[العبيدي]

[poem font="Simplified Arabic,5,black,norma l,normal" bkcolor="transparent " bkimage="backgrounds/5.gif" border="none,4,gray" type=1 line=0 align=center use=ex num="0,black"]

سهرت مع هاجسي والعين عيـت تنـام =اراجـع أيـام عمـرٍفـات وأرتـدهـا
ولقيت عمري تجـاوز للثلاثيـن عـام =بالشهر واليـوم والليلـة كمـل عدهـا
بين الشفا والعليـا عشـت وأم الحمـام =في عاصمة يلمـع البـراق مـن خدهـا
ديرة هل السيف والحكمة عيـال الإمـام =املوكنا أهل المواقف مـن علـى جدهـا
تسعة عشر عام من عمري قضت ياسلام =أتروم نفسـي طريـق الحـب وأردهـا
والأ البقية رمتنـي فالهـوى والغـرام =أبني علاقـات حـب وعشـق وأهدهـا
كنت أحسب الحب كلمة مثل باقي الكـلام =أقولهـا لـي شخـص وأنتظـر ردهـا
إن كلمتنـي صبيـة قلـت هـذا تمـام = لابدهـا معجـبـة بالشـكـل لابـدهـا
وإن عاتبتني وقالـت روح هـذا حـرام =أقـول ذي ماتبينـي ليه؟أقـف نـدهـا
أبغى أتقدم لكني ضعـت بيـن الزحـام =طاوعت نفسي كثيـر وجـاوزت حدهـا
عايش مع الناس والخطوة بعكس النظام =موجة بحر جزرها غطـى علـى مدهـا
واليوم قلبي صحى من غفوته واستقـام =أمشي بدربـي عـدل والعيـن مالدهـا
خلاص ياحب فارقنـي ومسـك الختـام =دور على ناس غيـري جيبهـا ودهـا
ياحب عمري وصل سبعة وعشرين عام =يعني سنين السعـادة كيـف نرتدهـا؟؟؟ [/poem]


عبدالله عتقان الـســــــــــلمي