نصيحه البراطمي للذين ينوون الزواج حديثا
 

هذه القصيده نصيحه من ابوفهد البراطمي لاحد ابناءه عندما كان ينوي الزواج فكانت هذه القصيده هديته له ونصيحته وفيها يقول:-

اوصيك يابني ان كان تفهم وصيتي***وصية ينصحك فيها العـــــــــــود
لاتاخذ الا بنت وافــــــــا الخصايل*** عسي الولد منها يجيــــــب الفـود
لاكبرت القــالات هو زيـــــزومها ***ويحلها لاصار فيهــــــا عقـــــود
وبنت الزلابــــــــا لايغرك جمالها ***احذر تغرك بالــــــعيون الـــسود
يطلع ولدها مثل ابــــــــوها زلابا ***كلن يفيد وفــــــوده المنــــــــــقود
لاصار هوشن بالمشاعيب والعمد *** لايعجـــــبك لو كبر العامــــــود
ياخذ عموده من يدينه ضــــــاري *** ويركـــــز كراعه ناير الــعنقود
لاكبرت القالات هذي عوايـــــده *** هــــــذي عوايد الــــــــــــشرود
هبيل من يرى الرياجيل واحـــــد ***الرجال فيهم حصانيه وفـــــــهود
رجل لاحتجته يقوم بواجبــــــــك *** ورجل(ن) من الواجبات صدود
واللاش لايغويك لو كثر مالــــــه *** لازاد ماله بالردى يـــــــــــزود
ذا قيل من جرب حلاه ومرهـــــا ***وجرب رجال المهزله والجـــود

الشاعر حمد البراطمي

ياسلام
 

الله لايهينك يالعود


وتسلم الله يعطيك العافيه قصيده ولكنها حكمه صح لسان حمد البراطمي

لاتاخذ الا بنت وافــــــــا الخصايل*** عسي الولد منها يجيــــــب الفـود
لاكبرت القــالات هو زيـــــزومها ***ويحلها لاصار فيهــــــا عقـــــود


تقبل تحياتي
اخوك ابوتركي

صــــــــــح لسان حمد البراطمي والله يعطيه الصحه و طولة العمر
 

حكيم ومبدع



هبيل من يرى الرياجيل واحـــــد ***الرجال فيهم حصانيه وفـــــــهود

رجل لاحتجته يقوم بواجبــــــــك *** ورجل(ن) من الواجبات صدود

واللاش لايغويك لو كثر مالــــــه *** لازاد ماله بالردى يـــــــــــزود

ذا قيل من جرب حلاه ومرهـــــا ***وجرب رجال المهزله والجـــود


الله لايهينك يالعود



تقبل تحياتي واحترامي
اخوك بو هلاااااااااااااااا

علي الرحب والسعه
 

الله لايهين الجميع وابشروا بالخير

الله لا يهينك يا العود وصح لسان الشاعر البراطمي

شاعر حكيم وابياته كلها حكم

لقد ذكرتني ببيت من قصيده للسواط يقول فيه :

بنت الردي لو كان زاهي بها الحلي ........... يجي ولدها كافعل جده واوايله

لك كل الشكر يا عزيزي وفي انتظار جديدك

تسلم ياخوي العود

وصح لسان حمد البراطمي