|
محاوره (جديده) سعود بن مدلاج....و...نواف العازمي
السلام عليكم ورحمة الله وبركاته .................!! هذي محاوره بين ...؟ الــشــاعــر/ ســـــعــــود بــن مــدلاج و الـــشــاعر/ نــواف الــعــازمــي نـــــواف الــــعـــازمي يا سلام الله سلامٍ يشرح البال ويسرا ***** في محل أرحبوا فيه الرجال الحاضرينا والسلام اثنيه لصفوف العوازم وال مرا **** ما قصرته دونكم يارجل زعب الغانمينا ســعــود بــن مــدلاج مرحـبـا تترحـيـبـتٍ تـا خـذلها بالارض فرا **** واحمد الله يا طويل العمر رب العالمينا واعرف انكم يارجال العرف ما منكم مضرا **** والمراجل قسمِ من بين الرجال الطيبينا نــواف الــعــازمــي البقى يا صاحب اللي عارفٍ خيرا وشرا **** والسنين المقبله مدري لنا ولا علينا احمد الله مالي عـنـدكـم مـثـقالـي ذره **** اركدوا يا زعب لاتنشب يداكم في يدينا ســعـــود بــن مــدلاج اسـنـيـن اللـه يـمـنا تـلـحـق الـحـرا بحرا ***** ثم يشيب العازمي ويقول حنا مانسينا الجبل لي فيه حاجه والبحر لي فيه درا **** ما تناوشنا يديكم وذهبوا يا ذاهبينا نــواف الــعــازمــي انت يا راعي الحساء تشره على نجم المجرا ***** البلا كانك قريت الفاتحه ماقلت امينا البحر مدري عنه مير الجبل لي فـيـه مـجـرا ***** كل مازان الشراء والبيع بعنا وشترينا ســعــود بــن مـــدلاج انت لوشفت الحساء يمكن تضيق ابك الازرا ***** لا تقول وانت ماتعرف رياض الصاحينا الكـريم اليا عـزمـك وجـابـلك سـمـنٍ وبــرا ***** اخذ قسم الذيب لا تاخذ قسوم ابا الحصينا نـــواف الــعــازمــي التمر في كل ديره والزراعه مستمرا ***** والدعايه ومن الدعايات انتهينا &&&&&& وسلامتكم&&&&&&& (((( حصرياُ وغير منقووووول))) مع تحيات / ابو متعب |
تسلم والله يابو متعب
اختيار موفق بنقل القصايد والمحاورات |
التمر في كل ديره والزراعه مستمرا ***** والدعايه ومن الدعايات انتهينا
صح اللسان الشعار وجزاك الله خيرا يا بو متعب |
ارحب يابو متعب
تواصل وعطاء مستمر بكل ماهو جديد على الساحه لاهنت يابو متعب ... وصح لسان الشاعرين : سعود بن مدلاج الزعبي و نواف العازمي |
السلام عليكم ورحمة الله وبركاته
الله لايهينكم على المرور الطيب واسمحولنا على القصووور |
صح السان الشعار
وتسلم يمينك على النقل يا بو متعب *** |
لاهنت على النقل الطيب يابومتعب محاوره ممتازه مافيها كلام واختيار موفق
|
الله لايهينك: يا عبدالعزيز ويا حياز على مروركم الطيب |
الله لايهينك ابو متعب هذي محاورة انطاع اذا ماني غلطان
|
الله لا يهينك يا الوزير على المرور الطيب
صحيح هذي المحاوره اللي بالنطاع وشعارها (( وعلى روسهم طبعاً ___ سعود بن مدلاج و نواف العازمي و محمد الشمالي و متعب بن كروز المري )) |
| الساعة الآن 15:35 |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir