[ابو تركي]

السلام عليكم ورحمة الله وبركاته



واسعد الله صباحكم



اقدم لكم:
محاورة بين الشاعرين حبيّب العازمي والشاعر سعود الزعبي ،
وهي جرت بينهما في مدينة الخفجي في تاريخ 18/11/1417 هـ .


[poem font="Simplified Arabic,4,white,bold, normal" bkcolor="transparent " bkimage="backgrounds/21.gif" border="double,4,whi te" type=1 line=0 align=center use=ex num="0,black"]
حبيب العازمي
بعد جينـا وشاركنـا هـل الأفـراح =ياسلامـي علـى الخفجـي وأهاليهـا
واسرْ ياليـل والباقـي كثـر مـاراح =رحلةٍ يكمل أولها وتاليها



سعود الزعبي
مرحبا عـد بـرقٍ فـي مزونـه لاح =درّج الرجل وانظـر فـي مواطيهـا
السوالـف لطيفـة والقـدر مـافـاح =كم بيوت القصيدة يامغنيها




حبيب العازمي
ودنـا كـل مـا زاد التعـب نرتـاح =مار دعـوىً عسـى ربـي يسويهـا
وأنت جعلك بصحة والقلوب اصحـاح =والقصـيـدة تقيمّـهـا معانـيـهـا


سعود الزعبي
لو يقابلك عنتر فـي نهـار صيـاح =تطـلـع الخنـجـرة وألاّ تخفّيـهـا
ياحبيّـب لقانـا القـفـل والمفـتـاح =مــار ودّْ السـوالـف يامودّيـهـا




حبيب العازمي
أطعنه وأجرحـه بالمخلـب الجـرّاح =وأنت هـاذي علـى غيـر تمشّيهـا
شدّْ نصّْ العصا يالراعـي المصـلاح =قالـوا اللّـي يسرّحـهـا يضوّيـهـا


سعود الزعبي
ياحبيّـب عليكـم هبّـت الأريــاح =والصبـيّـة تبـعّـد لا تحاكـيـهـا
اتـرك المشكلـة للدّكْتَـرْ الـجـرّاح =روح ياعمهـا مــدري بناخيـهـا



حبيب العازمي
الصبيّـة تغـازل والهـوى فضـاّح =وأتـركّـد وأضحكـهـا وأبكّيـهـا
يمكن التيّن فـالخفجي يجـي تفـاح != دبـرة الله وأنـا وش حيلتـي فيهـا؟


سعود الزعبي
يوم شفتك (تزحلف) كنّـك التمسـاح =ماهقيـت إنّـك بشكلـك ترضّيـهـا
لو حصل ماحصل سعر الذهب ماطاح =وَأَهَـلْ العـرف ماتهـدم مبانيـهـا



حبيب العازمي
لو تشاهد عيونـك لـوح قالـت لاح! =خلّـت القـرن عقـدة بيـن أذانيهـا
ياسعـود المكاسـب كنهـا الأربـاح =كـل رميـة علاقتـهـا براميـهـا



سعود الزعبي
لو تزيح البحر ياصاحبي مـا انـزاح =كل ماشفـت سهلـة تنسـدح فيهـا!
امسح البحْر وتشوف الـدرر طفّـاح =ياحليْـل العـلـوم الـلـي تغنّيـهـا



حبيب العازمي
نعرف إن البحـر مايغـرق السبّـاح =والجبـال الرواسـي مـن يدربيهـا
سلموا لي على شليويـح ابـن شـلاّح =ثـم شـرق الجـزيـرة لا يخليـهـا


سعود الزعبي
أنت رجلٍ نحيف وفي يـدك مسبـاح =والسواليـف ماتـعـرف قوافيـهـا
ابـن شـلاّح بـرّد زنـدك القـدّاح =أصحب القـوم مـا تقـدر تعاديهـا


حبيب العازمي
ليت كبـر الجـروم يقصّـر الأرواح =وانتريّـح مـن السمنـة وطاريـهـا
ابن شلاّح يوم إنـه وقـف ماطـاح =وأنت واقـف تخمخمهـا وتخطيهـا!


سعود الزعبي
ضاع فكرك وحيلك في حصاة ارزاح =ثابتـة وأنـت ماتـقـدر تدربيـهـا
لا ضحكنـا وغنينـا علـوم امـزاح =ضاقت أصحابنا وش لون نرضيها؟! [/poem]

وسلامتكم


وكل الشكر للاخ عبدربه العتيبي على نقلها للنت




مع تحيات اخوكم
ابو تركي