السلام عليكم ورحمة الله وبركاته
مساكم الله بالخير
هذي القصيده قريتها واعجبتني وان شاء الله تعجبكم
ولا اعرف الشاعر واللي يعرفه لا يبخل علينا
احـب النشامـا وللنشامـا علـي احـقـوق
.................... .اقدر احقـوق الخـال والضيـف والعانـي
ولا اخاوي الداشر ولا احب انـا المطفـوق
.................... . ولا اصـد و المضيـوم يزهم وينخـانـي
ولا ارضى خنا الزلة ولا اخطي على مخلوق
.................... .. ولا اعارض الجاهل على زلـة اللسانـي
احب الفياض الخضر لا سيق فيهـا النـوق
.................... .. بعد سوقـت الفنجـال بـدلال رسـلانـي
احـب الفيـاض وشوفهـا يبـري المعلـوق
.................... .. ليا عطـفت خلفاتـهـا فـوق حيـرانـي
احب الفيـاض وحبهـا حـط فينـي افتـوق
.................... . وعسى لايمـي في حبهـا يقـاد عميانـي
واحب المراجل والمراجـل لهـا معشـوق
.................... . ولا نيب اطيع اللي عـن الطيـب ينهانـي
ولا احب انا النمه و الاسرار فـي صنـدوق
.................... . ولا رحت انا اوشي علـى افـلان وفلانـي
اعـدل كلامـي واضبطـه وازن المنطـوق
.................... .. وتـرى الهـرج للرجال ياتيـك برهانـي
تعرف الرجل من هرجته لا حكى في السوق
.................... . يدلـك عالـى الرجال منطوقـه ان بانـي
ولا بقت جار لـي ولا احـب درب البـوق
.................... . حفضت الحديث اللي على الجـار وصانـي
واحـب الصـلاه وركعتيـن مـع الشـروق
.................... .. تساوي كنـوز الكـون لامـال ميـزانـي
نهار الحساب وفيه الابصار تشخـص فـوق
.................... . نهـار عضيم فيـه فـايـز وخسـرانـي
نهـار احسابـه عسـر والطـاق بالمطبـوق
.................... . تحت حر صلو الشمس والجسـم عريانـي
واحب البـداوه وافخـر بثوبهـا المشقـوق
.................... .احـب البـداوه وافخـر بسـلـم جـدانـي
تحياتي
راعـــــي الدهــــما