[حمد السلمي]

السلام عليكم ورحمه الله وبركاته 00 اتمنى ان تقبلو مني هذه القصيده التي اخترتها لكم 00

يقول الشاعر 00

اول حياتي طفل مالي مقالات *** الاب رباني والام ارضعتني

واخذت عشر اسنين فيها ملذات *** لاعارف الدنيا ولا عرفتني

والعشر الاخرى بين روحه وجيات *** لاكاره الدنيا ولا معجبتني

والعشر الاخرى دخلتني متاهات *** والفت على حبها واخدعتني

والعشر الاخرى ذكرتني بما فات *** واللي رمت غيري تراها رمتني

دنيا لها في القلب جوله وصولات *** حتى انها بالموت ماذكرتني

والموت حاصل مامن الموت منجات *** دقات قلبي يا ملا علمتني

مايدفعونه ربعتي والقر ا بات *** ولو دوني البيبان ما حصنتني

اليا انتزع روحي بعد كل سكرات *** جسم بغير الروح ما قومتني

يوم اذكر الرحله وطول المسافات *** واذنوبي اللي سجلت رافقتني

والناس قالوا عجلوا وقتكم فات *** وطشت ثيابي كلها واغسلتني

جابوا حنوط وجابوا القطن لفات *** وفي ربع ساعه بالكفن كفنتني

وصلوا علي ابلا ركوعن وسجدات *** وحطيت في وسق النعش واحملتني

وكلن يبي ياخذ مع العود خطوات *** حتى بجار المقبرة نزلتني

والقبر جاهز حافرته الكريكات *** وصكوا عليه باللحد ودفنتني

وقفوا ولا قالو ا سلام وسلامات *** والروح في لحظات عاودتني

وتنزل ملايكه تؤكل بالاموات *** وفي حين مابين اللحد جلستني

وحان السؤال وحان رصد الاجابات *** شفت الخطايا كلها وافجعتني

والعذر مايقبل ولا وله مجالات *** وشهودي اللي حاظره فوق متني

بابين تفتح مدري ادخل مع ايات *** والنار زايد غيظها وافزعتني

ساعه حرج مامثلها مر ساعات *** يكون رحمه ربنا خلصتني

اما سعدت ابجيره اهل السعادات *** والا رمتني غفلتي واطرحتني

يالله ياللي مطلع في الخفيات *** ياواحد قدرتك هي اوجدتني

ان كان باقي لي من العمر ساعات *** لعلها في طاعتك شاغلتني


قصيده قديمه للشاعر الشيخ \ عوض الله بن احمد القايدي الهميعي السلمي

ولكم تحياتي وتقديري00