[حمد السلمي]

السلام عليكم 00

هذه قصيده للشاعر الفارس \ بركي بن سلمان الشنيني السلمي 0الملقب (بالصنت ) وقد قال هذه القصيده عندما كان على راس عدد من قبيلته مع جيش بني سليم في مقابله ضد جيش الاتراك انذاك قرب المدينه المنوره وكان ذلك قبيل الحرب العالميه الثانيه 0 وهنا يصف احداث المعركه ويخبر قبيلته بانهم بخير ولم يحدث لهم اي سوء 00

فيقول00

قال الشنيني بدا عاليات الحيود *** ريم المسمى يمين وضبع عني يسار

مشرف على الوادي اللي في علوه عدود*** الوادي ابو عدود يسيل يمت عشار

المسعد اللي مريح في الليال السعود *** ماهو مشاهد لنا يوم اشهب الملح ثار

ماشافهم يوم جونا لابسين الصمود *** مثل الكتيفي الى منه مع الصمد سار

جتنا مجاريدهم تسعى تحسبنا رقود *** ثم اصبحو من متارسنا الى ادنى الحرار

يوم اصبح الصبح ولياهم سوات الجمود *** والخيل والجيش رابط له عليهم عصار

ومالو عليهم سليم معربين الجدود *** عطوه بالملح الاشهب لين صنكر وحار

يوم ان حس الميارت مثل حس الرعود *** صنو السمك في ظلام الليل مثل النهار

يوم البصاير على الظفران مثل الورود *** تقفي وتقبل عليهم مثل ورد البيار

ثلثين منهم يهوش وموقفين الجرود *** واحد يسوى الوقعه ويروي البدار

واقفو سوات الجراداللي يجي له عمود *** اصبح مذري وهبت له ذواري وطار

ياراكب الحره اللي يوم تقفي عنود *** من سابق الجيش ماهو حرة في القطار

مادنيت لرحال اللي يعقب لهود *** سديس والناب ظاهر ماتلاها الحوار

اركب عليها ومثنوها هذيك الصمود *** والدرب بين النقوب وبين منور وزار

وامتر الاد الضبيبي نار في الزنود *** وحذر حذار ا تلث اخطامها في المغار

وامتر الاد النوالي كل من فيه جود *** بلغ سلامي عليهم من كبار واصغار

قولوا لهم طيبين وسالمين الفقود *** بين المدينه وضلعان الحروب الكبار


شرح المفردات ++00

1- ماذكر في البيتين الاول والثاني اما كن جنوب المدينه المنوره

2- الصمود الخوذ التي كان يلبسها الاتراك انذاك على رؤ سهم

3-الكتيفي هو صغار الجراد قبل ان تنبت جناحاه

4- الجمود الجبال وهو كنايه عن كثرتهم في العدد

الميارت اسم من اسماء البنادق في ذلك الوقت

5- السمك رصاص البنادق (الميارت)


القصيده سمعتها من احد الرواه 00

ولكم تحياتي وتقديري 00