|
لا وا حيــاة الشــقا يا مدور الســـبه !!
السلام عليكم ورحمة الله وبركاته ,,, صبحكم الله بالخير جديد أتمنى أن يحوز على رضاكم ------------------------------------------------ لا وا حيــاة الشــقا يا مدور الســـبه أثــرك مسكــين ما تقــدر تحمـــلها وش عــاد لوك عليــها دايــم منـــبه ولا قلتلك صــار قلت أكيد وأزهلها مشكلتــك أنك تشــب بنــار مشتــبه والنــار ما تحــرق الا من يشعــلها يعني قوي باس لا والله هي النشـبه منت بقــوي باس أنت مدور علــــلها اللي على الغـوج ركب ودور الغبه يجــــوب غب البحور ولا تسهــلها الطيــب أحبه وراع الظن ما احــبه وافــرق الناس يوم البعض يجهـلها مسبــوه مثلك على درب السبه سبه ما يزعــل النــاس والله لو تحــايلها لو كنت مثل الرحا يطحن على حبه خلك عشانــك تفهمـــها من أولـــها لا تحســبني عليـــك لحــالك مشبـه أعيونــك الرمـــد عمــيا لو تكحلها خلاص حبل الوصل ما عاد له هبه جمع حبال الهوى ثم قطع اوصلـها وبالك تعـــود علي وادور الســـبه سوالفــــك ذي ما عــاد أتحمـــــلها وسلامتكم ,,, |
محمد فهد الوافي
جزله ورائعه جداً صح الله لسانك ملايين يامحمد ولاعدمنا طلاتك |
قصيدة رائعة .
أحسن الله اليك . |
حياك الله يالوافي
وصح الله لسانك على هالجزله دمت بود . |
الاخوه الاعزاء
العبيدي أبوالعز السلمي مبارك الزعبي صح بدنكم ولاهنتم على المرور والكلام الطيب دمتم بود أخوكم / محمد فهد الوافي |
صح لسانك يامبدع
لاهنت يابو فهد ولاعدمناك ولاعدمنا ابداعاتك |
الغالي
أبو هلا ولا أنت يالغالي ولا عدمنا وجودك يالقرم لاهنت على المرور والكلام الطيب دمت بود أخوك / محمد فهد الوافي |
السلام عليكم و رحمة الله و بركاته
صح لسانك يالشاعر:::: محمد مبارك الوافي ولااااهنت ويعطيك العافيه تقبل تحياتي اخوك :: سطام خالد الزعبي ::: |
0
0 0 0 صح لسانك وكلمات قويه .. شاكر ومقدر ماخطه قلمك وانتظر الجديد المفيد .. ودمت بخير وصحه وعافيه.. 0 0 |
| الساعة الآن 14:43 |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir