قصيدة في جميع القبائل..........

[ابن مدلاج]

هذي قصيده في جميع القبايل السعوديه
قريتها في احد المنتديات واعجبتني
قلت انزلها هنا لعيونكم واتمنى انها تعجبكم







يالله يـاخــالــق اراضــيــن وابــحــار **** الــواحــد الـمـعــبــود رازق عـبــيــده


الـخـالــق الـغـفــار عــلام الاســرار **** وفــرق شـعــوب الارض فــي كـــل يـــده


وابـدي واسـولـف مـن عـذيـبـات الاشـعــار **** ابـيــات شـعــر والـمـعـانــي وكـيــده


اشـري وابـيـع واعـرف كـيـف بـخـتـار **** واخـتـار مــن جــزل الـبـيــوت الـفـريــده


وذ كـرتــراث وعــز وامـجــاد وافـخــار **** قـبـائــل تـومــن بــديــن وعـقــيــده


وصـلـت حـضـارتـنـا عـلـى سـطـح الاقـمـار **** ابـنـا الـجـزيـر والـجـزيـره مـجـيـده


فـي ظـل حـكـام لـهـم فـعــل واشــوار **** ال الـسـعــود الـلــي تـفــك الـضـهـيــده


نـسـل الـزعـيـم الـحـاكـم الـعـادل الـبـار **** مـجــدد امـجــاد الـجـزيــره بـجـيــده


حـتـى اصـبـحـت حـره وحـنـا لـه انـصـار **** فـي ظـل اخـو نـوره هـنــوف سـعـيــده


وصـارت لابـو تـركـي بـطـولـه وتـذكـار **** والـفـخــر والامـجــاد تـبـقــى شـهـيــده


وخـلـف لـنـا امـلـوك لـهـم فـعـل واخـبـار **** الـشـعــب واحــد والـقـيــاده رشـيــده


والامـن بـانـيـنـه عـلـى سـاس وجـدار **** وقـرو عـلــى الـعـابــث عـقـوبــه شـديــده


وحـنـا حـمـاة الـدار مـن كـل غــدار **** ومــا هـمـنــا بـطـشــه وخـبـثــه وكـيــده


قـبـائــل مـالـحـقـنـاهــم اوعــار **** وعـشـنــا بـهــذي الــدار عـيـشــه رغـيــده


والـحـمـد لـلـه نـحـمـده سـر واجـهـار **** شـعـب تـكـاتــف مــن سـنـيــن مـديــده


ودون الـوطـن جـيـش عـلـى كــل مـعـبــار **** لارفــرف الـبـيــرق ونــادى عـقـيــده


بـشـرق الـبـلاد وغـربـهـا دوم حـضــار **** وارض الـشـمــال الـلــي نـفــوده مـديــده


وارض الـجـنـوب الـلـي تـخـيـضـر بـالاشـجـار **** جـزيـرة فـيـهـا الـقـبـايـل عـديـده


وقـوم اعـنـزه مـرويــن الاخـصــام الامــرار **** اولاد وايــل مــن عـصــور عـهـيــده


وشـمـر هـل الـطـولات والـجـود مـقـدار **** اهـل الـكـرم واهـل الـفـعــول الـحـمـيــده


ارض بـهـا قـحـطـان وافـيـن الاشـبــار **** ويـاعــز مـنـهــم بـالـشـدايــد بـسـيــده


واذكـر عـتـيـبـه يـوم لـلـطـيـب مـغــوار **** لا ثــارت الـهـيـجــا وقــرب ضـديــده


ومـطـيـر قـوم تـكـرم الـضـيـف لا زرار **** ويـاويـل خـصــم فــي حـراهــم وعـيــده


واذكـر قـبـيـلـة حـرب يـانـعـم الاخـيـار **** وتـاريـخـهـم يـحـكـي سـطـور مـجـيــده


وسـبـيـع نـعـم الـقـوم ووجـيـه الاسـفـار **** زبـن الـدخـيـل لـيـا زبــن مــن طـريــده


واذكـر قـبـيـلـة يـام والـطـيــب يـنــدار **** اهــل الـعـلــوم الـوافـيــه والـرشـيــده


ثـم الـدواسـر تـجـعـل الـخـصـم مـنـهـار **** عـيــال زايــد عــز مـنـهــم سـنـيــده


ثـم الـسـهـول الـلـي لـهـا الـطـيـب مـدرار **** وعـن مـنـهـج الـعـادات مـاهـي مـحـيـده


ثـم اذكـر الـعـجـمـان حـمـايـة الـجـار **** والـمـرجـلــه والـجــاه فـيـهــم عـتـيــده


واذكـر بـنـي مـره طـويـلـيـن الاعـمــار **** مــا يـنـقــد الـمــري ولا لــه نـقـيــده


ثـم الـهـواجـر لابـة تـقــدح الـنــار **** اهــل الـركــاب الـلــي خـطـاهــا بـعـيــده


واذكـر بـنـي خـالـد قـبـيـلـة وامـار **** قـوم لـهــم فــي الـمـجــد قــول ورصـيــده


وبـنـي تـمـيـم الـلـي لـهـا الـطـيـب مـصـدار **** بـنـي تـمـيـم وكـل فـعـل تـجـيــده


ثـم الـزعـوب الـلـي بـهـا الـخـصـم يـحـتـار **** شـجـعـان مـاتـرضـى سـوا مـاتـريـده

الـعـازمـي وافـي وفـي الـطـيـب بـيـطـار **** روحـه عـلـى كـل الـمـصـاعـب صـمـيـده


ثـم الـظـفـيـري فـي الـمـصـاعـيـب جـبـار **** والـطـيـب والامـداح بـاصـلـه وطـيــده


ثـم اذكـر الاشـراف بـجـلال واكـبــار **** اهــل الـحـجــاز الـلــي تـفــك الـزهـيــده


ثـم الـهـذيـلـي لـه مـواقـف ومـنـدار **** راعـي الـفـخـر راعــي الـعـلــوم الـسـديــده


ثـم الـبـقـوم الـلـي لـهـم جـيـش وامـهـار **** ريـف الـضـيـوف لـيـا لـفـاهــم ولـيــده


واذكـر ثـقـيـف الـلـي لـهـم مـجـد وآثـار **** ومـهـمـا حـسـبـنـا مــن كــلام نـعـيــده


وبـلـحـارث اهـل الـعـز بـشـهـود واقـرار **** ا لـحـارثـي يـاطـيــب فـعـلــه وجـيــده


والـمـالـكـي مـعـروف لا صـار مـا صـار **** فـي مـوقـف اهـل الـطـيـب يـبـذل جـهـيـده


واثـنـي تـحـيـاتـي عـدد وبـل الامـطـار **** عـلــى سـلـيــم وكــل خـصــم تـكـيــده


واذكـر جـهـيـنـه هـل مـواقـيـف وادوار **** تـلـقـى الـجـهـيـنـي راسـم الـطـيـب بـيـده


واذكـر بـلـي والـمـجـدلـه فـعـل واظـهـار **** وتـاريـخـهـم يـحـكـي فـعــول فـريــده


وبـنـي عـطـيـه فـي الـمـواجـيـب حـضـار **** قــوم بـوقــت الـجــد قــوم عـنـيــده


ثـم الـحـويـطـي والـكـرامـه لـه اشـعــار **** ثــم الـشــراري لــه فـعــول مـفـيــده


ثـم الـرشـيـدي فـي الـصـعـيـبـات صـبـار **** عـلـى عـلـوم الـطـيـب فـعـلـه يـزيــده


وبـاقـي جـنـوب الـدار والـقــاف مــادار **** بـاقــي عـلــى قـلـبــي كــلام واشـيــده


زهـران نـعـم الـقـوم فـي وقـت الاضـرار **** والـخـصـم عـيـنـه مـن لـقـاهـا سـهـيــده


والـغـامـدي مـعـروف لـه عـزم واصـرار **** راعـي الـمـراجــل والـعـلــوم الـمـفـيــده


وشـمـران قـوم والـجـمـايـل لـهـا اطـوار **** وبـلـقــرن ســم لـلـقـلــوب الـنـكـيــده


والاكـلـبـي والـمـحـلـفـي مـابـعـد بـار **** والـحـارثـي طـيـبــه وفـعـلــه يـشـيــده


وبـنـي شـهـر وبـنـي عـمـر سـيـف بـتـار **** قــوم عـلــى الاخـصــام نــار وقـيــده


والاسـمـري والاحـمـري صـيـتـهـم سـار **** بـيـن الـقـبـايــل والـمـواقــف شـهـيــده


واذكـر عـسـيـر الـهـول ذربـيـن الاذكـار **** وابـهـا احـتـمـوهـا فـالـسـنـيـن الـشـديـده


وادهـم والـصـيـعـر عـلـى حـد الاقـطـار **** يـحـمـون حـد الـدار مــن الـلــي يـريــده


وامـشـي مـع الـسـاحـل مـع جـمـلـه افـكـار **** رسـمـتـهـا والـطـيــر زان اتـغـريــده


وانـزل عـلــى جـيــزان تـاريــخ واديــار **** ورجــال فـيـفــا والـقـبـايــل عـديــده


وارجـوا الـعـذر واهـل الـمـواجـيـب عـذار **** الـي نـسـيـتـه مـانـذكـر فـي الـقـصـيـده


الـواهـبــي عــدد ابـيـوتــه بــالادوار **** مــن شـاعــر مـاشــل قـلـبــه حـقـيــده


شـهـران ربـعـي هـم هـل الـمـدح والـكـار **** واهـل الـكـنـد واهـل الـسـيـوف الـجـديـده


يـوم الـبـلـد مـايـامـن الـزنـد لاثـار **** زيـزومـنــا ابــن مـشـيــط نـعــم لـولـيــده


فـالـجـهـل شـجـعـان وفـي الـسـلـم تـجـار **** مـن بـطـن بـيـشـه لـلـتـهـم لارفـيــده


حـبـيـت ابـيـن مـوقـفـي بـيـن شـعـار **** وارجـوا سـمـوحـتـكـم عـلـى ذا الـنـشـيــده


مـاحـب انـافـق واتـعـنـصـر تـعـنـصـار **** ولا نـي بـاطـيـع اهـل الـعـقـول الـبـلـيـده


مـا كـل مـن طـب الـبـحـر قـيـل بـحـار **** ومـا كـل مـن شـل الـفـشـق جـاب صـيــده


فـالـشـعــر بـسـتــان بــه ورد وازهــار **** والـلــي تـعـداهــا بـيـوتــه فـقــيــده


واقـولـهـا فـي الـشـعـر تـكـرار وامـرار **** ضــرف بــلا عـنــوان يـلـغــى بـريــده


وبـعـض الـسـوالـف لـه مـواقـف ومـحـضـار**** وشـعـر بـلا مـعـنــى لــزوم نـبـيــده


وصـلـوا عـلـى الـمـرسـول شـفــاع الابــرار**** مـحـمــد الـهــادي وقــدوة عـبـيــده


وتحياتي...
منقول...

[بدر الحزام]

السلام عليكم ورحمة الله وبركاته


ابن مدلاج لا هنت على نقل القصيدة , بس ياليت لو تذكر لنا منهو صاحب القصيدة الجميلة .

صح لسان شاعرها , ومشكور على نقلها .


تقبل تحياتي

[اصـــــــايل]

مشكووووووور وما قصرت على النقله الرائعه


يعطيك الله الف عافيه



تحيااااااااتي

[ابوهلا]

السلام عليكم ورحمة الله وبركاته


لاهنت يا بن مدلاج قصيده وافيه وجزله وصح لسان شاعرها واظنه والله اعلم انه الشاعر الجزل ابن عبــّــار العنزي


تقبل تحياتي واحترامي

[ابن مدلاج]

وعليكم السلام ورحمة الله وبركاته...
ولاانت اخوي ابوهلا...
شكرا للمرور والمشاركة...
تحياتي...

[سحابة وهمـ]

صباح الخير ..

صح لسان الشاعر وتسلم يمنى الناقل ..لاهنت اخوي ابن مدلاج على نقلك الرائع ..

ودمتم لنا بود

[فهد بن سالم]

الاخ الكريم ابن مدلاج

السلام عليكم ورحمة الله وبركاته

بيض الله وجهك على نقل القصيدة الطيبة ... تسلم وما قصرت

[ابن مدلاج]

اخوي بدر ...
يامرحبا بك ولاانت يالغالي...
وشكرا للمرور والمشاركة...

اختي اصايل...
العفو وشكرا للمشاركة...
تحياتي...

اختي قايد الريم ...
صباح النور...
الله يسلمك...
ولاانتي...

اخوي فهد بن سالم...
وعليكم السلام ...
ووجهك يالغالي وتسلم على المشاركة والتعقيب...
تحياتي...

[ابو شبيب]

السلام عليكم ورحمة الله وبركاته
ومساءك ورد يا غالى

أخي الحبيب / ابن مدلاج
جميل ما وضعتم بين ايدينا من جمال النقل وروعه المشاركه
لكم جزيل الشكر والأمتنان

تحياتي

ابوشبيب

[ابن مدلاج]

اخوي ابو شبيب...
لاهنت على المرور...
وشكرا على المشاركة...
تحياتي...