|
منتدى أهل الوفاء ( أولى مشاركاتي )
بسم الله الرحمن الرحيم
أيها الأحبة هنا ، تشرّفت بالانضمام لكم ، في هذا المنتدى الشامخ ، وهذه مصافحتي الأولى ، عبارة عن أبيات متواضعة وعادية كعربون وفاء وسلام . إليكم:ـ [poet font="Simplified Arabic,5,black,bold, normal" bkcolor="white" bkimage="" border="inset,4,blac k" type=2 line=200% align=center use=ex length=0 char="" num="0,black" filter=""] سلام تسليمة وفاء مابها لعب=من جد ما يقرب لها الشك والريب ياصل سناها منتدى أهل الوفاء زعب=اللابة اللي تكسب المدح والطيب قبيلةٍ يشهد لها كامل الشعب=بالطيب والنخوة وبعدٍ عن العيب بقلوب الأعداء في اللقاء تزرع الرعب=ومدسّمينٍ في الرخاء لْحى الأصاحيب ميقافهم يعرف على السهل والصعب=ومركاضهم يشبع بها الطير والذيب هذا الصحيح ومنكره يحدر الدعب=مايقبل اللفّة ولا فيه تكذيب قلته بعد سجّلت في منتدى زعب=وأنا أتشرّف يوم أخاوي هل الطيب! [/poet] |
صح لسانك وماقصرت وهذا ان دل على شئ دل على اصلك الطيب |
السلام عليكم ورحمة الله وبركاته:
صح لسانك .. وزانت علومك .... أبيات جميله وفي مكانها |
لاهنــــــــت وصـــح اللـــة لســـانك ...........وماعليكم زود
كـــل الشكــر والتقدير اليك أخي الكريم على هذه القصيدة الرائعة التي لايجيدها ســـوى المبدعيــن أمثالكم ..... .ولاغرابة أن يخرج هذا الكلام الطيب من شخـــص ينتمي لقبيلة مشـــهورة بطيبها وكرمها وشجاعتها وفرســانها ........فضلا عن شعـــرائها . أخيـــرا : أهلا بك مرة أخرى أخ وعـــزيز ........... وراعي محـــل لاهنـــــت ..... لا هنت .... لاهنت ......... وصح لســـانك |
[poet font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=200% align=center use=ex length=0 char="" num="0,black" filter=""] اهلا عدد ماسيّل السيل فى شعب "="واعداد ماردد هل الطيب ترحيب فى عبد ربـّـه والقوافى على اع ب "="شعره شباب ان لاح بالقافيه شيب شاعر وبيت الشعر ماتجعبه جعب "="لوهو جموح تهذب البيت تهذيب من عصر عبس وعصر ذبيان مع كعب "="وعهد النبى يوسف وعهد النبي شعيب ربعك عتيبه من نوى حربهم تعب "="ربع ن بوقت الحرب تروى المحاديب عب القصيد الذرب ياهاجسي عب "="عب الرصيد ورتب القاف ترتيب قلته نيابه شكر عن منتدى زعب "="وابو عتيق صار ضمن المعازيب [/poet] مرحبــــــا مرحبــــــــــا مرحبــــــــــــا تراحيب المطر يابو عتيـق وصح لسانك مليون ولاهنت يالقرم وماعليكم زود فأنت من قبيله شامخه ولها تاريخها العريق والله يحيـك بين ربعك واخوانك وحنا بعد نتشرف فى وجودك بيننا وحنا ضيوفك وانت راع المحل واسمحلى على القصور ترانى ماني بشاعر تقبل تحياتى واحترامى |
صح لسانك ياعبد ربه ولاهنت ابيات وافيه من راس وافى
ولاعليكم زود والله يحيك بين اخوانك وربعك اخوك سعود بن مدلاج |
الله لايهينك وشكرا على القصيده
الاخ عبد ربه تحياتي لك واشكرك على القصيده الجزله وكثر الله من امثالك كما لايفوتني ان اشكر القائمين على هذا المنتدى وجميع اعضائه متمنيا للجميع التوفيق والسداد 00
اخوك\ ابو ابوشامه |
يا هــــلا ومـرحبــــــــــا
السلام عليكم وحمـــــة الله وبركاتـــه ,,
والصـــــــلاة والسلام على سيدنا محمـــــــــــد وعلى اله وصحبـــه اجمعين .. اقدم تحياتي لاخينا عبد ربــــــــه وله جزيل الشكـــر وعظيم الامتنان على هذه القصيـــده الرائعــــه والتي تدل على روعة كاتبهــا .. وهــــذي الساعــه المباركه التي تتواجد بها معنى كالاخ عزيز وغالي بأذن الله تعالى .. ولا يسعنى ان نثني عليك وعلى قبيلتك لان الثناء يشهـد بكم وبسماتكم الحميده التي عاصرة التاريخ بطوله وعرضـه بكل كرم وعزه وفخر وفروسيه .. اكرر شكري لك اخي العزيز واسعدنا كثيرا تواجدك .. مع فائــق الاحترام والتقدير لك .. |
صح لسانك ... وماعليكم زود
والله لايهينك رغم مشاركاتي القليلة الإ أني أجد نفسي مجبر على التعليق على هذه القصيدة الرائعة . الله يعطيك العافية ....يا عبد ربه |
يامرحبا بمنوخة كايد الصعب............ بني عتيبه مرذية شمٌخ النيب
اللي لهم طولات بالسلم والحرب............ تاريخهم يزهى بفعل المواجيب ويا مرحبا باللي على قسمنا صب ............ احلى درر مترتبه دون ترتيب في قافها كلٍ بيلعب ويطرب ............ وفي وزنها متعه طوتني وانا اجيب المنتدى نوٌر ونوره تشعب ............ واضحى يضاهي نور عالي المشاهيب وانا عن اخواني باحيي وارحب ............ في حضرتك ياكاسب السبق والطيب واقبل تحياتي من القلب للقلب ............ تحية ٍ عظمى حشا مابها عيب يامرحبا ومسهلا فيك ياعبدربه مره ثانيه وصح لسانك على هالقصيده الرائعه ولا عليك زود واكرر ترحيبي فيك أخ وعزيز وعضو نفرح بانضمامك لنا في هذا المنتدى المبارك اللي جمعنا بشرواك وصح لسانك يابوهلا على الرد الرائع أيضا تقبل تحيات أخوك أخـــو وضحى |
| الساعة الآن 11:34 |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir