|
|
|
13th January 2004, 14:02
|
#1 |
|
عضــــو فعــال
تاريخ التسجيل: Mar 2003
المشاركات: 579
|
أربع قصائد لابن لعبون...
هذه أربع قصائد من أشهر ماقال ابن لعبون اخترتها لكم بعد ماسمعت أن أحد الشعراء الكبار حاليا يقول أن الجيل هذا أفضل من جيل ابن لعبون والسديري..
----------------------------------------- [poet font="Simplified Arabic,4,red,normal, normal" bkcolor="transparent " bkimage="" border="none,4,gray" type=0 line=200% align=center use=ex length=0 char="" num="0,black" filter=""] ألا يابارق يوضـي جناحـه =شمال وابعـد الخـلان عنـي علـى دار بشـرق البراحـة =تمخلت ما بها كـود الهبنـي لكن بها عقب ذيك الشراحـة =الى مريت باسـم الله جنـي يفز القلـب فيهـا للصباحـة =الى قامـت حمامتهـا تغنـي صفقت براحة من فوق راحة =يعود ان الحمامة خيـر منـي وانا ان كان لي بالنوح راحة =فانا ابنوح دهري مـا اونـي وانا مانيب مثلـك بالوقاحـة =على الطاروق طرب ومتهني ولا روجعت فن في براحـة =على نبنوب غصـن مرجهـن وقالت جامع كـل الشراحـة =ولاانت بسامع ذا الصوت مني ومثلك يدعي زايـد فصاحـه =وطريح الغي لازمتـه يـون ابات الليل في رجوا صباحـه =وادق من الندم بالعـود سنـي ولا ثوبي غدا يطرخ شلاحـه =يدق القـاع ردنـه ومتثنـي عليهم صار خدي به قراحـه =من الفرقى وشفني ويش كني [/poet] ----------------------------------------- [poet font="Simplified Arabic,4,blue,normal ,normal" bkcolor="transparent " bkimage="" border="none,4,gray" type=0 line=200% align=center use=ex length=0 char="" num="0,black" filter=""] بالنعاثـل مرنـي طفـل يسيـر =ثم علـى درب المفيـرق شفنـاه ثم قفـى ليـن خلانـي حسيـر =حسبه الله مايخـاف مـن الالـه لبسه الماهـود وثيـاب الحريـر =والمبيسم بالدجـا يوضـى سنـاه لو يجي عباس باشـا مـا يسيـر =والشريف حسين سير مـن وراه سائلـك بالله يـا طيـر تطـيـر =لين عرض الحيد وقع في جبـاه وان مشى كنه يوطي له حصيـر =ومن الغوى يا طا على ردن العباة كن يزوي القلب كالوب قصيـر =والتمنـي مـا نفـع لـو قلتنـاه [/poet] ----------------------------------------- [poet font="Simplified Arabic,4,red,normal, normal" bkcolor="transparent " bkimage="" border="none,4,gray" type=0 line=200% align=center use=ex length=0 char="" num="0,black" filter=""] حمام يا للـي علـى نبنـوب =فـى شيلـه الفـن بيـطـاره بالله عليك انحـر الرعبـوب =واسجـع بفـن عـلـى داره وان قال وش لك من المطلوب =قل لـه مـن الولـف زواره الـى تبسـم حسيـن الـذوب =حـص فلـق عنـه محـاره خده كما بارق مـنصـوب =والا كمـا فــرغ جـمـارة والزول نابي يشيـل الثـوب =ينسـف كمـا شـد طـواره [/poet] ----------------------------------------- [poet font="Simplified Arabic,4,blue,normal ,normal" bkcolor="transparent " bkimage="" border="none,4,gray" type=0 line=200% align=center use=ex length=0 char="" num="0,black" filter=""] حـي الـمـنـازل تـحـيــة عـيــن =لـمـصـافــح الـنــوم سـهـرانــة والا تـحـيــة غــريــق الــديــن =مـعــســر و وافـــاه ديــانـــه مـنـزل فـريـد الـبـهــا والـزيــن =عـطـبـول مـكـحـولـة اعـيـانــه ودي بـنـسـيـانـهــا ومــن ايـــن =سـلـطـان قـلـبــي وشـيـطـانــه اتـبـع هـواهـا مـن ايـن الـى ايــن =واحـظــى بـشـوفــه ورضـوانــه وابـغـضـت الادنـيـن والاقـصـيــن =واحـبـبـت قـومـه عـلـى شـانــه مـا شـفـت بـرق سـرى مـا بـيــن =ذيــك الـحـواجــب بـلـيــوانــه ومـجـدلات عـلــى الـمـتـنـيــن =سـافـات خـانــة عـلــى خـانــة والـبـطـن والـخـصـر والـنـهـديـن =والـعـنــق والـعـيــن واوجـانــه والــى دعــاك الـولــع يـاشـيــن =دعــوى الـمــدوة لـظـمـيــانــه ويـن اشـتـكـي مـا دهـانــي ويــن =مـشـكــاي لـلــه سـبـحــانــه واقـول يـاهــل الـهــوى عـزيــن =مـا قـال مـحـســن لـعـثـمـانــه [/poet] ----------------------------------------- With My Regards أخـــــو وضحــــــــى |
|
|
|
13th January 2004, 18:13
|
#2 |
|
عضــــو
تاريخ التسجيل: Dec 2003
المشاركات: 59
|
تحياتي لك اخو وضحى على الاختيار الموفق لقصائد ابن لعبون
من هو هاذا الشاعر الذي يعيب على جيل ابن لعبون والسديري وعلى اي اساس استند هاذا الشاعر في حكمه؟ ليتك ياخو وضحى تعطينا بعض من شعره ليتسنى لنا الحكم عليه ومن اي طبقات الشعار هو . |
|
|
|
|
13th January 2004, 19:57
|
#3 |
|
عضــــو مميــز
تاريخ التسجيل: Mar 2003
المشاركات: 715
|
السلام عليكم ورحمة الله وبركاته
اخو وضحى ابداعاتك كثيرة , ولقد اتحفتنا بشاعر من كبار الشعراء . ودي اشرك بقصيدة لنفس الشاعر : ربك والعمل كل شيء غيرربك والعمل لو تزخرف لك مرده للزوال ما يدوم العز عز الله وجل في عدال ما بدا فيه الميال والذي ينقاد بزمام الأمل لا تغبطه في زغاتير الهبال استغفر الله عن كثر الزلل وستعين عنايته في كل حال زال دهرك يا محمد بالغزل والغزال اللى تهزأ با لغزال والخدود اللى كما وصف السجل ناكساتك بالسقم نكس الهلال والجبين اللى بروقة تشتعل مع زلوف كنهن داج الليال والخدود اللى كما جمر الجزل صرمت بالحوش به نسمة شمال والنهود اللى غذتك بالمهل من رضاع المهل من قبل الحمال رنة الخلخال تحدث لك وجل مع كمالك ما ستحيت من الرجال واهل ذاك البيت من هذا النزل داستك خفراتهم دوس النعال كم طرقت لبابهم عجل خجل للطوافة وانت ما تبغى سؤال ما طرق فوق الورق أو من أجل قالت من لولا الهوى ما كان قال عن سفاهك في هواهم لاتسل يامحمد ما بقى فيك احتيال عاشروك فليت من يلقى بدل عشرة وياك يابيس البدال توبة لله عن ذيك النجل والردوف اللى كما طعس الرمال والشفايا اللى كما ذوب العسل من جنى جناتها السلسال سال عاطلات الريم وادمى الرمل مع نبات ظلهن عندق ظلال توبة المغتر حاط به الأجل بالعجل يا ايها الراجى محال بادره مادام لك فيه مهل فالمنايا رايحات بك عجال وأسال اللى يستجيب لمن سأل هو يجيبه محتفى بك حيث قال أسأله باسرار ما جاب الرسل وإسمه المخزون في علمه تعال والملائكة الكرام أهل المحل واولياه الموصلين به الحبال يسـمح اللى فات في وقت الجهل واسع الغفران وان ضاق المجال العفو والصفح هو للصفح اهل والكرم والجود جوده والنوال غافرالزلات حي لم يزل لو ذنوبك راجحات بالجبال ياهل التقوى وياضافي الفضل توبة لي من عطاياك الجزال من روايح رحمتك غل ونهل لأهل حسن الظن بك ياذا الجلال والسموحه منك يوم لم نزل جملة الأقدام في قبري يهال فإن ذا الدنيا كما ضرب المثل والحياه بها كما طيف الخيال والعزيز بها يذل وينختل يبتلى فيها ومافيها وبال كم رأينا من نعيم واضمحل مع حبيب نازل فيها وشال ياعديم الرأي لوهى بالعقل ما سوت عندك على بختك عقال مختلف بالوصف من زهرالنفل لو تزخرف لك مرده للزوال ومشكور مرةً اخرى ابو وضحى على الموضوع الممتاز . تقبل تحياتي |
|
|
|
|
14th January 2004, 07:58
|
#4 |
|
عضــــو فعــال
تاريخ التسجيل: Mar 2003
المشاركات: 579
|
هلااا وغلاااا يابو حسيــــن
الشاعر هو ضيدان بن قضعان وذكر الكلام هذا في مقابلة تلفزيونية معه.. تحيــــــاتي |
|
|
|
|
14th January 2004, 08:00
|
#5 |
|
عضــــو فعــال
تاريخ التسجيل: Mar 2003
المشاركات: 579
|
اررررررررررحب يابدر..
إضافة أشكرك عليها يابوساير.. تحيـــــــــاتي |
|
|
|
|
18th January 2004, 04:01
|
#6 |
|
عضو مهم
تاريخ التسجيل: Feb 2003
المشاركات: 1,501
|
السلام عليكم ورحمة الله وبركاته
تسلم يمينك ياخو وضحى ومشكور على الاختيار الطيب
__________________
اصبر لدهر نال منك ـ ـ ـ ـ ـ فهــكذا مضـــت الدهـور
فـرح وحـزن مـــــرة ـ ـ ـ ـ ـ لا الحزن دام ولا السرور F1F@gawab.com |
|
|
|
|
21st January 2004, 11:56
|
#7 |
|
عضــــو
تاريخ التسجيل: Mar 2003
المشاركات: 63
|
السلام عليكم
ماقصرت ياأخو وضحى وقصائد جزله تسلم على نقلها تقبـــــــــــــــــ ـــل تحــــــــــــياتي |
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
العرض المتطور
