[فهد بن سالم]

قال الشاعر



[poet font="Simplified Arabic,4,blue,normal ,normal" bkcolor="transparent " bkimage="" border="none,4,gray" type=0 line=200% align=center use=ex length=0 char="" num="0,black" filter=""]
كل يعود لاصل جده ومرباه=راعي الشرف يشرف والانذال يهبون
الفرع من عوده شرابه ومسقاه=والحنظله مره ولو تــشـرب مزون
الطيب كايد والمناعير تقواه =والهون هين تدنع النفــــس وتهون
ناس على كسب المراجل مضراه =وناس على كسب الفشيــله يضرون
هذا على وضح النقا كل ممشاه=وهذاالى شافوه ربعــــه يصدون
لاتامن الخوان لو زخرف حكاه =من خان بك مره يبي بــاكر يخون
وافطن ترى زول الرجاجيل تواه=كم واحد يعجبك زولـــه وهو دون
ياطيب الشارات من يوم منشاه =احذر عدوك لايغـــدرك على هون
ترى عدوك غايته فيك ومناه =يزرع بصدرك من قنا رمحـه طعون
واللي رضع لبوة لزوم توقاه=الجرو ولد اللبوة اللي تعــــرفون
للطير ياالصقار بالريش مغواه =والجاهل اللي باكثر الريـــش مفتون
للحر والشبوط ماكر ومنجاه =والفرق بالافعال لوهــــم يطيرون
[/poet]