البـحـور المستكـنّـه و ادبحـوا عنّـه وهـو في غـبّـة الـمـوج يتثـنّـى ............ثم عرض له من وحوش القرش جرجورٍ و صنّه عضّ جرجـور البحـر ساقـه و صايـح و استجنّـا ..........ابــك لــولا الله كــلاه الـقـرش مــا يسـلـم مطـنّـه وفـي ديـارٍ مـن بــلاد الهـنـد بـيـن انــسٍ و جـنّـا ..........مـن فضـل ربـي عليـه اطـراف الامــواج احذفـنّـه ومثـل مـا قبـل امـس متهـومٍ بـذبـح امّــه معـنّـى ..........اتـهـمـوه بــذبــح سـلـطــان الــبــلاد المطـمـئـنّـه و في السجون المظلمه خمسة عشـر عـامٍ قضنّـا ..........مــع ثــلاث مــا قـضـنّ الا عـقـب حـالـه قـضـنّـه لا سـمـع ورقــاً تغـنّـي جــرّ مسـحـوبـه و غـنّــى ..........وكـلّ مغنـىً يزعـجـه غـصـبٍ يـجـي تالـيـه ونّــه ولا طـرتـه بْـيـوت قـــومٍ فـــي الـخـلايـا يرفـعـنّـا ..........دار دولاب الــدبــا الــدالــوب دولابــــه و زنّـــــه وكـل مـا بـرقٍ سـرى شـرقٍ صـدوق الغيـث شنّـا ..........كــن قلـبـه فـــوق سـبــق طـيــور بـــرٍّ شـطـرنّـه عـقــب مـــدّه جـــاه مــــن داره نــذيــرٍ مـرثـعـنّـا ..........قـــال انـــا جـيـتـك بـعـلـمٍ والله انّــــه والله انّــــه حرمتـك مـاتـت لـهـا عـشـر سـنـواتٍ قــد مضـنّـا ..........و البنـيّـه معـمـسٍ تـقــرع عـلـيـك قـــراع شـنّــه عمّـهـا عــزّر بـهـا فــي وســط بيـتـه مــا تهـنّـى ..........خـادمــة نـسـوانـه الثـنـتـيـن و الــلــي ضـيـفـنّـه ثــم زوّجـهـا لـبـو سبـعـيـن عـــامٍ مـــا انقـصـنّـا ..........شـايـبٍ يـطـرب خفـوقـه لا سـمـع للـقـرش رنّــه يـوم سمْـع هْروجهـم فاضـت عيـونـه و ازحـرنّـا ..........وسـط سجنـه كنّّـه اللـي سـاكـنٍ لــه فــي مجـنّـه قـال يـا ربعـي افزعـوا لـي مـن سجـونٍ غيضـنّـا ..........و قـبـر قلـبـي الـدمـدم آغــادي يديـكـم يظـهـرنّـه قـالـوا انّــا وش لـنـا انّــا والله انّـــا مـــا شـحـنّـا ..........غـيـر بنـتـك والاّ مثـلـك مــا قـربـه بـقـرب جـنّـه وانـتـحـوا وعـيــون قـايـدهــم جــنــوبٍ خـايـلـنّـا ..........وهــو ورا سجـنـه عـيـونـه كـــلّ نـجــمٍ خايـلـنّـه وعقب عـامٍ مـن مجـيْ ربعـه و سـنٍّ عـضّ سنّـا ..........اعـفـوا الكـفّـار عـنّـه مــن عـقـب ســـودٍ دهـنّــه يــوم فـكّـوا قـيـد رجـلـه وانطـلـق خـاطــرْه مـنّــا ..........و انفـلـت يبـغـى ديــارٍ مــن ورا نـجـد اشحـنـنّـه حــثّ سـاقـه مــا يـشـوف الا بنـيـتـه يـــوم قـنّــا ..........مـن عقـب عشريـن عـامٍ فـي وطـن قـومٍ مصـنّـه ومـن ردى حظـه نهـار اغضـنْ عيونـه و ارقدنّـا ..........فـزّ مـن نومـه عـقـب عـضّـه حـنـش دابٍ بسـنّـه ومـن اثـر سـم الحنـش يونـس ضلوعـه يطبخنّـا ..........و طــاح عــزّي لـواحـدٍ ســود الافـاعـي طيحـنّـه يــوم هـــو فـكّــر والـــى فـوقــه نـجــومٍ يبـرقـنّـا ..........وشــاف بكـيـة بنـتـه الـلـي جــا يبيـهـا بينـهـنّـه قال يا نجـوم السمـا تكفيـن روحـي صـوب اهلنـا ..........علّمـي بنتـي عـن اللـي صـاب ابوهـا واستسـنّـه اشـهـد انّــا مــا بحلـنـا فــي الليـالـي اشـهـد انّــا ..........ميـر حظـي خاننـي ثـمْ مـات مــا بــه مــن يقـنّـه ذاك وجـده وجــد حـالـي فــي وطـنّـا مــن عطـنّـا ..........مــن هـنـوفٍ خـدرهـا بـيـض الهـنـادي يحتـمـنّـه صح لسان الشاعر وسلامتكم. |
|
|
|
15th November 2004, 03:30
|
#2 |
|
عضو مهم
تاريخ التسجيل: Jan 2003
المشاركات: 2,030
|
مشاركة: ناصر الفراعنة السبيعي ورائعة من روائعه
لاهنت يالكاشف علي هذه المشاركه الرائعه
والشاعر ناصر الفراعنه شاعر غير عادي وشاعر يعتبر اسطوره شعريه بمعني الكلمه وانا معجب جدا بقوته وجزاله فالشعر ( وعندي تنويه ) بالنسبه للقصيده اللتي ذكرتها هذي كانت رد من الشاعر ناصر الفراعنه على الشاعر الجزل خالد بن مدعث الدوسري وسمعت ان قصيده الشاعر خالد بن مدعث جاراها الكثير من الشعراء ولكن ناصر اول من رد علي قصيدة خالد بن مدعث الدوسري وهذه هي قصيدة خالد بن مدعث الدوسري اللتي دفعت الشاعر ناصر الفراعنه للرد عليه ومجاراته كل ما فاضت عيوني باشت الأضلاع غنا الموارد في الضلوع وكل ضلع في ونه والتمني ما يحقق هقوت القلب ان تمنا بس قلبي ما يداني تبعد الهقوات منه وا وجودي وجد من جلي عن دياره مجنا تو عمره عشر واربع والليالي ما تحنه ما وراه إلا عجوزٍ واخته وعود مسنا بين فقر وبين دين وبين ضيم وبين منه ما ذبحهم غير دمع من الغبينه ما يكنا ويل من سود الليالي بالمصايب يبتلنه راح مثل الذيب وهبلته حياة الذيب ظنا وآمن والموت يومه بين مخلابه وسنه راح ينقل دم قلبه وان ضواه الليل ونا الذيابه مروحاته والسيوف يدورونه ليا ذكر دم القرايب عانق البيدا وثنا وان تذكر ضحكة امه زاغ قلبه من مغنه ما يلوعه في حشاه إلا ليا شاف البرق سنا غاب عشر اسنين ما به من يرد العلم عنه ان حداه الخوف منا هزت الأشواق منا يوم طال الوقت عود للديار اللي ربنه قال ما دام المذله والبلاوي يبتلنا والله ان الموت في الأوطان بين الربع جنه يوم وقف في المنازل ما لقى بيت مبنا غير بيت للهبايب والذواري يلعبنه راح يمه كنه اللي ضاربه رمح مطنا وعذابه ما دري ان اسهوم بقعا يحترنه يوم قرب سمع له صوت من العله يحنا حصل امه عندها ضيف يقول الموت سنة قال يمه قالت عيوني من الدمع انعمنا قال ابويه قالت اطوال النصايب قد خذنه قال واختي قالت اقفى القوم باختك مع ظعنا قال ربعي قالت اسنين المجاعة فرقنه قال جيتك قالت ان الموت ما ظني تونا واستلمها نازع الارواح روحن مرجهنه ثم صاح من التفرق صيحة اللي فيه جنا دق صدره وانطوى من حر ما به طي شنه كل هذا حال قلب من خلقه الله معنا الهموم يوكلنه والروابع يوكلنه ليه ادور للسبايب والسبب فينا ومنا النفوس وما تسوي واليدين وما حصدنا لا توسدنا الخطايا نلحق الشرهه زمنا ما جزانا إلا عملنا والخلائق يثبتنه للشاعر خالد مدعث الدوسري والسلام
__________________
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"] قد قالوا اصحاب الحكم وانا بردد ذالمقال = تصرفات اهل الجهل يشقى بها اهل العقول شنار[/poem] |
|
|
|
|
15th November 2004, 08:31
|
#3 |
|
عضو مهم
تاريخ التسجيل: Feb 2003
المشاركات: 1,501
|
مشاركة: ناصر الفراعنة السبيعي ورائعة من روائعه
صح لسان السبيعي
وسلمت يمينك يالكاشف على نقل قصيدته وصح لسان ابن مدعث وسلمت يمينك يابو هلا على نقل قصيدته .
__________________
اصبر لدهر نال منك ـ ـ ـ ـ ـ فهــكذا مضـــت الدهـور
فـرح وحـزن مـــــرة ـ ـ ـ ـ ـ لا الحزن دام ولا السرور F1F@gawab.com |
|
|
|
|
15th November 2004, 14:16
|
#4 |
|
عضــــو فعــال
تاريخ التسجيل: Mar 2003
المشاركات: 349
|
مشاركة: ناصر الفراعنة السبيعي ورائعة من روائعه
صح السان الشعار
ناصر الفراعنه و خالد مدعث الدوسري ومشكورين على النقل يالكاشف ويا ابو هلا اختيار يدل على ذوق من الدرجه الأولى . |
|
|
|
|
18th November 2004, 08:27
|
#5 |
|
مشرف مجلس الشعر
تاريخ التسجيل: Jan 2003
المشاركات: 826
|
مشاركة: ناصر الفراعنة السبيعي ورائعة من روائعه
صح لسان الشاعر خالد بن مدعث الدوسري ...
وصح لسان الشاعر ناصر الفراعنه السبيعي .. ولاهنت يالكاشف ... لاهنت يابو هلا ... لا تحرمونا مشاركاتكم ... سلام. |
|
|
|
|
18th November 2004, 16:21
|
#6 |
|
عضــــو نشيــط
تاريخ التسجيل: Aug 2004
المشاركات: 230
|
مشاركة: ناصر الفراعنة السبيعي ورائعة من روائعه
السلام عليكم
الله يعطيكم العافيه اخواني -- الكاشف -- وابو هلا -- واشهد انكم ماقصرتم وسعتوا صدرونا جزاكم الله خير على نقل الابيات الزينه وصح اللسان الشباب -- اخوكم الصغير / ابو طـــلال
__________________
استخدم زر التحكم لتعديل توقيعك |
|
|
|
|
22nd November 2004, 10:55
|
#7 |
|
شاعر
تاريخ التسجيل: Oct 2004
المشاركات: 231
|
مشاركة: ناصر الفراعنة السبيعي ورائعة من روائعه
السلام عليكم ورحمة الله وبركاته ،،،،،،،،،،،،،،
صبحكم الله بالخير الاخوه الكاشف وابو هلا اتحفتونا برائعة من روائع هذا الشاعر الاسطورة ناصر الفراعنه ولا ابخص للشاعر خالد بن مدعث حقه 0 اختيار موفق وخصوصا بهذه الرديه لما تحمل من معاني جميله وانا من اكثر المعجبين بهذا الشاعر واستمعت الا اغلب قصائده لكن هذه الرديه هي اكثر ما اعجبني من اشعار ناصر ومراسلاته مع الشعار لانها اجمل ما سمعت من قصائد التوجد او الوجود مشكورين والله لايهينكم على هذه المشاركه الجميله |
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
العرض المتطور
