[عبدالله السلمي]

ليـن نـارك يالعضيلـة كثـر دخانـهـا




القصيدة
قصيدة محاورة مع الشاعر/ زيد المطيري للشاعر عبدالله بن عتقان










[poem font="Simplified Arabic,6,black,norma l,normal" bkcolor="transparent " bkimage="backgrounds/2.gif" border="none,4,gray" type=0 line=0 align=center use=ex num="0,black"]
جرت هذه المحاورة يوم الأربعاء
21/5/1424هـ

بقصر الأميري بالرياض


زيد بن سلمي
مرحبا ترحيبة مطير فاليوم الكبير=يوم توريد المراجل على حيضانها
ياولد عتقان وش صار في ختم الأمير= الهوى غير ستارة على سلمانها

عبدالله بن عتقان
البقا يأصحابنا وقصرانا يامطير=من سليم اللي قبيلة رفيعٍ شأنها
ماهناك أخلاف يازيد والساير يسير=فيه يومٍ تهجر مطير كل أوطانها

زيد بن سلمي
أرتفع رأس الحنش وأرتخى رأس البعير=وأحددانا سليم شرهت ورى حدانها
لو نويت الطير بالشر والله مايطير=خل شرهتها تعود على جنحانها

عبدالله بن عتقان
يالعضيلة طيعني وأسمع العلم الأخير=النهايه عانها والسلامه عانها
قلتلك عود بوردك على ذاك الغدير=وأنت تبغى الناس تسقيك من غدرانها

زيد بن سلمي
ويش عندك من خبر ياغناوي يافقير=أطلب الأرزاق واوقف على بيبانها
ياولد عتقان لأزم تحدد لك مصير=واصلتك الحية اللي تمد السانها

عبدالله بن عتقان
يالمطيري وش يحدك على السيف الشطير=روح صوب المهد وأرتاح مع سكانها
أبشروا لن قادها بيننا سلك الحرير= لين نعرف داين مطير من ديانها

زيد بن سلمي
مهدنا ينتج ذهب حرتك تنتج شعير=يأهل الحرة ياحبه على نيشانها
لا يهمك كل مرضان أجهز له سرير=ماتجف الروس مادام فيه أدهانها

عبدالله بن عتقان
مهدكم يشبه لسبت العلايا في عسير= ديرةٍ ليمونها يرجح برمانها
يابدو ياللي تجاراتكم سمن ومضير= ماتعرفون المعارك ولا فرسانها

زيد بن سلمي
كلها ديرة شرف كلها خيره وخير=ياهل الخلفه قطعتوا نقذ حيرانها
والله إنك تو ما صرت في عيني صغير= روح في شأنك وخل العرب في شأنها

عبدالله بن عتقان
السفاره مابقي وسطها غير السفير=والهنود من المجاعه كثر جنجانها
والله إنك كنت في نظرتي شيٍ كبير=لين نارك يالعضيلة كثر دخانها[/poem]