شعــر الحــداثه !!
 

السلام عليكم ورحمة الله وبركاته ,,,


مساكم الله بالخير


قصيدة تعبر عن نفسها وأتمنى أن تنول على إعجابكم


-----------------------------------------------------------------------------------

[poem font="Simplified Arabic,5,black,bold, normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
شعر الحــداثه ؟ وشتقول الحــداثه = حادث حدث في وقت ساعة حدوثه
حبيبــتي والشمــس ثالــث ثـــلاثه = والليـــل والقمــرا ووصـف الانوثه
مدري منين وكيف والوصف عاثه = لين أصبــح المعنــى معه فيه لوثـه
ولوث أفكــار ٍ ما تحــــب الغــلاثه = وضحكـت له كبــود ٍ وراه مهلوثه
وصور له الاعـلام شاعــر وراثه = وأنه علــم سبــت القصـــيد وثلوثه
وأنه جبل راسي وصعـب أجتياثه = لا والله الا سهـــل جثــــه وعـــوثه
الشعر سبك وحبــك خلــق ودماثه = وشـرد أفكــار ٍ ما تجيــك مغلــوثه
ما صاغها شــاعــر حداثة ليـــاثه = يجيك من شعــره غثــاثه وغــــوثه
والبيــت لــو زيـــن بكامــل أثـاثه = فتش على ساسه وتعرف مكـــوثه
أما يجي ساســه جـــويد ومغــاثه = والا ضعيـــف ولا يســر مغيـــوثه
والجدر ما ركــب بغيـــر الثلاثه = مثــل وطبــق به وأخــذ من وروثه
والشعر يا شعار شعر الحـــــداثه = وزن ٍ ومعنى وقاف وأحبـك نكـوثه
ماهوب أحــبك يا ذكــــور وإناثه = والليــل والقمــرا ووصــف الانوثه
وشعر الحداثه شعر ما جا وراثه = ولاهوب حدث حادث بساعة حدوثه
جــابه لنا هــزل القصـيد وغثاثه = وصارت كبود الناس منه مغثــوثه [/poem]

صح لسانك ابو مبارك



انت الظاهر من محاربين الحداثه :)

بصراحه انا مالقيت الحداثه الا عند( سداح)


اما غيره ماش


لاهنت يالوافي


سلام

يابو فهد مثل مافيه مهندس الات دقيقه انت مهندس مفردات دقيقه


صح لسانك يامبدع


ابن عسكر سداح ( ياسر العتيبي ) اخ وشاعر جزل بمعني الكلمه ويعتبر شاعر يواكب الاحداث فلذالك اطلق عليه شاعر الحدث وليس الحداثه وبين عليك متابع جيــّــد للساحه الشعريه


وجود اسمك يسعدني يالقرم

صح السانك يابو مبارك
 

صـح لسانك قافيه صعبه ومفردات عذبه

لا تعليق أبدا على هذه القصيده فهي أكثر من رائعه

سجل أعجابي عندك أخوي محمد ..

وتقبل تحياتي ..
أخــوك : مـــلاوح

صح الله لسانك يابو مبارك


سلمت يداك يا عساف القوافي..



سجل اعجابي