|
منبر الشعر....!!
السلام عليكم ورحمة الله وبركاته
بعد غيبه طويله ارجع واقدم لكم الجديد عساه يحوز على رضاكم اعتليت لمنبر الشعر والناظر نظر...واتقدم للصعيبات وانا قدها دامني مسلم واصلي ومؤمن بالقدر...ليه نفسي عن هوا صاحبي بحدها له عيونٍ لا نظرني وحسيت بخطر...قلت انا فدوة عيونك وبارق خدها انت ياللي ما خلق مثل زينك بالبشر...ليه يدك بالمواصل شحيحٍ مدها شوفني دايم معاك انت يا الموت الحمر...لا لفتني هرجة الحاسدين اصدها وانت لامن جيت تاتي ، ولكن بالحذر...طالبك لو كان تحرجك كلمه بدها مستقر داخل خيالي وبالقلب استقر...يا غزالٍ ممتلكني ونفسي ودها لا لفتني كن نار المحبه بالصدر...تشتعل لين المعاني توصل حدها ولا ادبرت كني كسيرٍ وحيلته الصبر...توخذ ابله قدم عينه وعاجز ردها ما يغيب الشوق فيني وإلامنه حضر...ابدع جزال القصايد لها واشدها كل ما قلت اعشقك الخبر نفس الخبر...كل يوم اقولها ( ما يجيني ردها ) الوكاد اني اذا شفت بعيونه خطر...قلت انا فدوة عيونك وبارق خدها وسلامتكم |
مبطي وانا احتريك
فاقدك وفاقد جديدك بس اليوم عوظتنا بالجزيل صح لسانك ياذيب وكر القصايد وهات الجديد |
صح الله لسانك يابو غنيم
سجل اعجابي . |
صح لسانك يابو غنيم
جزل وخطواتك ثابته يالقرم لاعدمنا ابداعك |
مرحبا والله بالجميع
ومرحبا بردودكم وانا والله اني مقصر مع المنتدى ومع نفسي لكني مشغول باللي اهم منه اللي اهي الدراسه وعسى الله يكتب اللي فيه الخير وانشاء الله بأذيكم في المنتدى لكن عسى تنتهي الحقبه الدراسيه على خير تقبلو خالص التحيات |
انشهد انه مايفقد الا كبير
والله فقدناك ياعلي صح الله لسانك متمكن كما عهدناك |
اعتليت لمنبر الشعر والناظر نظر...واتقدم للصعيبات وانا قدها
|
مرحبابك يا العبيدي
وعساك ما تفقد غالي وشاكرلك على مرورك يا الغالي تقبل تحياتي... |
| الساعة الآن 10:44 |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir